Т-Я

ТабынскаяИкона Пресвятой Богородицы, именуемая “Табынская”

(память в 9-ю пятницу по Пасхе)

Впервые Табынская икона Божией Матери явила себя либо во второй половине XVI, либо в первой половине XVII века. Во всяком случае это случилось вскоре после покорения Казани и до первого сеитовского бунта, случившегося в 1676 году, когда башкиры под предводительством старшины Сеита, соединившись с калмыцкими тайшами и подвластными им ногайцами, разорили селения в Уфимском и Казанском уездах.

Место, где явилась икона, находилось в 12 верстах от села Табынска Стрелитамакского уезда, в дачах Богоявленского завода принадлежавшего генералу-майору Пашкову, и известно под названием “Соленых ключей”, поскольку вода в здешних источниках всегда сохраняет беловатый цвет, чрезвычайно солона и не замерзает при самой низкой температуре.

Само место очень живописно. Здесь тянется извилистое лесистое ущелье, прорезающее Уральский хребет. При входе него стоит высокая Табынская гора, на вершине которой прежде стоял Вознесенский мужской монастырь, а внизу, на равнине, расстилался монастырский солеварный городок

Предание рассказывает, что как-то диакон монастыря, возвращаясь с поля в обитель, услышал небесный глас, говорящий: “Да почтится правоверующая братия Богоспасаемого монастыря принять Меня в храм Господа Моего”. Опасаясь, должно быть, внутреннего самообольщения, диакон первоначально не внял неземным глаголам, но спустя немного дней, возвращаясь после полевых работ, он вторично услышал тот же призывный глас. Тогда диакон в трепете стал осматриваться и увидел на большом камне над источником святую икону. Преисполненный страха и радости, он поспешил в обитель и возвестил о дивном обретении.

Братия торжественно перенесли икону в стены монастыря и сообщали об этом Уфимскому воеводе и Казанскому архиерею. Те пожелали иметь чудесную икону у себя, но Пресвятая Богородица не восхотела оставить свой образ ни в Казани, ни в Уфе и чудесным образом вновь явила его на том же камне. Тогда образ был оставлен в обители.

Вскоре Уфимский край потрясли страшные бунты: уже упоминавшийся сеитовский (в 1676 году) и всеобщий (в 1707-м), поднятый по наущению мятежников Айдра и Кусима. В горячке погромов разбойники не убоялись посягнуть и на Табынский образ. Но Богородица не замедлила с отмщением: иноверцы, поднявшие руку на пречистый Лик, ослепли и долго блуждали по лесу, пока один из них не раскаялся и не получил прозрение.

В это смутное время по неисповедимым путям Божиим Табынская икона таинственным образом исчезла. Тогда же был разорен и Вознесенский монастырь. Соляной завод, единственный источник пропитания иноков, был сожжен, а братия рассеялись…

Впрочем, недолго скрывала свой Материнский Лик Царица Небесная. Во второй половине XVIII века она снова явилась на том же самом камне. С подобающей честью икону перенесли в село Табынское и поместили в Вознесенском храме. С тех пор она стала называться Табынскою.

Согласно преданию, явление и второе обретение Табынской иконы пришлось на девятую пятницу по Пасхе. Этот день и стал днем чествования Табынского образа Богородицы, когда при многочисленном стечении народа совершались крестные ходы на Соленые ключи. К этому дню образ всегда прибывал в Вознесенский храм, в остальное же время крестные ходы переносили его из города в город, из села в село, поскольку окрестное население хорошо знало великую чудодейственную силу Табынской иконы, не раз проявлявшуюся на протяжении истории. Летописи свидетельствуют, что она избавила православных жителей Зауралья от нескольких эпидемий, от засухи, от народных волнений… Впрочем, не только православных. Известны случаи, когда иноверцы, видевшие преизобильные чудотворения, проистекающие от Табынского образа Богородицы, приносили Ей свои моления и получали просимое.

Когда нашу страну охватила Великая Смута революции и гражданской войны, чудотворная икона Табынской Божией Матери снова исчезла. Известно, что ее увез с собой атаман Дутов. Правда, в Благовещенске-на-Амуре святая икона изначально не пожелала покидать границы России. И только после трехдневного поста и усиленной молитвы (службу в сложенной из камыша часовенке совершали митрополит, тогда еще епископ, Нестор, архиереи Мефодий и Мелетий и сонм священства) Богородица соблаговолила, чтобы Табынский образ продолжил путь. Сначала икону привезли в Харбин, где она находилась в храме Казанской иконы Божией Матери, потом в Пекин, а оттуда архиепископ Филарет перевез ее в Сан-Франциско. Далее следы теряются. Но, может быть, это ее именуют сейчас в Париже “Черной Марией”? Ведь Табынская икона — единственная из известных образов, где лик Богородицы темен…

За годы советской власти многое изменилось на святом источнике. Не осталось больше ни красивых деревьев, ни тропинки, ведущей к пещере, ни огромного (метра три на три) камня, из-под которого вытекал источник. Камень большевики не поленились разрубить на кусочки, грот закопали… Правда, когда в 1944 году верующие откопали его, там еще сохранилось изображение ангела с распростертыми крыльями, лик Спасителя и православный крест. Но потом пещеру вовсе взорвали, не посчитавшись даже с тем, что в годы войны весь район спасся только благодаря тому, что у источника варили соль.

Новые власти запретили крестные ходы к источнику и построили на его берегу санаторий. Накануне девятой пятницы по Пасхе коммунисты еще более “усиливали бдительность”, устраивая кордоны на пути к святыне и не пропуская паломников. Причем, охранникам давались за такую “работу” отгулы. Но верующие все равно шли, шли и шли.

Единственный раз в 1947-м году — видимо, по горячим молитвам правящего архиерея архиепископа Мануила (Лемешевского) и его послушника священника Иоанна (Снычева) власти вдруг разрешили православным собраться на Соленых ключах в день чествования иконы. Узнав об этой радостной вести, к святому источнику пошли крестные ходы из Уфы, Стерлитамака, из Оренбурга. И тут произошло чудо. Вот как вспоминал об этом событии автор акафиста:

“Перед тем, как тронуться в путь, святыню повернули лицом к храму, и — о, чудо! — темный фон иконы внезапно прояснился, и лики на ней проступили яркими красками. Слезы радости и восторга потекли из моих очей, а сердце пронзил какой-то благодатный луч. Торжество было великое…”

Очевидцы вспоминают, что праздник получился необыкновенный. И хотя часовня была закрыта, верующие поставили престол снаружи и горячо молились Царице Небесной, испрашивая Ее заступления.

А через год опять последовал запрет, и много лет подряд ни о каких паломничествах вновь не могло быть и речи.

“В девятую пятницу после Пасхи перед Табынской иконой Божией Матери совершалось моление и чтение акафиста, — вспоминает митрополит Иоанн о событиях 1948 года. — Епископ Мануил очень чтил этот образ и мечтал иметь специальный акафист, но для него не было составителя.

Как-то Владыка отбыл обозревать свою епархию, а я по разным причинам остался дома. И вдруг в это самое время у меня появилось непреодолимое желание написать акафист Богородице. Я взял оставленную старцем книгу описания истории Табынской иконы Богоматери, прочитал внимательно, помолился и приступил к составлению. Дело шло быстро и хорошо. К вечеру следующего дня акафист был уже отпечатан на машинке. Я аккуратно обернул его чистой белой бумагой и написал нежными тонами: “Дар Неба”. Сам ликовал от радости, что исполнил давнишнее желание старца, но возникал вопрос: примет ли мой скромный дар Царица Небесная? Скоро возвратился Владыка, и на лице его отразилась радость”…

Гонения на православных усилились. Митрополита Мануила “в связи с усилением религиозности среди пожилого и молодого населения города и области и его личным авторитетом” арестовали. А после того, как в 1972-м году в журнале “Наука и религия” появилась злобная статья о “рассаднике заразы” в Гафурийском районе, активистов местного завода срочно вызвали в райком партии и дали несколько дней срока, чтобы сравнять пещеру и источник с землей. Все было взорвано и забетонировано. Так вместо одного мощного источника появилось несколько ручейков. Но и тут Матерь Божия не оставила кощунство безнаказанным. Два главных организатора взрыва вскоре умерли: один от рака, другой — от разрыва сердца. Третьего, заместителя председателя Усельского исполкома, парализовало, он скончался совсем недавно…

Но если Своих жестоковыйных обидчиков Царица Небесная наказывает, то тех, кто прибегает под Ее молитвенный покров, Она и доныне щедро оделяет Своею милостию. Так, например, Матерь Божия излечила от изнурительных головных болей, продолжавшихся в течение 25 лет, Галину Гамильяновну Аралбаеву из Ноябрьска — после того, как она провела несколько дней у святого источника. У Веры Федотовны Кузнецовой из деревни Зигановки, не побоявшейся в годы гонений купаться в источнике под дулами милицейского оружия, милостию Пресвятой Богородицы рассосалась опухоль.

Примеров можно привести много. Но, возможно, самый примечательный случай произошел с рабой Божией Евдокией из Оренбурга. 40 лет она болела полиартритом. К кому только не обращалась бедная женщина со своей бедой, и, что самое страшное, прибегала к услугам так называемых экстрасенсов. Но однажды она услышала о Табынских источниках и решила отправиться туда. На святые ключи Евдокия прибыла совсем в тяжелом состоянии — на клюшках. Ходить не могла, на ногах у нее выступили мозоли, а на руках появились шпоры. Поскольку женщина была не в состоянии даже просто лечь в источник, то ее поливали водой из ведра. И когда начали обливать, вода вдруг забурлила, закипела и сделалась мутной. Некоторые из свидетелей этого чуда видели змей, выползающих из источника. На третий день во время молебна Евдокия могла уже сама раздеться и погрузиться в воду. А еще через день, 7 сентября 1993 года, от ее ступней отпали чешуйки, которые 40 лет не позволяли ходить, и колени стали разгибаться. Уезжала женщина в прекрасном состоянии, благодаря Бога и Его Пречистую Матерь. Ныне Евдокия работает в храме и всему Оренбургу рассказывает о своем чудесном исцелении.

Все эти и многие другие примеры свидетельствуют, что Матерь Божия, сокрыв в годину бедствий Свой образ от поругания, Сама не покидала этот край никогда. Свою скорую помощь страждущим Она являет поныне: и через целебные воды источника, и через копии Своей чудотворной иконы. Недаром в 1993 году мироточили сразу два списка Табынского образа: в Усолке и в Красноугольске.

Такая преизобильная милость Матери Божией позволяет уральцам надеяться, что, может быть, Пресвятая Богородица услышит голос молящихся и призывающих Ее и в третий раз, столь же неожиданно, как прежде, явится в свой родной дом — Уфимский край.

Акафист пресвятой Богородице перед Ея иконой, именуемой “Табынская”

Кондак 1

Взбранной Воеводе рода христианскаго и страны нашея известной Избавительнице, хвалебныя песни принесем вернии Деве владычице Богородице. Ты же яко имущая милосердие неизреченное, от всяких ине скорбных обстояний свободи, да с любовию зовем Ти: Радуйся, Похвало Табынская и всего мира Надеждо и Утешение.

Икос 1

Архангели и Ангели дивятся Твоему неизреченному милосердию к роду человеческому, Дево Богородице, яко благоволила явити святую икону Свою близ града Казани, егда нечестивии агаряне воздвигоша брань на мирныя люди, разоряя грады и веси их. Ты же, Благая, хотя утешити рабов Твоих пришествием Своим, скорбь их на радость преложила еси, сего ради вопием Ти таковая: Радуйся, Благословенная в женах, радуйся, обретшая Благодать у Бога. Радуйся, десницею Создателя Благословенная; радуйся, Духом Святым освященная. Радуйся, Мати Христа Бога нашего; радуйся, в Рождестве и по Рождестве Дево. Радуйся Ангельских чинов удивление; радуйся, святых немолчное прославление. Радуйся, Похвало Табынская и всего мира Надеждо и Утешение.

Кондак 2

Провидя, Мати и Дево, беды и смятения окрест града Казани, явила еси святую икону Свою, наипаче же милость Свою, Владычице, людям, да не оскудеет вера, да не угаснет надежда, но да прославляется Имя святое Отца и Сына и Святаго Духа вопиющими: Аллилуиа.

Икос 2

По времени образ Твой честный Казанский во мнозе градах и весях страны нашея на досках изображенный, прояви силу благодатную истекающими чудотворениями, тако и окрест веси Табынския близ Вознесенския обители святыя явися новый образ Твой. Некогда диакон чернец, грядущий с села святую обитель, услыша Твой глас: да потщится правоверующая братия богоспасаемыя обители прияти Мя в Храм Господа Моего. Убояся прельщения, не внях неземному гласу сему, паки же возвращахуся ему путем тем, слыша глас Твой: Да прииди и виждь. Уразумех, яко глаголы сии свыше суть, прииде на место, откуда слышен бысть глас сей и узрех святую икону Мати Божия, на камени велием близ горы Табынския, у источника воднаго, возрадовахся духом. Мы же дивяся сему вопием Ти сице: Радуйся, явлением святыя иконы Твоея милость Божию нам возвестившая; радуйся, чистым сердцем глас Твой святый явившая. Радуйся, Мати щедрот и милосердия; радуйся, милости сокровище многоценное. Радуйся, с небесных высот на рабы Твоя призирающая; радуйся, покровом Твоим нас осеняющая. Радуйся, яко милость Твоя посещает христианские веси и грады; радуйся, яко милосердие Твое сердец наших отрада. Радуйся, Похвало Табынская и всего мира Надеждо и Утешение.

Кондак 3

Сила благодати Твоея осени сердце диакона благочестиваго, узревшу ему святую икону Твою, Владычице, и объят бых страхом величия Твоего, возрадовахся зело, со тщанием возтече во обитель и возвести братии о дивном обретении своем, радостно вопия Богу: Аллилуиа.

Икос 3

Имущи, Пресвятая дево, икона Твоея силу благодатную, явися инокам радостию велию, егда познаша милости Твоея чрез икону Твою Табынскую людем являемыя, со страхом несоша святыню сию во и поведоша о сем воеводе Уфимскому и Архиерею града Казани. Мы же благодарнии вопием Пресвятей Деве таковая: Радуйся, помощь Свою всем притекающим к Тебе подающая; радуйся, слез наших не отвергающая. Радуйся, к сыну Твоему моление о верных выну приносящая; радуйся, прошения наша во благо исполняющая. Радуйся, монашествующих покрове; радуйся, девствующих ограждение. Радуйся, к Богу умов и сердец направление; радуйся, душ наших спасение. Радуйся, Похвало Табынская и всего мира Надеждо и Утешение.

Кондак 4

Буря крамолы, воздвигнутыя от мятежник навыжденных Айдаром и Кусюмою, разори обитель Вознесенскую, братию же избиши, разсеятися понуди. Ты же, Всеблагая, хотя по времени явитися во славе велией, сокры икону Свою чудотворную Табынскую. Мы же, дивяся таковому промышлению Твоему, Владычице, вопием к Богу: Аллилуиа.

Икос 4

Слыша Богомати стенания рабов Твоих веси Табынския и видяше скорбь их, зане вера Христова поругаема бываше от неверных, в познание истины Христовой и изобличение неверных благоволила паки второе явити на камени тем же Образ Твой честный светом Божественным озаренный. Мы же, дивящеся таковому Твоему попечению о нас, вопием Ти таковая: Радуйся, явление иконы Твоя Табынския свет истинныя веры земле Уфимской даровавшая; радуйся, суевериям и зловериям омраченных просветившая. Радуйся, грешных исправление; радуйся, кающихся с Богом примирение. Радуйся, милость согрешившим являющая; радуйся, раны греховныя истребляющая. Радуйся, скорбные сердца надеждою возрождающая; радуйся, лювовию их согревающая. Радуйся, похвало Табынская и всего мира Надеждо и Утешение.

Кондак 5

Боготечную звезду святую икону Твою увидеша нечестивии агаряне светящую на камени, но не уразумеша Твоего, Владычице, пришествия, косни бо сердцем быша, ненавистию ко христианам распалишася, надругашися над святынею. За такое хуление святыни Твоея слепотою наказани быша, блуждаху по лесу неведуща пети: Аллилуиа.

Икос 5

Видеша хулители святыни, яко зело наказаны быша от Бога, не хотяху раскаятися, зане ожесточени сердцем быша, токмо един от них, лучем благодати Божией просвещенный, раскаяся и абие прозрев, возратися со единоплеменники своими ко святей иконе и слезно молишася пред нею. По молитве его Мати Божия всех исцели. Сего ради вопием Пречистей: Радуйся, торжество веры в стране нашея являющая; радуйся, святой иконою Твоею окамененыя сердца смягчающая. Радуйся, зловерия явное обличение; радуйся, истинныя веры утверждение. Радуйся, рода христианскаго возвышение; радуйся, святыни присное ограждение. Радуйся, яко Тобою беззаконие наказуется; радуйся, яко Тобою хула на Бога истребляется. Радуйся, Похвало Табынская и всего мира Надеждо и утешение.

Кондак 6

Проповедницы Твоея благодати явишася прозревшии магометане, возвестиша христианом веси Табынския о Твоем, Богомати, явлении, но не прияша крещения, токмо первый прозревший, иже прияв веру православную, возрадовася зело и рече всем притекающим ко источнику целебному: се, ны познах, яко велий есть Бог земли Российстей, со умилением вопия Ему: Аллилуиа.

Икос 6

Возсия свет Божественный, Владычице, егда святая икона Твоя с честию велиею перенесена бысть от места явления Своего в весь Табынскую, изливая верным дары целебныя и всем подавая помощь и утешение с верою к Тебе и во всякой скорби притекающим и вопиющим таковая: Радуйся, отчаявшихся прибежище; радуйся скорбящих слышание. Радуйся, печальных утешение; радуйся, христианом отрада и ограждение. Радуйся, в бедах и печалех теплое заступление; радуйся, яко немощным даруеши укрепление. Радуйся, скорбь нашу на радость претворяющая; радуйся, наветы вражия от нас отгоняющая. Радуйся, Похвало Табынская и всего мира Надеждо и Утешение.

Кондак 7

Хотяще вернии веси Табынския выну памятовати о чудеснем явлении иконы Твоея, Владычице, сотвориша в честь дивныя Твоея иконы Табынския празднование в пяток девятый Пасце, в день второго явления ея, благодаряще Заступницу усердную, Богу же воспевая: Аллилуиа.

Икос 7

Новое чудо явила еси Богородице, егда за беззакония людей праведный гнев Божий постиже град Стерлитамак, поразих их болезнию холерною, вернии с благословения Архиерея Иоанникия, вземши святую икону Твою, Богомати, Табынскую, принесоша ю во свой град и слезно пред нею моляшася. Егда совершено бысть молебное пение — болезнь смертная остави град. Видяши же людие милость Твою, Богородице, возопиша Тебе таковая: Радуйся, яко за люди согрешившия присно пред Сыном Твоим и Богом ходатайствующая; радуйся, праведный гнев Божий, на них движимый, на милость преклоняющая. Радуйся, прекращением холеры благодатную силу иконе Твоей нам возвестившая; радуйся, милость Божию и согрешившим явившая. Радуйся, Надеждо ненадежных; радуйся, опора немощных. Радуйся, заблуждших на путь покаяния наставляющая; радуйся, веру в жизнь будущаго века в них пробуждающая. Радуйся, позвало Табынская и всего мира Надеждо и Утешение.

Кондак 8

Странное чудо зрим о Тебе, Богомати, егда икона Твоя Табынская принесена бысть во град Оренбург во время мора смертнаго и токмо явися во граде сем святая икона Твоя — абие мор преста, сего ради вернии града сего на коегождо лето ко дню Рождества Пресвятыя Богородицы с радостию велию сретиша святую икону Твою Табынскую со умилением вопия: Аллилуиа.

Икос 8

Весь аз недостойный грехми исполнихся, мирскому разсеянию вдахся и о душе своей вознерадев, обаче на святую икону Твою, Владычице, взирая и просвещение от нея безчисленным людем зде приходящим видя, паки на путь спасения устремляются, и в радости сердца воспевают Ти сице: Радуйся, шествовати путем Господним нас научающая; радуйся, на пути ко Господу нас укрепляющая. Радуйся, жестокосердия искоренение; радуйся, милосердия в сердцах насаждение. Радуйся, к подвигу целомудрия нас призывающая; радуйся, непорочных венчающая. Радуйся, от земнаго богатства души верных отвращающая; радуйся, духовными дарованьми молящихся обогащающая. Радуйся, Похвало Табынская и всего мира Надеждо и Утешение.

Кондак 9

Вси людие земли Уфимския, егда праведний гнев Божий наказаша их бездождием, со слезами молиша Заступницу христианскую просити у Сына Своего и Бога, да оросит землю их дождем, и егда вернии веси Архангельския, вземши святую икону Табынскую, несоша ю на село свое, бысть дождь велий, на радость скорбящим и во утешение плачущим, да воспоют Господу благодарным сердцем: Аллилуиа.

Икос 9

Витий глаголы и любомудров смыслы не довлеют ко изглаголанию чудес Твоих, Владычице Неба, яко во утешение жителям Стерлитамака, низпослав свыше дождь велий на землю, сим избавила град их от глада и запаления огненнаго, яко да истребится от лица скорбящих всяка печаль и всяка болезнь, сего ради вопием Ти: Радуйся, обуреваемых тихое пристанище; радуйся, источниче милостей Господних. Радуйся, унылых ободряющая; радуйся, моление скорбящих ко Господу возносящая. Радуйся, ходатайством Твоим от зноя и жажды нас спасающая; радуйся, молитвами от запаления огненного избавляющая. Радуйся, яко алчущих питаеши; радуйся, яко во мразех сущих согреваеши. Радуйся, похвало Табынская и всего мира Надеждо и Утешение.

Кондак 10

Спасти хотящи, Пресвятая Богородице, страждущего трясовицею Василия воина от града Оренбурга, исцеление подаде ему чрез икону Свою Табынскую. Сей воин во сне двукраты в весь Табынскую идяше и тамо Матерь Божию об исцелении умоляше, уразумев в сониях волю Владычицы, пойде немощный двести тридесят поприщ, труждаяся и множицею на землю падоша, пришедше же ему в весь Табынскую, егда погрузися во источник святый, идеже икона Твоя явися, абие исцелен бысть и радуяся, благодаряще Матерь Божию, возопиши Господу: Аллилуиа.

Икос 10

Стена нерушимая веры явилася еси, Богородице, боголюбивому отроку, зане сей имевший части некия от камени, на нем же явися икона Твоя, Владычице, многим болящим помощь подаше еси, егда бо сии, омывши частицы камени водою, пияхом ю и омывахом ею раны своя, абие исцеление приимаша. Мы же благодать Твою видевше, зане и камени силу чудотворити даровала еси, вопием Ти сице: Радуйся, святые ключи целебною водою прославившая; радуйся, даже каменю, на нем же явися святая икона Твоя Табынская, благодатную силу даровавшая. Радуйся, всем с верою притекающим к целебней иконе Твоей исцеление подающая; радуйся, благодарение их ко Господу возносящая. Радуйся, яко к помощи Твоея и маловернии притекают; радуйся, яко по повелению Твоему и разслабленнии со одра болезни возстают. Радуйся, бесов изгнание; радуйся, помраченных умов просветление. Радуйся, Похвало Табынская и всего мира Надеждо и Утешение.

Кондак 11

Пение хвалебное возсылаху тебе, Матери Божией, вси людие, стоящии во храме Твоем, видиша покаяние согрешившего и милосердие Твое к нему некий воин Гавриил, за нарушение обета, данного Тебе, в разслаблении сущий — исцелен бысть, егда святого таинства елеосвящения сподобльшася к чудотворному образу Твоему припаде. Мы же, грешнии, многажды Господа грехми своими прогневляющии, молим Тя, и нам прощение грехов испроси со упованием поющим: Аллилуиа.

Икос 11

Свет зрению даровала еси, Владычице, старице некоей, осемь лет во граде Оренбурге слепотою страдавшей; егда бо в сретении Твоея иде, сродницею своею оставлена бысть, стеснения ради народа, внезапу прозре и видяще икону Твою святую возрадовася зело, мы же со трепетом вопием Ти сице: радуйся благодатная, врачевания обильно источающая; радуйся, исцелением недугов притекающих к Тебе веселящая. Радуйся, слепых прозрение; радуйся, глухих слышание, немых глаголание. Радуйся, хромых хождение; радуйся, вдов и сирот заступление. Радуйся, душ наших освящение; радуйся, земнородных упование. Радуйся, Похвало Табынская и всего мира Надеждо и Утешение.

Кондак 12

Благодать Твою яви нам, Пресвятая Дево, молящимся Тебе пред честней иконою Твоею Табынскою, излей щедроты Твоя на грады и веси не токмо края Приуральскаго, но во всем мире честный образ Твой почитающим и поющим Богу: Аллилуиа.

Икос 12

Поюще Твоя чудеса от иконы Твоея Табынския явленыя, молим Тя, Владычице, Лика Твоего от страны нашей не отврати и всем приводящим к чудотворному образу Твоему и милости от Тебя ожидающим во благая вся прошения исполни, да вси воспоем Ти сице: Радуйся, иконою Твоею Благословение Божие краю нашему приносящая; радуйся, источник Твой яко проповедник спасения веси Табынския оставившая. Радуйся, смиренных сердцем Боговедением просвещающая; радуйся, яко славу Божию воспевати нас научающая. Радуйся, к Тебе же падшие в покаянии притекают; радуйся, яко призывающие имя Твое святое от падения греховнаго возстают. Радуйся, в час смертный чтущих Тя не оставляющая; радуйся, и по смерти во обители небесныя души их сопровождающая. Радуйся, Похвало Табынская и всего мира Надеждо и Утешение.

Кондак 13

О Всепетая Мати Христа Бога нашего, приими молитвы раб Твоих и мир испроси всем, с верою и любовию притекающим к иконе Твоей Табынской, и живот вечный даруй им со умилением поющим: Аллилуиа, Аллилуиа, Аллилуиа.

(Этот кондак читается трижды, затем икос 1 и кондак 1) 

Молитва Пресвятой Богородице перед Ея иконой, именуемой “Табынская”

О Пресвятая Владычице Богородице, Мати Господа нашего Иисуса Христа непрестанная о нас пред Богом молитвенница и ходатаица. О, Мати наша Преблагая, всех нас при кресте Сына Твоего усыновившая. Благодарим Тя, безчисленныя блага молитвою Своею нам испросившая. Благодарим Тя, множество икон Твоих чудотворных стране нашей даровавшая. Благодарим Тя, дивную икону Табынскую в годину скорбей краю Уральскому пославшая, на камени велием икону Свою нам явившая. Молим Тя, окамененныя сердца наши росою молитв Твоих умягчи. Милость Свою нам показавшая у источника воднаго, идеже болезни наша телесныя исцеляются, даруй нам потоки скорбных слез и очисти ими тину грехов наших. У источника воднаго святою иконою Твоею благословение месту сему показавшая, помози нам Слово Господа Сына Твоего исполнити и солию земли быти. Лик Свой темный нам, грешным, омраченным грехом явившая, просвети тьму грехов наших и приведи нас к тихому пристанищу в вечныя обители, уготованные Господом любящим Его. Аминь.

Тропарь Пресвятой Богородице перед Ея иконой, именуемой “Табынская”

Тропарь, глас 4

Наста днесь пресветлый праздник, Пречистая Дево, честныя Твоея Табынския иконы, Владычице, яже паче лучей солнечных возсия, от Источника приснотекущаго, Христа, Бога нашего, источаеши целебныя дары с верою к тебе притекающим, Тя бо Христос Помощницу людем Своим дарова, покрывати и спасати от всякия беды рабы Своя, едину Благословенную.

 

ТамбовскаяИкона Пресвятой Богородицы, именуемая «Тамбовской»

(память 16 апреля по старому стилю)

В Тамбове, в церкви святого архидиакона Стефана, именуемой Уткинскою, находится чудотворная икона Богоматери, Тамбовская. Икона стоит в придельном храме, в иконостасе на левой стороне, как местная икона. Явление иконы в 1692 году; изображается она как Ильинская-Черниговская.

 

Казанская Тамбовская икона Пресвятой Богородицы

(память 8 июля по старому стилю)

Находилась в Преображенском храме Тамбовского кафедрального собора. Первое чудо от иконы совершилось 6 декабря 1695 г., когда во время всенощного бдения она источила слезы. С того времени около святой иконы непрерывно врачевались недуги. Икона написана по типу Казанской.

 

ТихвинскаяИкона Пресвятой Богородицы,именуемая “Тихвинская”

(память 26 июня по старому стилю)

Явление иконы “Тихвинская” произошло в 1383 году, в княжение великого князя Димитрия Донского.

Предание говорит, что ранее эта икона находилась в Царьграде, куда была принесена в V веке императрицей Евдокией из Иерусалима. За 70 лет до падения Царьграда икона чудесным образом перешла в Новгородскую область.

Как-то на Ладожском озере рыбаки закидывали сети, когда перед ними неожиданно появился необыкновенный свет. Они присмотрелись к нему, и увидели, как в воздухе над водою движется икона Богоматери с Предвечным Младенцем на Ее левой руке. Икона прошла над рыбаками и явилась в 30 верстах от озера. Несколько раз она перемещалась в различные места, пока не избрала для себя место близ Тихвина.

Повелением Ивана Грозного, посетившего Тихвин для поклонения иконе, около нее был устроен мужской монастырь. Икона была прославлена всевозможными чудесами — прозрением слепых, исцелением бесноватых. Особенно прибегают к ней при болезнях детей.

К памятным знамениям от этой иконы так же относится оборона в 1613 году Тихвинской обители от шведов. Замечательно, что одна из рук Богоматери отличается необыкновенною теплотою, весьма ощутимой для губ при прикладывании.

Акафист Пресвятой Богородице  перед Ея иконой, именуемой “Тихвинская”

Кондак 1

Взбранной Воеводе, Владычице нашей Богородице благодарственная пения восписуем о явлении чудныя Ея иконы, к Нейже притекающии присно избавляются от враг видимых и невидимых. Ты же, Госпоже Неба и земли, яко милосердная Мати, приими ныне малое сие моление наше и неотступну никогда же сотвори милость Твою от нас и заступление, охраняющи от всех бед и напастей нас, зовущих Ти: Радуйся, Владычице, милостивая о нас пред Богом Заступнице.

Икос 1

Ангелов лицы ликовствующе служат Тебе, Владычице, и почитающе Тя, на руку Твоею носившую Творца видимыя и невидимыя твари, икону Твою с места на место преносят. Мы же, земнороднии, дивящеся чудному явлению иконы Твоея, Ангелы носимыя, вопием Ти сице: Радуйся, всех Небесных Сил высшая; Радуйся, вся ангельския чины превосходящая. Радуйся, Честнейшая Херувим; Радуйся, Славнейшая без сравнения Серафим. Радуйся, радование Ангелов; Радуйся, похваление ликов небесных. Радуйся, от Ангелов воспеваемая. Радуйся, от Серафимов прославляемая. Радуйся, от Архангел поклоняемая; Радуйся, от воинств небесных почитаемая. Радуйся, в иконе Твоей от Ангел чтимая; Радуйся, в видимем образе Твоем от невидимых сил носимая. Радуйся, Владычице, милостивая о нас пред Богом Заступнице.

Кондак 2

Видяще рыбарие над пучиною вод носимую невидимою силою и светом подобно солнцу сияющую Твою, Богомати, икону с Предвечным Младенцем, рыбарей призвавшим на уловление мира в сети спасения, возопиша: Аллилуиа.

Икос 2

Разум недоразуменный дивнаго явления иконы Твоя разумети людие ищуще уведеша, яко чтимая в Цареграде пречестная икона в наследие российскому роду даровася. Темже мы, благодаряще за милость Твою к роду нашему, вопием Ти: Радуйся, Мати истинныя жизни; Радуйся, послушанием Твоим преслушание Евы исцелившая. Радуйся, затворенный Эдем отверзшая; Радуйся, миру явившая Сокрушителя главы змиевой. Радуйся, ковчеже Умирителя мира носивший; Радуйся, мир спасшая от потопления греховнаго. Радуйся, лествице еюже сниде Бог; Радуйся, земных возводящая на небо. Радуйся, море фараона мысленнаго потопившее; Радуйся, купино, неопалившаяся всельшимся в Тя огнем Божества. Радуйся, скрижале Богописанная; Радуйся, каменю, воду жизни источивший жаждущим. Радуйся, Владычице, милостивая о нас пред Богом Заступнице.

Кондак 3

Сила Вышняго осеняше страну Тихвинскую егда икона Пречистыя Богоматере, многочастне являющися и временным пребыванием освящающи землю, к воздвизанию храмов святых возбуждаше, да славится имя Владычицы во славу Триипостаснаго Бога, Емуже вопием: Аллилуиа.

 Икос 3

Имуще благоутробное изволение, да людие страны Тихвинския вожделеют пребывания Твоего с ними да памятуют выну покров Твой, икону Твою являла еси многочастне, дондеже указала еси богоизбранное место вселения ея. Темже чудящеся вопием Ти: Радуйся, скиние, в нейже вселися Божество телесне; Радуйся, святая святых, в неюже единою вниде вечный Архиерей. Радуйся, кивоте позлащенный Духом, Законодателя носивший; Радуйся, светильниче, огнем Божественным возженный. Радуйся, стамно, носившая манну жизни Христа; Радуйся, трапезо, хлеб животный вместившая. Радуйся, кадильнице, угль Божества имущая, мир весь облагоухавшая; Радуйся, жезле цвет, прозябший Христа. Радуйся, столпе, к вечному наследию руководяй; Радуйся, облаче, от враг видимых и невидимых покрываяй. Радуйся, земле обетования; Радуйся, руно, на негоже Христос, яко дождь сниде с небесе. Радуйся, Владычице, милостивая о нас пред Богом Заступнице.

Кондак 4

Бурю смущения и скорби утолити тщащеся, благовернии людие взываше ко Господу: яви нам Божественный дар, егоже человеколюбие стране Российстей послал еси, не скрый сокровища, имже душевную нищету нашу обогатити надеяхомся, претвори печаль нашу в радость, отри слезы и рыдания. И улучивше желаемое, возопиша: Аллилуиа.

Икос 4

Слышав пастырь паствы своея радостное обретение и Матерь Пастыреначальника упасшуюся в странах Тихвинских, устрояет храм в честь новоявленныя иконы Ея, и пресвитеры учреждает, да выну прославляя Богоматерь вопиют Ей: Радуйся, Дщи, приклонившая ухо ко гласу Отца Небеснаго; Радуйся, яко праматернее сетование разрушися рождеством Твоим. Радуйся, Невесто, Еяже доброты вожделе Царь Небесный; Радуйся, Царице, одесную Царя представшая. Радуйся, рясны златыми украшенная и всю славу внутрь имущая; Радуйся, вводящая многих в чертог Царства Небеснаго. Радуйся, яблоко, егоже благовоние обоняет весь мир; Радуйся, крине чистоты, блистанием светящийся. Радуйся, миро благовонное, всему миру излиянное; Радуйся, царскую порфиру, плоть Творца всех, из девственных кровей Твоих исткавшая. Радуйся, живый запечатленный источниче, источивший воду жизни; Радуйся, мысленный винограде, гроздь Божественный возрастивший. Радуйся, Владычице, милостивая о нас пред Богом Заступнице.

Кондак 5

Боготечная звезда явися икона Твоя, Богомати, вся страну Тихвинскую обтекающи, и сущих во тьме невежествия светом боговедения озаряющи, скорбящих радостию осиявающи, заблуждающих же на путь делания заповедей Сына Твоего и Бога наставляющи. Ему же благодарственне вопием: Аллилуиа.

Икос 5

Видев Георгий на кладе древа седящу Жену, жезл червленный в руках имущу и светом неизреченным сияющу, Ейже предстоя беседоваше дивный Святитель, позна чрез благоухание благодати Тя, Богородицу, чувственный зрак приимшую и Святителя Николая предстояща Тебе, и возопи со трепетом: Радуйся, доме, егоже созда Себе для вселения Премудрость Божия; Радуйся, Дево, Еммануила родившая. Радуйся, жезле Иессеов, от негоже прозябе цвет Христос Бог; Радуйся, Неневестная Невесто, осенением Духа заченшая Сына. Радуйся, свитче, в немже перстом Отчим написася Слово; Радуйся, книго девства запечатленная, Иосифу на хранение врученная. Радуйся, клеще таинственная угль Божества во чреве приемшая; Радуйся, престоле превознесенный, на немже плотию возседе Христос. Радуйся, облаче легкий, на немже прииде Господь славы; Радуйся, врата затворенная, имиже един Христос пройде. Радуйся, горо несекомая, от неяже краеугольный камень отсечеся, Христос; Радуйся, огнеросная пеще, неопально приимшая огнь Божества. Радуйся, Владычице, милостивая о нас пред Богом Заступнице.

Кондак 6

Проповедник быв видимаго Твоего пребывания в стране Тихвинстей и дивнаго промышления о ней, благочестивый Георгий явление Твое и волю Твою людем возвести, ейже неповинующися чудесы вразумляются славити Тя, Владычице, и пети Богу: Аллилуиа.

Икос 6

Возсияти свету Богопознания явлением иконы Твоей изволившая, и свет иноческия жизни возжещи благоволила еси, Богомати, на месте явления Твоея иконы, да иноков лицы вопиют Ти непрестанно: Радуйся, неплоднаго корене благоплодное прозябение; Радуйся, от младенчества Богу посвященная. Радуйся, во святем храме воспитавшаяся; Радуйся, Богу уневестившаяся. Радуйся, всеми добродетельми преукрашенная; Радуйся, светоносная палато, Владыце уготованная. Радуйся, благодатию Божию предочищенная; Радуйся, от начала веков во главизну нашего спасения предызбранная. Радуйся, Невесто Архитектона небеснаго, земному тектону на хранение врученная; Радуйся, малый Назарет Своим пребыванием возвеличившая. Радуйся, горних сил похвало; Радуйся, всех земнородных слава. Радуйся, Владычице, милостивая о нас пред Богом Заступнице.

Кондак 7

Хотящим преподобным Мартирию и Кириллу во уединении подвизатися и труды и подвиги иноческими Богу угождати, путь в место вожделеваемаго подвига в столпе огненнем и гласе указала еси. Они же познавше Тя, яко Одигитрию благую, спутьшествующую им, возопиша Богу: Аллилуиа.

Икос 7

Новый источник чудес в стране северней явися икона Твоя Тихвинская, Пресвятая Владычице, независтно точащий изцеления всем притекающим с верою: слепии бо презирают, немии благоглаголиви бывают, глусии слышат, разслаблении возстают, бесноватии от уз демонских свобождаются. Темже славяще Тя, возопием: Радуйся, яко на Тебе почи благоволение Отчее; Радуйся, Духом Святым осененная. Радуйся, яко в Тебе воплотися Сын Божий, Спас миру; Радуйся, совета неизреченнаго Таиннице. Радуйся, от Ангела благовестие приимшая; Радуйся, ангельским, еже радуйся, весь мир обрадовавшая. Радуйся, яко Господь с Тобою; Радуйся, яко Тобою вси земнороднии Богу приближишася. Радуйся, Благословенная в женах; Радуйся, всем женам благословение даровавшая. Радуйся, Мати до рождества и по рождестве пребывшы Девою; Радуйся, начаток чести и славы девства. Радуйся, Владычице, милостивая о нас пред Богом Заступнице.

Кондак 8

Странно чудо явления образа Твоего, Владычице, и несказанно, удивляет премирная и ужасает земная, вкупе же и просвещает благодатию рождшагося от Тебе Христа Бога нашего. Странно и заступление обители от врагов, хвалившихся разорити достояние Твое. Сего ради вопием Богу: Аллилуиа.

Икос 8

Вся еси в вышних, Владычице, но и нижних не оставляеши, защищающи, аки стеною и забралом, честною иконою Твоею обитель Твою. Рекла бо еси, егда бысть нашествие вражие, да возмут людие икону Мою и обыдут по стенам окрест, и узрят милость Божию. Темже избавлении Тобою от враг возопиша Тебе: Радуйся, Мати Творца и Господа Своего; Радуйся, Еяже ради младенец Иоанн взыграся во чреве Елисаветы. Радуйся, от всех родов ублажаемая; Радуйся, смирением возвышенная. Радуйся, небесным радование и земным мир рождением Твоим даровавшая; Радуйся, от Ангелов славословие, от пастырей величание, от волхвов поклонение о рождении Твоем приимшая. Радуйся, млеком питавшая горняя и дольняя благодатию Своею Питающаго; Радуйся, пеленами повившая Одевающагося светом, яко ризою. Радуйся, носившая на руку Твоею Носящаго весь мир дланию; Радуйся, во храм принесшая священие храма. Радуйся, Симеоном благословенная; Радуйся, Анною пророчицею возвеличенная. Радуйся, Владычице, милостивая о нас пред Богом Заступнице.

Кондак 9

Всякаго естества ангельскаго чистейши сущи, Владычице, обитель, ради пришествия Твоея иконы созданную, от нечистоты греховныя близ погибели бывшую, но покаянием очистившуюся, яко общая Молебница о роде христианском избавила еси от врагов, по подобию нечистых животных подкопати ю трудившихся. Темже вопием Богу: Аллилуиа.

Икос 9

Вития многовещанныя недоумеют воспети по достоянию множество чудес Твоих, Владычице, и тайны Твоего строения спасения человеков: ово бо благостию, ово же посещением наказаний руководиши людий на путь спасения. Зане необориму обитель сохранивши от врагов видимых, огненным очищением благоволила еси очистити от уязвлений врага невидимаго, вразумляя, яко чистота, воздержание и молитвы сердечныя угоднее Тебе паче хвалы единых точию уст. Темже вопием Ти: Радуйся, Египет освятившая пришествием Твоим; Радуйся, Галилейскую страну прославившая пребыванием Твоим. Радуйся, по всему Иерусалиму искавшая Отроча Твое, Егоже возлюби душа Твоя; Радуйся, в дому Отца Его обретшая Его. Радуйся, вся глаголы о Сыне Твоем слагавшая в сердце Своем; Радуйся, в Сыне Твоем прежде всех познавшая Бога. Радуйся, Сыну Твоему послужившая в земнем житии Его; Радуйся, страданием Его спострадавшая. Радуйся, при Кресте Сына Твоего усыновление Иоанна Апостола и всех верующих приимшая; Радуйся, матерински возлюбившая искупленных кровию Его. Радуйся, первее всех уразумевшая тайну воскресения Сына Твоего; Радуйся, премногий радости насладившаяся в вознесении Сына Твоего на небеса. Радуйся, Владычице, милостивая о нас пред Богом Заступнице.

Кондак 10

Спасти хотящи многия люди от обдержащих их скорбей и болезней и веру их утвердити во всесильное заступление Твое, Владычице, во многих градех, обителех, весех православныя страны силу чудотворения даровала еси изображением честныя иконы Твоея, да видяще являемую Тобою милость, вопиют со умилением Богу: Аллилуиа.

Икос 10

Стена и щит была еси, Владычице, православному воинству, под знамением Твоея иконы противу двадесяти язык воинствовавшему, сохраняя его от стрел вражиих. Темже буди стена и покров от всех врагов видимых и невидимых и нам, ко пречестней иконе Твоей с верою и любовию припадающим и вопиющим Тебе: Радуйся, утешение верным по вознесении Сына Твоего; Радуйся, Учительнице и Споспешнице Апостолом. Радуйся, извещением Твоего к Богу отшествия обрадованны; Радуйся, лик ученический облаком к погребению Ти совокупльшая. Радуйся, от земли дланьми Сына Твоего восприемлемы; Радуйся, от всех ангельских чиноначалий провождаемая. Радуйся, земное небо к горнему селению возвышенное; Радуйся, престоле Господень, от земли вознесенный в Царствие Небесное. Радуйся, воздух освятившая восхождением Твоим; Радуйся, чрез Фому уверившая Твое на небо с плотию преселение. Радуйся, ученическому лику обещание хранити его исполньшая; Радуйся, присещением Твоим от Сына Твоего и Бога мир тому подавшая. Радуйся, Владычице, милостивая о нас пред Богом Заступнице.

Кондак 11

Пение всякое побеждается, спростретися тщащеся ко множеству чудес, приснобываемых от святыя Твоея и чудотворныя иконы. Якоже бо скорая Помощница недуги исцеляеши, от бед избавляеши, от мучения демонов свобождаеши, на всяком месте с верою Тя призывающих и вопиющих Богу: Аллилуиа.

Икос 11

Светоприемную свещу зрим святую икону Твою, Богомати, во странах Тихвинских благодатию Твоею возженную, всю страну просвещающую и многих ко свету своему привлекающую на спасение душ. Темже вопием Ти: Радуйся, сохраняти и спасати всех призывающих Тя обещавшая; Радуйся, прославляющих Тя прославляющая. Радуйся, к Сыну Твоему и Богу молитвы верных приносящая; Радуйся, и Сама непрестанно у престола Сына Твоего и Бога молящаяся о всех. Радуйся, благодать Твою иконам Твоим честным даровавшая; Радуйся, всю вселенную лучами Твоея благодати озарившая. Радуйся, Честнейшая Херувим и Славнейшая Серафим; Радуйся, всея твари высшая. Радуйся, Царице Неба и земли; Радуйся, яко много может молитва Твоя пред Сыном Твоим. Радуйся, всего рода христианскаго скорое заступление; Радуйся, всех верных твердое упование. Радуйся, Владычице, милостивая о нас пред Богом Заступнице.

Кондак 12

Благодати Твоея новое знамение дати восхотев, Петрову граду источник чудес отверзла еси, Богомати, в иконе Твоей, да верующии вразумляются, труждающиися и скорбящии обретуют готовое прибежище и заступление, прославляющи Бога даровавшаго таковая, вопиют Ему: Аллилуиа.

Икос 12

Поюще чудеса Твоя и милости роду нашему явленныя, умильно припадаем к пречистому образу Твоему, Владычице, и лобызающе, со страхом и любовию молим Тя: настави нас на путь спасения, да достойни будем выну Твоего милостиваго заступления, буди присно Заступница и Ходатаица о нас, вопиющих Ти: Радуйся, верных утверждение и защищение; Радуйся, неверных вразумление и просвещение. Радуйся, отчаянных Надеждо; Радуйся, грешных спасение. Радуйся, печальных утешение; Радуйся, больных изцеление. Радуйся, вдов и сирот покрове; Радуйся, обидимых прибежище. Радуйся, царей укрепление; Радуйся, святителей удобрение. Радуйся, девствующих похвало; Радуйся, всех благочестивых веселие. Радуйся, Владычице, милостивая о нас пред Богом Заступнице.

Кондак 13

О Всепетая Мати, рождшая всех святых Святейшее Слово, нам покров и защищение в жизни сей от врагов видимых и невидимых, от бед и скорбей, сохрани от искушений и грехопадений, и в будущей жизни, на суде Сына Твоего и Бога нашего, буди Заступница и Ходатаица, избавляющи нас от вечнаго осуждения, да спасеннии Тобою, с лики ангельскими вопием Богу: Аллилуиа.

(Этот кондак читается трижды, затем икос 1 и кондак 1) 

Молитвы к Пресвятой Богородице перед Ея иконой, именуемой “Тихвинская”

Молитва первая

О Пресвятая Дево, Мати Господа вышних сил, Небесе и земли Царице, града и страны нашея Всемощная Заступнице. Приими хвалебно-благодарственное пение сие от нас недостойных раб Твоих и вознеси молитвы наша ко престолу Бога Сына Твоего, да милостив будет неправдам нашим и пробавит благость Свою чтущим всечестное имя Твое и с верою и любовию поклоняющимся чудотворному образу Твоему. Несмы бо достойни от Него помиловани быти, аще не Ты умилостививши Его о нас, Владычице, яко вся Тебе от Него возможна суть. Сего ради к Тебе прибегаем, яко к несомненней и скорой Заступнице нашей; услыши нас молящихся Тебе, осени нас вседержавным покровом Твоим и испроси у Бога Сына Твоего пастырем нашим ревность и бдение о душах, градоправителем мудрость и силу, судиям правду и нелицеприятие, наставником разум и смиреномудрие, супругам любовь и согласие, чадам послушание, обидимым терпение, обидящим страх Божий, скорбящим благодушие, радующимся воздержание: всем же нам дух разума и благочестия, дух милосердия и кротости, дух чистоты и правды. Ей, Госпоже Пресвятая, умилосердися на немощныя люди Твоя: разсеянныя собери, заблуждшыя на путь правый настави, старость поддержи, юныя уцеломудри, младенцы воспитай, и призри на всех нас призрением милостиваго Твоего заступления, воздвигни нас из глубины греховныя и просвети сердечныя очи наша к зрению спасения, милостива нам буди зде и тамо, в стране земнаго пришельствия и на страшнем суде Сына Твоего: преставльшыяся же в вере и покаянии от жития сего отцы и братию нашу в вечней жизни со Ангелы и со всеми святыми жити сотвори. Ты бо еси, Госпоже, слава Небесных и упование земных. Ты по Бозе наша Надеждо и Заступница всех притекающих к Тебе с верою. К Тебе убо молимся, и Тебе, яко Всемогущей Помощнице, сами себе и друг друга и весь живот наш предаем, ныне и присно, и во веки веков. Аминь.

Молитва вторая

Благодарим Тя, о Преблагая и Пречистая, Преблагословенная Дево, Владычице, Мати Христа Бога нашего, о всех благодеяниих Твоих, яже показала еси роду человеческому, наипаче же нам, христоименитым людем российскаго народа, о нихже ниже самый ангельский язык к похвалению доволен будет. Благодарим Тя, яко и ныне удивила еси неизреченную Свою милость на нас, недостойных рабех Твоих, преестественным самопришествием пречистыя Твоея иконы, еюже всю просветила еси Российскую страну; темже и мы, грешнии, со страхом и радостию покланяющеся, вопием Ти: о Пресвятая Дево, Царице и Богородице, спаси и помилуй вся люди, и подаждь им победы на вся враги их, и сохрани вся грады и страны христианския, и сей святый храм от всякаго навета вражия избави, и всем вся на пользу даруй, ныне пришедшим с верою и молящимся рабом Твоим, и покланяющимся пресвятому образу Твоему: яко благословенна еси с Рождшимся от Тебе Сыном и Богом, ныне и присно и во веки веков. Аминь.

Тропарь Пресвятой Богородице перед Ея иконой, именуемой “Тихвинская”

Тропарь, глас 4

Днесь яко солнце пресветлое возсия нам на воздусе всечестная икона Твоя, Владычице, лучами милости мир просвещающи, юже великая Россия, яко некий дар Божественный свыше благоговейне восприемши, прославляет Тя, Богомати, всех Владычицу, и от Тебе рождшагося Христа Бога нашего величает радостно. Емуже молися, о Госпоже Царице Богородице, да сохранит вся грады и страны христианския невредимы от всех навет вражиих, и спасет верою покланяющихся Его Божественному и Твоему пречистому образу, Дево Неискусобрачная.

Кондак, глас 8

Притецем, людие, к Деве Богородице Царице, благодаряще Христа Бога, и к Тоя чудотворней иконе умильно взирающе припадем, и возопием Ей: о Владычице Марие! Присетивши страну сию Твоего честнаго образа явлением чудесно, спасай в мире и благовременстве вся христианы, наследники показующи небесныя жизни. Тебе бо верно зовем: радуйся, Дево, мира спасение.

 

Казанская Тобольская икона Пресвятой Богородицы

(память 8 июля по старому стилю)

Явилась в 1661 г. в городе Тобольске при следующих обстоятельствах. Дьяк Тобольского Знаменского монастыря Иоанникий поведал о трех бывших ему во сне явлениях святителя, которого он принял за святого митрополита Филиппа, повелевавшего ему от имени Богородицы взять Казанскую икону, в небрежении стоявшую в чулане церкви Трех святителей, и поставить в новом храме, который следует воздвигнуть в три дня, а на четвертый освятить. «Тогда, — сказал явившийся святитель, — в городе прекратятся проливные дожди и исчезнут вредные насекомые». Повеление Пречистой Девы было исполнено. Постоянные дожди в той местности сразу прекратились, и вредные насекомые исчезли.

От иконы Богородицы с той поры начали совершаться чудесные исцеления.

 

ТолгскаяИкона Пресвятой Богородицы, именуемая “Толгской”

(память 8 августа по старому стилю)

В 1314 году, когда Ярославлем владел Давид Феодорович, эта икона явилась при выдающихся обстоятельствах. Епископ Ярославский Прохор проводил объезд своей епархии. За семь верст от Ярославля он приказал пристать к правому возвышенному берегу реки. Проснувшись в полночь, он был поражен ярким светом. На противоположном берегу, где в Волгу впадает река Толга, он увидел огненный столп и идущий к нему через всю реку мост. Помолившись Богу, он пошел по этому мосту. Перейдя на ту сторону реки, епископ увидел икону Пречистой Девы с Младенцем… Икона стояла высоко над землей, что ее нельзя было достать руками.

После горячей молитвы епископ вернулся в свой шатер. Когда же стали собираться дальше в путь, не могли найти епископского жезла. Тут Трифон и вспомнил, где оставил его ночью. Слуги переправились через реку и нашли жезл, сверху которого лежала икона Богоматери.

Когда икону привезли в Ярославль, слух о ней очень быстро распространился по всему городу. Все дружно приступили к постройке храма. К вечеру того же дня церковь уже была освящена. В тот же день было решено устройство на том же месте монастыря.

16 сентября 1392 года за утреней, когда священник в монастыре провозгласил: “Богородицу и Матерь Света в песнях возвеличим”, из правой руки Богоматери на иконе истекло миро, а при пении “Владычице, приими молитвы раб Твоих” миро истекло из левой ноги Младенца.

Копии с этой иконы известны во многих местах России.

Акафист Пресвятой Богородице перед Ея иконой, именуемой “Толгская”

Кондак 1

Взбранной Воеводе, Владычице нашей Богородице, осенившей страну Российскую огнезрачным Своея иконы на Толге явлением, похвальное возглашаем пение: Ты же, о Богомати, яко имущая державу непобедимую, от всяких бед избави нас, зовущих: Радуйся, Радосте наша, иконою Твоею нас присно утешающая.

Икос 1

Ангел земный и человек небесный, святитель Христов Трифон, свыше предъизбран бысть послужити святей иконе Твоей на Толге явлению, Владычице Преблагая: той бо, путь творя от Белоезера по реце Волге, в нощи столп огненный узре на брезе ея пустыннем и, достигнув места, Тобою избраннаго, виде святую икону Твою на воздусе стоящую и светом Небесным сияющую, к нейже молебно припадая, со слезами теплыми сице к Тебе возглашаше: Радуйся, свеще Богоприемная, темноту душ наших озаряющая; Радуйся, заре невечерняя, мглу грехов наших разгоняющая. Радуйся, чудно приявшая Христа Бога, яко угль горящий с Небеснаго Жертвенника; Радуйся, Купино Неопалимая, законоположником Моисеем предзримая. Радуйся, столпе огненный, Новаго Израиля путеводящий; Радуйся, облаче росоносный, зной страстей наших утоляющий. Радуйся, Предстательнице Всемогущая, тучи гнева Божия от глав наших отводящая; Радуйся, Заступнице Усердная, от погибели вечныя нас избавляющая. Радуйся, образ Твой честный в залог спасения нам даровавшая; Радуйся, огнезрачным явлением его на Толге страну Российскую благословившая. Радуйся, Радосте наша, иконою Твоею нас присно утешающая.

Кондак 2

Видяще токи чудес и исцелений от святыя иконы Твоея, Пренепорочная Дево, недоумеем песнославити Тя по достоянию: кий бо язык человеческий возможет изрещи величия Твоя, о дивная Палато Владычня? Обаче, любовию Твоею побеждаеми, дерзаем проповедати чудеса Твоя, на Толге явленная, и хвалебно пети всех Творцу: Аллилуиа.

Икос 2

Разумев посещение Божие, чудный святитель со страхом слезно моляшеся пред огнезрачною Твоею иконою, Богомати Пречистая, и смотрением Божиим остави жезл свой святительский на оном брезе, идеже моляшеся: на утрие же спутницы святителя, ищуще жезла его, обретоша вместе с ним тамо Твою небоявленную икону, на земли среди древес стоящую: и тако всем явлен бысть залог Божия благодати, стране Российстей свыше дарованный благоволением Вседержителя, внушающаго нам хвалебно вопити к Тебе: Радуйся, девства цвете неувядаемый и благовонный; Радуйся, белоснежный крине, росою Святаго Духа напоенный. Радуйся, Мати Бога Вышняго, милосердием Твоим и нижних не оставляющая; Радуйся, Царице Небесе и земли, Ейже вся стихии покоряются. Радуйся, мосте Божественный, имже вернии благонадежно преходят моря житейскаго лютую пучину; Радуйся, Путеводительнице Благая, на стези спасительныя нас наставляющая. Радуйся, граде Царя Великаго, в нем же странники земныя убежище благотишное обретают; Радуйся, Пристанище тихое обуреваемых. Радуйся, стено ограждения роду христианскому; Радуйся, Покрове миру, ширший облака. Радуйся, Радосте наша, иконою Твоею нас присно утешающая.

Кондак 3

Сила благодатная, иконе Твоей дарованная, Пресвятая Госпоже Богородице, созывает верных соборы песньми духовными славити Тя, Честнейшую Херувим и Славнейшую Серафим: ибо, рождши нетленно Единаго от Троицы, предстоиши ныне пред Престолом Триипостаснаго Божества, идеже Воинства Горния с трепетом вопиют: Аллилуиа.

Икос 3

Имея попечение о создании храма Божия и обители иноческия на месте явления чудныя иконы Твоея на Толге, Владычице Всемилостивая, святитель Трифон вкупе с насельники града Ярославля, со усердием многим обыденно храм Божий воздвигают и тако созидают новую обитель святую, в нейже немолчно воспеваются Тебе благохваления сицевая: Радуйся, страну Российскую в жребий достояния Себе избравшая; Радуйся, иконы Твоя чудотворныя, яко звезды в ней умножившая. Радуйся, сиянием чудес Твоих весну спасения нам возвещающая; Радуйся, теплотою милосердия Твоего оледенелая сердца наша согревающая. Радуйся, щедротами Твоими всяк возраст верных снабдевающая; Радуйся, младенцы милостивно окормляющая. Радуйся, старцы любвеобильно упокоивающая; Радуйся, вдовицы и сироты благосострадательно призревающая. Радуйся, кающихся грешников Споручнице Державная; Радуйся, истинных рабов Божиих Помощнице Всеизрядная. Радуйся, Радосте наша, иконою Твоею нас присно утешающая.

Кондак 4

Буря скорбей Тобою утоляется и свирепыя страстей волны в тишину прелагаются, Преблагословенная Дево, ибо Тебе дадеся велия благодать всемирнаго заступления. Темже на святую икону Твою умиленно взирающе, в скорбех отраду, в недузех врачевство обильно от нея почерпаем и зовем гласы хвалебными на ней Изображенному вкупе с Тобою Сыну Твоему и Богу: Аллилуиа.

Икос 4

Слышавше ближнии и дальнии, яко чудес источник явися на Толге, святая и пречистая икона Твоя, Царице и Владычице всея твари, со усердием многим притекаху к целебному Твоему образу, приемля от него дары неисчетных Твоих щедрот. Темже и мы, недостойнии, стезею отцев наших шествующе, с верою и любовию припадаем к Твоей чудотворней иконе и Тебе от глубины сердечныя вопием: Радуйся, яко икона Твоя, Ангелами невидимо окружаемая, воздух освяти; Радуйся, яко икона Твоя, огнезрачне на Толге явившаяся, всю страну просвети. Радуйся, яко иконою Твоею человецы в недузех и скорбех помощь скорую обретают; Радуйся, яко светом иконы Твоея демоны прогоняются. Радуйся, яко икона Твоя граду Ярославлю и пределом его свыше в наследие спасительное даровася; Радуйся, яко иконою Твоею обитель Твоя на Толге светло красуется. Радуйся, яко пред Твоею иконою святители и людие благоговейно поклоняются; Радуйся, яко икону Твою все множество православно верующих боголепно чествует. Радуйся, богомудрых иноков Благая Помощнице во спасение; Радуйся, богопросвещенныя России крепкое заступление. Радуйся, Радосте наша, иконою Твоею нас присно утешающая.

Кондак 5

Боготечная звезда, икона Твоя честная, Госпоже Богомати, страну нашу полунощную сиянием преславных чудес просвети, юже, яко дар Божественный, Россия восприемши, прославляет и воспевает Твоя щедроты: Ты же, Всещедрая и Всеблагая рода нашего Заступнице, озари и наша сердца светом благодатным, да возможем богоприятно пети Господу нашему серафимскую песнь: Аллилуиа.

Икос 5

Видевше чудо преславное, како внезапу от иконы Твоея святыя, Пречистая Дево, от десныя Твоея руки и от левыя ноги Тобою держимаго Богомладенца две струи мира благоухающаго и целебнаго истекоста, благоговейный игумен Герман с братиею ужаса и радости исполнишася и, помазуяся миром тем благодатным, Тебе сия радостныя приношаху глаголы: Радуйся, алавастре драгоценный, Христова благоухания исполненный; Радуйся, мирохранилище исцелений, никогдаже оскудевающее. Радуйся, величием чудес Твоих превосходящая разум человеческий; Радуйся, от доски сухия миро целебное пачеестественно изливающая. Радуйся, тем миром недуги многия врачующая; Радуйся, мира излиянием от иконы Твоея святыя милосердие Твое к нам показующая. Радуйся, души наша орошающая к плодоношению духовному; Радуйся, сердца наша увеселяющая Твоим Божественным о нас благопромышлением. Радуйся, стамно всезлатая, манну небесную хранящая; Радуйся, Скиние Живаго Бога. Радуйся, Радосте наша, иконою Твоею нас присно утешающая.

Кондак 6

Проповедницы Богопросвещеннии, Апостоли Христовы, егда узреша в Лидде, на стене храма Твоего, нерукотворенно изобразившуюся икону Твою, со благоговением ей поклонишася, Богомати Пречистая, имже подражающе, и мы, смиреннии, колена наша пред дивным и многоцелебным образом Твоим, егоже на Толге огневидно явити благоволила еси, усердно преклоняем и с любовию воспеваем рождшемуся от Тебе Спасителю мира хвалебную песнь: Аллилуиа.

Икос 6

Возсия нам на Толге немерцающая заря великих чудес, икона Твоя Божественная, Богородице Дево, в нейже залог несомненный Божия благоволения и Твоего Небеснаго заступления стране Российстей ниспослася от щедродательныя руки Вседержителя Бога. Темже радующеся славословим Твое милосердие и песненно Тебе вопием: Радуйся, Хранительнице наша и Утверждение; Радуйся, Помощнице наша и Похвало. Радуйся, нищих и убогих изобильное богатство; Радуйся, не гнушающаяся самих презренных и отверженных. Радуйся, от рова погибельнаго исхищающая к Тебе взывающих грешников; Радуйся, от врат смертных возращающая опасно болящих. Радуйся, Богом дарованная отрада страждущих; Радуйся, скорое услышание верно Тебе молящихся. Радуйся, благодатное утешение всех скорбящих; Радуйся, несокрушимое защищение на Тя уповающих. Радуйся, Радосте наша, иконою Твоею нас присно утешающая.

Кондак 7

Хотя Человеколюбец Христос явити велию любовь Свою к людем, искупленным Честною Его Кровию, Тебе, Матерь Свою Пренепорочную, в покров и защиту роду христианскому дарова; Ты бо воистинну сердобольная Мати являешися всем с верою и упованием прибегающим к Твоему теплому заступлению, егоже не лиши и нас, славящих пречестное имя Твое и поклоняющихся чудотворному образу Твоему, Сыну же Твоему зовущих: Аллилуиа.

Икос 7

Новое и предивное чудо яви всех чудес Творец и всея твари Владыка, егда во время пожара обители Твоея на Толге попущением Божиим сгоревшу внезапну и храму Твоему, икона Твоя святая неопалима и невредима в нем сохранися, ангельскима руками невидимо пронесенная из заключеннаго и огнем пылающаго храма, вне монастыря, в лесную дубраву, идеже на древе стоящая и светом сияющая обретена бысть Твоим благопромышлением, Пречистая и Преблагословенная Дево, слышащая от нас сия достодолжныя похвалы: Радуйся, сияющая благодатию и славою предивных чудес; Радуйся, облеченная в светлую одежду милостей и щедрот. Радуйся, силою Твоею Божественною силу естества огненнаго победившая; Радуйся, икону Твою честную несгораему в огни соделавшая. Радуйся, залогу Твоего к нам благоволения безвременно погибнути непопустившая; Радуйся, ангельскима рукама его из пламене исхитившая. Радуйся, свет тихий и радостный от многочудеснаго образа Твоего возсиявшая; Радуйся, скорбная сердца иноков обители Твоея обретением его возвеселившая. Радуйся, сетование их на ликование преложившая; Радуйся, лишение их щедродательно восполнившая. Радуйся, Радосте наша, иконою Твоею нас присно утешающая.

Кондак 8

Странники мы и пришельцы в мире сем скоротечнем, путь творяще к Вечному Небесному Отечествию нашему, Тебе, благую Одигитрию, молим и просим, руководствуй нас стезею спасительною заповедей Христовых к светлому граду Иерусалиму Горнему и не попусти уклонитися в дебри греховныя, ведущия к темнице адской, да спасаеми помощию Твоею державною, сподобимся на земли живых пети Создателю нашему вечно хвалебную песнь: Аллилуиа.

Икос 8

Всем вся благая и спасительная даруеши от святыя чудотворныя иконы Твоея, Богомати Пречистая, юже яко сокровище многоценное зряще, со гласом радования и благодарения взываем Ти: Радуйся, скорбей и печалей благодатная Утолительнице; Радуйся, недугов душевных и телесных добрая Целебнице. Радуйся, утопающих скоропредстательная Избавительнице; Радуйся, путешествующих благонадежная Хранительнице. Радуйся, слепых Просвещение; Радуйся, хромых правохождение. Радуйся, немых ясноглаголание; Радуйся, прокаженных очищение. Радуйся, глухих благослышание; Радуйся, мертвецев оживление. Радуйся, Радосте наша, иконою Твоею нас присно утешающая.

Кондак 9

Вся страна наша православная милостями Твоими, Богомати, облагодетельствованная, немолчно славит имя Твое и благоговейно почитает пречистаго лика Тноего изображение, имже дивная и преславная обыкла еси являти нам чудеса. Темже сынове российстии икону Твою в щит и ограждение от врагов видимых и невидимых присно имеют и помощию Твоею святою побеждающе супостаты, вопиют Царю Небесе и земли: Аллилуиа.

Икос 9

Ветийство наше песненное не довлеет ко изглаголанию всех чудес, Тобою, Владычице, явленных и присноявляемых нам от многоцелебныя иконы Твоея на Толге: но Ты, яко Благая и Милосердая Мати, не возгнушайся наших недовлеющих и недостойных похвал и милостиво преклонися к Тебе вопиющим: Радуйся, Обрадованная и Преблагословенная Дево; Радуйся, яко Господь с Тобою и Тобою с нами. Радуйся, едина избранная и добрая в женах; Радуйся, роду человеческому отверзшая вход в Царствие Горнее. Радуйся, возрастившая нам Плод спасения; Радуйся, Спаса рождшая душ наших. Радуйся, во объятиях Твоих державшая Вседержителя; Радуйся, на руку Твоею носившая всех Творца. Радуйся, млеком Твоим питавшая Питателя вселенныя; Радуйся, одушевленный храме Бога Слова. Радуйся, Радосте наша, иконою Твоею нас присно утешающая.

Кондак 10

Спасительное и тихое пристанище от треволнений моря житейскаго видим святую обитель Твою на Толге, в нейже икона Твоя, Владычице, лучами чудес верныя просвещающи, всех руководствует на путь благочестия и спасения. Сего ради прославляем Твою благостыню, яко неотступно с нами иконою Твоею пребывавши, души и телеса наша ею благодатно врачуеши и выну ходатайствуеши за нас у Престола Пресвятыя Троицы, идеже лицы святых радостно возглашают: Аллилуиа.

Икос 10

Стена и покров граду Ярославлю дадеся святая икона Твоя от щедрот Человеколюбца Бога, Емуже в человеколюбии подражающи, Царице и Владычице наша Всемилостивая, множицею град сей от разорения ратнаго сохраняла еси и во время пагубнаго бездождия дождь изобилен ему даровала еси пришествием честнаго Твоего образа, имже и ныне нас милостивно посещаеши и благоутробно приемлеши пред ним возносимыя Тебе от сердца наши молитвы, с пением таковым: Радуйся, слезы горестныя отирающая от очес страждущих и печальных; Радуйся, скорбная сердца услаждающая Твоим благодатным участием. Радуйся, мертваго отрока воскресившая, к радости плакавших пред иконою Твоею родителей его; Радуйся, чете неплодных супругов чадородие даровавшая. Радуйся, девицу, злым духом одержимую, от мучения демонскаго свободившая; Радуйся, мужа, изсохшия нозе имевшаго, скоро исцелившая. Радуйся, в разбойники впадшаго и Тя на помощь призвавшаго от смерти горькия избавившая; Радуйся, иерея, глухотою болезновавшаго, ясно слышати устроившая. Радуйся, оскудение брашен в святей обители Твоей чудесно восполнившая; Радуйся, святотатца, достояние обители Твоея похитившаго, грозно наказавшая. Радуйся, Радосте наша, иконою Твоею нас присно утешающая.

Кондак 11

Пение и моления наша смиренныя, пред святою и чудотворною Твоею иконою от любве теплыя Тебе возносимыя, не презри, Госпоже Всемилостивая, но благопослушлива буди к нам, поклоняющимся со благоговением и верою Твоему Божественному образу и просящим со слезами милостивнаго Твоего заступления, егоже сила воистинну превосходит всякое разумение и созывает Ангелов и человеков соборы вкупе хвалити Творца богокрасною песнию: Аллилуиа.

Икос 11

Светоподательную лампаду, елеем милости исполненную и преизливающуюся, созерцаем Тя очами веры, Богоизбранная Богоотроковице, и, кротким сиянием Твоим озаряеми, любовию же Твоею присно согреваеми, Тебе, Благой Заступнице нашей, иконою Твоею дивныя щедроты Твоя нам ниспосылающей, благодарственно и умиленно глаголем: Радуйся, во всяких нуждах и селах скорое вспоможение нам дарующая; Радуйся, в скорбех и печалех Небесную отраду в сердца наша проливающая. Радуйся, клирика обители Твоея от потопления воднаго избавившая; Радуйся, жену умершую к жизни возвратившая. Радуйся, бесных многажды исцелившая; Радуйся, изступленных умом смыслом здравым одарившая. Радуйся, очами болезновавших врачевавшая; Радуйся, слепца прозрети пред иконою Твоею сотворившая. Радуйся, хромаго и ничащаго прямо ходити устроившая; Радуйся, главою болезновавшему явлением Твоим во сне исцеление подавшая. Радуйся, Радосте наша, иконою Твоею нас присно утешающая.

Кондак 12

Благодати Божия святое и непорочное жилище, Мати Господа Вышних Сил, облагодати наш помысл, благочестно воспевати Твоя чудеса, на Толге от честныя иконы Твоея явленная, и Твоим невечерним сиянием озари наша темныя души, приводящи их к свету Трисияннаго Божества, идеже радость и блаженство вечное уготовано праведным, поющим немолчную песнь Вседержителю: Аллилуиа.

Икос 12

Поем песнь хвалы и благодарения Тебе, Богорадованная Дево, проповедуем велегласно величие чудес Твоих и богатство милости Твоея, на нас и отечествии нашем явленных, и от глубины сердечныя приносим Ти со смирением и верою сия похвальныя дары: Радуйся, благая Мати всех любовию чтущих Тя и поклоняющихся честному образу Твоему; Радуйся, добрая Младопитательнице дев и безматерних сирот. Радуйся, мира христианскаго крепосте несокрушимая; Радуйся, державы Российския защищение необоримое. Радуйся, Святыя Православный Церкве многопетая славо; Радуйся, святителей и священников благодатное удобрение. Радуйся, иноком благоподвизающимся Ходатаице вечного радования; Радуйся, и в мире благочестно живущих не лишающая Твоего заступления. Радуйся, телеса наша врачующая от недугов многоразличных; Радуйся, души наша избавляющая от врагов невидимых. Радуйся, Радосте наша, иконою Твоею нас присно утешающая.

Кондак 13

О Всепетая Мати, рождшая Радость Вечную — Господа нашего Иисуса Христа, земным и Небесным Спасителя! Приими благоутробно молебное пение наше, пред чудотворною иконою Твоею с верою и благоговением Тебе возносимое, и всесильными молитвами Твоими избави нас от временных бед и вечныя муки, сподоби же в благочестии и правоверии пожити зде, в земном житии, таможе, в будущем веце в радости райстей, со всеми святыми, вечно воспевати Создателю нашему: Аллилуиа.

(Этот кондак читается трижды, затем икос 1 и кондак 1) 

Молитвы к Пресвятой Богородице перед Ея иконой, именуемой “Толгская”

Молитва первая

О Пресвятая Госпоже, Дево Богородице, высшая Херувимов н Серафимов и Святейшая всех святых! Ты, Всеблагая, на Толге икону Твою многоцелебную блаженному святителю Трифону огневидно явити благоволила еси, и ею многая и неизреченная чудеса соделала еси и ныне содеваеши, по Твоему неизреченному к нам милосердию. Тебе пред пречистым образом Твоим, припадаем и молимся, Преблагословенная рода нашего Заступнице: в странствии сем земном, многоскорбном и многомятежном, не лиши нас Твоего заступления и покрова державнаго. Спаси и защити нас, Владычице, от разжженных стрел лукаваго врага спасения нашего. Укрепи немощную волю нашу к деланию заповедей Христовых, умягчи окаменелая сердца наша любовию к Богу и ближним нашим, даруй нам сокрушение сердечное и покаяние истинное, да очистившеся от скверны греховныя, возможем принести Творцу благоугодныя Ему плоды добрых дел, и сподобитися мирныя христианския кончины и ответа праваго на Страшнем и нелицеприятием Суде Его. Ей, Госпоже Всемилостивая! В час грозный, смертный наипаче яви нам Твое многомощное заступление, ускори тогда на помощь к нам, безпомощным, и державною рукою Твоею исхити нас из руки лютаго миродержца, ибо воистинну много может молитва Твоя пред лицем Господа и ничтоже невозможно ходатайству Твоему, аще токмо восхощеши. Темже на святый образ Твой умиленно взирающе и пред ним, яко живей Ти сущей с нами, поклоняющеся с упованием благим, сами себе, и друг друга, и весь живот наш Тебе по Бозе молитвенно предаем и Тя величаем с рождшимся от Тебе Спасителем нашим, Господем Иисусом Христом, Емуже, со Безначальным Его Отцем и Пресвятым Духом подобает всякая слава, честь и поклонение, ныне и присно, и во веки веков. Аминь.

Молитва вторая

Приими, о Всеблагословенная и Всемощная, Пречистая Госпоже Владычице, Богородице Дево, сия молитвы, со слезами Тебе ныне приносимыя от нас, недостойных рабов Твоих, к цельбоносному образу Твоему со умилением притекающих, яко Тебе Самей ту сущей, и слышащей моления наша, и подающей с верою просящим по коемуждо прошению исполнение. Скорбящим бо скорби облегчаеши, немощным здравие даруеши, разслабленных и недужных исцеляеши, от бесных бесы прогоняеши, обидимыя от обид избавляеши и гибнущия спасаеши, грешных кающихся прощаеши, прокаженных очищаеши, малых детей милуеши, от уз и темниц свобождаеши, и всякия многоразличныя страсти врачуеши Ты, Госпоже Владычице Богородице: вся бо суть возможна ходатайством Твоим к Сыну Твоему, Христу Богу нашему. О Всепетая Мати, Пресвятая Богородице Дево Марие! Не престай молитися о нас, недостойных рабех Твоих, славящих Тя и почитающих, и поклоняющихся пречистому образу Твоему, и надежду имущих невозвратну и веру несумненну к Тебе, Приснодеве Преславней и Непорочней, ныне и присно, и во веки веков. Аминь.

Тропарь Пресвятой Богородице перед Ея иконой, именуемой “Толгская”

Тропарь, глас 4

Днесь светло сияет на Толге образ Твой, Пречистая Дево Богородице, и, яко солнце незаходимое, всегда верным подадеся, Егоже видев на воздусе, невидимо Ангелы, яко никим, держима, преосвященный епископ града Ростова Трифон тече ко явленному светящемуся столпу огненну, и по водам, яко по суху, прейде, и моляшеся Ти верно о пастве и о людех. И мы, к Тебе притекающе, зовем: Пресвятая Дево Богородице, верно Тя славящих спасай, страну нашу, архиереев и вся Российския народы от всех бед избавляй по велицей Твоей милости.

 

Трех радостейИкона Пресвятой Богородицы, именуемая “Трех Радостей”

(память 26 декабря по старому стилю)

Чудотворная икона Трех Радостей находилась в Москве на Покровке в церкви Св. Троицы на Грязях. На этой иконе вместе с Младенцем Иисусом изображен и младенец Иоанн Креститель. 

Акафист Пресвятой Богородице перед Ея иконой, именуемой “Трех радостей”

Кондак 1

Взбранной воеводе не умолчим никогда глаголати мы недостойнии, Всесвятая Дево, рождшая на спасение наше Радость вечную, всякое уныние и печаль отжени от нас да зовем Ти: Радуйся, Радосте наша, во объятиих своих Радость всего мира носившая.

Икос 1

Тайну от века открывая тебе, Пренепорочная Дева, Гавриил безплотных архистратиг со страхом вопияше: Радуйся, Благодатная, Господь с Тобою! Мы же грешнии нечистыми устнами дерзаем вопити Тебе сице: Радуйся, Благословенная в женах; радуйся, Богоновесте. Радуйся, виноградная лозо; радуйся, в рождестве и по рождестве Дева. Радуйся, цвете неувядаемый; радуйся, чистоты сокровище. Радуйся, кадило благовонное; радуйся, миро многоценное. Радуйся, одушевленная трапезо; радуйся, света невечерняго жилище. Радуйся, всего мира очищение. Радуйся, Радосте наша, во объятиих своих Радость всего мира носившая!

Кондак 2

Исполни веселия сердце мое, утоли печаль мою, Пресвятая Дево! Просвети светом нетленыя радости мою скорбную душу, да взываю Создателю моему: Аллилуиа.

Икос 2

Разум человеческий не может уразумети, како Ты, неискусобрачная Дево, имела еси во утробе над всеми Бога и родила еси нетленнаго Сына, темже со страхом взызаем Тебе: Радуйся, земле ненасеянная; радуйся, Купино неопалимая. Радуйся, глубине неудобозримая; радуйся, мосте к небесем приводящий. Радуйся, лествице высокая юже Иаков виде; радуйся, Божественная стамно манны. Радуйся, разрушение клятвы; радуйся, Адамово воззвание. Радуйся, яко с Тобою Господь; радуйся, тьму греховную разрушившая. Радуйся, врата адовы сокрушившая. Радуйся, Радосте наша, во объятиих своих Радость всего мира носившая.

Кондак 3

Ты, предстательство и покров моей жизни, Ты, надежда и утверждение мое, Всепетая, исцели мою душу, зараженную проказою греховною, да воспою Небесному Жениху во веки: Аллилуиа.

Икос 3

Всевышняго освещенное Божественное селение, радуйся, Тобою бо дадеся радость Богородице зовущим: Радуйся, высшая небес; радуйся, чистейшая светлостей солнечных. Радуйся, пребывание Творца неба и земли; радуйся, Ангелов радосте. Радуйся, всечудное всех к Богу примирение; радуйся, Честнейшая Херувим. Радуйся, славнейшая без сравнения Серафим; радуйся, стено и защищение наше от врагов. Радуйся, демонов поражение и ослепление; радуйся, двери райския нам отверзающая. Радуйся, Марие, Госпоже всех нас. Радуйся, Радосте наша, во объятиих своих Радость всего мира носившая.

Кондак 4

Унынием и многими скорбями исполнено мое сердце. К кому же возопию, Владычице, к кому прибегну в горести моей, кому возвещу печаль мою, кто плач и воздыхание мое услышит, аще не Ты, Богородице, рождшая на радость Неба и земли Царя Христа Бога нашего. Емуже поют с нами Херувимы и Серафимы: Аллилуиа.

Икос 4

Никогда не умолчим и не отступим от Тебе, Владычице, Твоя бо рабы спасаеши присно от всяких лютых бед и скорбей. Темже припадаем к Тебе и с умилением поем: Радуйся, всех скорбящих Радосте; радуйся, взыскание погибших. Радуйся, утоление наших печалей; радуйся, обидимых Заступнице. Радуйся, алчущих питательнице; радуйся, странных Утешение. Радуйся, обуреваемых Пристанище; радуйся, вольных поселение. Радуйся, немощных Покров и Помощнице; радуйся, Жезл старости. Радуйся, Мати Бога нашего; Радуйся, Радосте наша, во объятиих своих Радость всего мира носившая.

Кондак 5

Заступнице мира, возвесели всех прибегаюших к Тебе, Матери высшей радости. Покрый нас честным Твоим омофором от всяких бед, напастей, скорбей и болезней, да поем Богу: Аллилуиа.

Икос 5

Моление крепкое, стена необоримая, милости источниче, всех православных прибежище, Богородице Дево! Приими от нас Ангельское пение: Радуйся, радосте и славо верующих; радуйся, чудо чудес. Радуйся, всех святых непреложное упование; радуйся, скорое в бедах избавление. Радуйся, готовое в нуждах утешение; радуйся, Боговместимое жилище. Радуйся, бездно щедрот и благостыни; радуйся, одушевленных храме. Радуйся, сирот и вдовиц сладостное веселие; радуйся, неистощимое их богатство. Радуйся, Невесто неневестная. Радуйся, Радосте наша, во объятиих своих радость всего мира носившая.

Кондак 6

Во время живота моего не остави мене, Мати Божия. Конец же благий получити мене сподоби, да взываю Спасителю Богу: Аллилуиа.

Икос 6

Искушения всякаго и страстей избави мя, Всенепорочная! Ущедри, спаси, возвесели мя и от лютых врагов избави и защити, да выну взываю Тебе: Радуйся, крепкое и непоколебимое упование наше; радуйся, всех Царице и Владычице. Радуйся, всея вселенныя великое сокровище; радуйся, всех верных утверждение. Радуйся, заступнице усердная рода христианского; радуйся, рождшая всех святых Святейшее Слово. Радуйся, небесный престоле; радуйся, источниче неизсякаемый воды живыя. Радуйся, ограждение и священное прибежище на Тя надеющихся; радуйся, предстательство христиан непостыдное. Радуйся, Чаше черплющая радость. Радуйся, Радосте наша, во объятиих своих Радость всего мира носившая.

Кондак 7

В час кончины моея, Всеблагая, предстани мне и убогую мою душу во исходе от окаяннаго тела моего обрадуй, да воспою Победителю смерти и ада: Аллилуиа.

Икос 7

Лица Твоего радостнаго не отврати от мене, Богородительнице! Услыши мольбу мою, и вопль мой к Тебе да приидет, Дево Пресвятая! Воньже аще день призову Тя, скоро услышя мя, да взываю Тебе сице: Радуйся, торжественное пение ангелов; радуйся, покрове и защищение человеков. Радуйся, Апостолов похвало; радуйся, страдальцев венчание. Радуйся, столпе девства; радуйся, слез Евиных избавление. Радуйся, постников воздержание; радуйся, живота тленнаго веселие. Радуйся, монахов умиление; радуйся, святителей удобрение. Радуйся, пресвитеров красото. Радуйся, Радосте наше, во объятиих своих радость всего мира носившая.

Кондак 8

Со светлой свещею благоволила Пречистая изыти во сретение Жениха душ наших, даруй и мне бодрым сердцем и трезвенною мыслию нощь настоящаго жития прейти и в радостный чертог славы Его внити и пети Судии всех Богу: Аллилуиа.

Икос 8

Едина непорочная и чистая Дево Небеснаго веселия улучити со всеми святыми сподоби всех нас и сродников наших, друзей и знаемых, да упокоит их Господь всесильными Твоими молитвами, Пречистая, в месте светле, идеже несть болезни, ни печали, ни воздыхания, но жизнь безконечная. Да простит им Господь всякое согрешение, содеянное ими от юности до смертнаго часа их, да взывают и они с нами: Радуйся, во успении Своем вас не оставившая; радуйся, Мати Жизни. Радуйся, избавляющая от смерти души наша; радуйся, в молитвах неусыпающая Богородице. Радуйся, райския радости нас приобщающая; радуйся, Бога плотию рождшая. Радуйся, от рова погибели нас спасающая; радуйся, радостное упокоение всех в вере и надежде скончавшихся. Радуйся, Надеждо ненадежных; радуйся, милосердия двери нам отверзающая. Радуйся, смертоносный грех разрушающая. Радуйся, Радосте наша, во объятиих своих Радость всего мира носившая.

Кондак 9

О, Богородительнице! Ты избави нас грешных рабов Твоих геенны огненныя, тьмы несветимыя, муки адския и сподоби жизни нестареюшейся, да поем всегда Сладчайшему Иисусу: Аллилуиа.

Икос 9

Пречистая Дево, Своим ходатайством пред престолом Всевышняго освети моя душу и тело, ум и сердце, всего мя обнови, украси, уцеломудри, прослави, спаси, просвети, и благослови Своим небесным и земным благословением, да взываю Ти: Радуйся, неневестная Мати и неискусобрачная; радуйся, яко Тобою Сына Божия познахом. Радуйся, нерушимая стено; радуйся, всесовершенное спасение душ наших. Радуйся, Владычице и Мати Избавителя от вечной смерти; радуйся, святых святейшая Ангелов. Радуйся, яко воистину из Тебе Господь воцарися и в лепоту облечеся; радуйся, греховную отъемлющая скверну. Радуйся, утра весенняго светлейшая; радуйся, свирепую буро души моея укрощающая. Радуйся, молние души озаряющая. Радуйся, Радосте наша, во объятиих Своих радость всего мира носившая.

Кондак 10

Утверди, Богородице Дево, в православии всех благоверных Российских людей, покрый их Твоим честным омофором от всякаго зла да поют Богу: Аллилуиа.

Икос 10

Боголюбивая Дево Марие, Госпоже Богородице безневестная верных спасения и надеждо! Ты бо имаше многое дерзновение к Небесному царю, воплотившемуся из Тебе, избави нас от скорбей лютых и печали горькия. Утешения и радости просим у Тебе, Радосте наша; наипаче же спасения вечнаго требуем от Тебе, умиленно взызая: Радуйся, Хлеб жизни, Божественнаго Агнца рождшая; радуйся, Лозо виноградная, возрастившая нам Плод живота. Радуйся, вином небесныя радости нас напояющая; радуйся, святых небесных страшных Божественных безсмертных и животворящих Христовых тайн верных Сподобляющая. Радуйся, Света невечерняго Таиннице неизреченная; радуйся, света помраченныя моея души. Радуйся, покрове и надеждо моя; радуйся, прибежище мое. Радуйся, утешение мое; радуйся, радование мое. Радуйся, оживотворяющая меня умерщвленного грехами. Радуйся, Радосте наша, во объятиях Своих радость всего мира носившая.

Кондак 11

Дверь Небесную верным отверзающая, покаяния двери отверзи ми, Богородице, да помилует меня Праведнейший Судия, да не объявит моих тайных прегрешений и не посрамит мене перед Ангелами Своими, да пою Ему во веки: Аллилуиа.

Икос 11

Очисти мя, Пречистая, от всяких скверн плоти и духа, отжени от мене уныние, просвети моя мысли сердечныя, подаждь ми память смертную, сохрани сердце мое от похотей лукавых и услыши мя вопиющаго: Радуйся, Царице моя Преблагая; радуйся, Заступнице моя Преблагословенная. Радуйся, труждающихся помощнице; радуйся, обидимых Заступнице. Радуйся, отрадо и утешение плачущих; радуйся, утешение в смерти моей. Радуйся, веселие души моей; радуйся, красото Церкви. Радуйся, просвещение ума моего; радуйся, всех христиан утешение. Радуйся, к Богу Молитвеннице и предстательнице крепкая. Радуйся, Радосте наша во объятиих своих Радость всего мира носившая.

Кондак 12

Во светлостех святых Твоих, како вниду недостойный аз, Боже, Боже мой! Аще бо дерзну совнити в чертог, одежда мя обличает, яко несть брачна! Просвети одеяние души моея, Жизнодавче молитвами Богородицы, да пою Тебе: Аллилуиа.

Икос 12

О, Небесный, О, любезный, О, сладчайший Твой глас, веселящий сердца наша! С нами бо неложно обещалася еси быти до скончания века, Дево Богородице! Твоими бо молитвам слепии видят, глухия слышат, хромыя ходят, прокаженныя очищаются, алчущия питаются, нагия одеваются, вдовицы утешаются, сироты радуются, нищии веселятся, грешници спасаются, убогия ликуют, воспевая: Радуйся, одушевленный Божий Кивоте; радуйся, Боголюбивая Царице и Владычице. Радуйся, от глада и губительства, труса и потопа нас спасающая; радуйся, от огня, меча, нашествия иноплеменных и междуусобныя брани нас защищающая. Радуйся, бурныя волны житейскаго моря укрощающая; радуйся, всякую слезу с очей наших отирающая. Радуйся, яко воистину любовию материнскою нас возлюбившая; радуйся, подательнице божественныя благости. Радуйся, во чреве своем Радость вечную носившая; радуйся, яко тихое пристанище душам нашим готовиши. Радуйся, яко всех родов неумолкаемое веселие. Радуйся, Радосте наша во объятиих Своих Радость всего мира носившая.

Кондак 13

О, Всепетая Мати, Пречистая Госпоже, Дево Богородице! Приими сие малое моление наше, заступнице крепкая сущих в скорбех и печалех; умоляем Тебя честным и животворящим крестом Сына Твоего, Господа нашего Иисуса Христа, подаждь нам дух сокрушенный, сердце смиренное, слезы умиления, многих согрешений наших прощение и радость неувядаемую, да поем в горнем Иерусалиме Спасителю Богу: Аллилуиа.

(Это кондак читается трижды, затем икос 1 и кондак 1)

 Молитва к Пресвятой Богородице перед Ея иконой, именуемой “Трех Радостей”

О, Пресвятая Дево, Всеблагаго Сына Мати Всеблагая, царствующаго града и святаго храма сего Покровительнице, всем сущим во гресех, скорбех, бедах и болезнех верная предстательнице и заступнице! Не презри моления нас недостойных рабов Твоих, и умоли Сына Твоего и Бога нашего, да всем нам с верою и умилением поклоняющимся пред чудотворным образом Твоим, дарует по коегождо потребе радость: сущим в скорбях и печалех утешение. Бедствующим милосердие; сущим в многонедужии нечаемое исцеление и укрепление. О, Господе Пресвятая, умилосердися о всех чтущих всечестное имя Твое и всем яви всемощный покров Твой и заступление: всякому делу Сыну Твоему угодному, споспешествуй; всякое дело злое разруши; в недоумении и трудных, в опасных обстояниих обретающимся незримую помощь и вразумление с небес ниспосли. Младенцы воспитай, юныя уцеломудри, отверзи им ум к приятию всякаго полезнаго учения. От домашния брани и от врагов видимых и невидимых защити и сохрани. Супружества в любви и единомыслие сохрани и вражды единокровных миром и любовию огради. Всем же нам даждь друг ко другу любовь, благочестие и здравие с долгоденствием. Преставившияся в вере и покаянии от жития сего со Ангелы и всеми святыми жити сотвори: да вси на небеси и на земли ведят Тя, яко твердую и непостыдную предстательницу нашу рода христианскаго и ведуще славят Тя и с Тобою Сына Твоего, с безначальным Его Отцем и Единосущным Его Духом, ныне и присно и во веки веков. Аминь.

Тропарь Пресвятой Богородице перед Ея иконой, именуемой “Трех радостей”

Тропарь, глас 4

От святыя иконы Твоея радости неизреченныя преисполнила еси сердце благочестивыя жены. О Пречистая Владычице мира, Всемощная Царица радосте, Приснодево твари, егда возвратила оной и мужа, и сына, и достояние ея, такожде и всем нам милосердствуеши, даруй исполнение благих желаний, источая приснотекущий источник радости молящимся Тебе и вседушно вопиющим: Радость всему миру родившая, радости исполни неоскудевающия чтущих Тя.

 

ТроеручницаИкона Пресвятой Богородицы, именуемая “Троеручицей”

(память 28 июня и 12 июля по старому стилю)

Икона “Троеручица” является памятником исцеления отсеченной руки св. Иоанна Дамаскина. Св. Иоанн, защищавший письменно и устно почитание святых икон, был оклеветан Львом Исаврянином перед Дамасским князем. Князь, не изучив дела, приказал отсечь у оклеве-танного руку и повесить ее на городской площади на страх другим.

Вечером в тот же день блаженный, узнав, что утих гнев князя, послал к нему своих друзей со следующими словами: “Умножается болезнь моя и несказанно меня мучит, и я не могу иметь отраду, доколе рука моя, повешанная на позор, не будет мне отдана”. Князь отдал руку, и Иоанн затворился в келье для молитвы. После молитвы Иоанн заснул и в сонном видении увидел Богоматерь, которая сообщила, что рука его здорова.

В благодарность за чудесное исцеление он сделал из серебра изображение кисти руки и приложил ее к иконе своей Заступницы. Отчего эта икона и получила в дальнейшем название Троеручицы.

В 1661 году 28 июня список с этой иконы был перенесен с Афона в Москву. Такой же список находился и в Белобережской пустыне Орловской епархии. Жители окрестных сел очень чтили эту икону и носили в свои дома для молебствований.

Акафист Пресвятой Богородице перед Ея иконой, именуемой “Троеручица”

Кондак 1

Взбранной Воеводе, Богообрадованной Приснодеве Богородице, посетившей Гору Афонскую явлением чудотворным иконы Своея и многия милости Ею дарующей роду христианскому, похвальное возглашаем ныне пение: Ты же, о Богомати, яко имущая державу непобедимую и Матернее о нас попечение, предвари на помощь к нам и от всяких бед избави зовущих Ти: Радуйся, Помощнице наша, Троеручною иконою Твоею нам помогающая.

Икос 1

Ангел земный и человек Небесный преподобный Иоанн Дамаскин от любве теплыя к Тебе, Богомати Владычице, икону Твою святую соорудити потщася и сию в келлии своей благоговейно поставив, пред нею сице Тебе в молитвах усердных глаголаше: Радуйся, радость вечную — Спасителя миру рождшая; Радуйся, всегубительнаго ада силу Рождеством Твоим поправшая. Радуйся, пророческих глаголов исполнение принесшая; Радуйся Адама и Евы преступление загладившая. Радуйся, Единаго от Троицы на руку Твоею нетрудно носившая; Радуйся, Огнь Божества неопально во чреве Твоем вместившая. Радуйся, Помощнице наша, Троеручною иконою Твоею нам помогающая.

Кондак 2

Видя преподобный Иоанн Дамаскин десницу свою, много писавшую в защиту чести и поклонения святых икон, по навету царя иконоборца немилостиво отсеченную, испроси ю от невернаго мучителя и, приложив к усеченному ея составу, пред честною иконою Твоею, Пречистая Дево, слезно моляшеся Ти, о еже исцелитися ей. Ты же, Всеблагая и Всемощная рода нашего Заступнице, молитву его скоро услышала еси и, во сне представ ему, исцеление усеченной руце его даровала еси, да благодарственно поет Богу: Аллилуиа.

Икос 2

Разум человеческий не может постигнути силу исцелений благодатных, иконою Твоею, о Богомати, чудесно являемых, не может изъяснити и чудо велие, како отсеченная десница преподобнаго во едину нощь цела и здрава обретеся, на ней же токмо червленный знак бывшия язвы оставлен бысть Врачебницею Благою, слышащею от нас сия похвалы: Радуйся, скоро являющаяся Утешительнице скорбящих душ; Радуйся, Радостотворная Посетительнице болезнующих сердец. Радуйся, безнадежных страдальцев надеждою исцеления ободряющая; Радуйся, врачами оставленных болезнующих на свои руце при-емлющая. Радуйся, усеченную десницу Божия избранника целу и здраву вышеестественно соделавшая; Радуйся, яко ничтоже невозможно Тебе, Милосердая Предстательнице, нам всегда заступление показующая. Радуйся, Помощнице наша, Троеручною иконою Твоею нам помогающая.

Кондак 3

Силу десницы Всевышняго в исцелении усеченныя десницы своея познав богоглаголивый Иоанн, песньми красными воспе Тя, Владычице Всеблагая, и подобие усеченныя руки Своея приложи к целебному Твоему образу ради памяти всегдашния о великом чудеси. Тем ныне видима есть и именуется сия святая икона Твоя Троеручица, тремя руками, на ней описанными, проявляющая таинство Святыя Троицы, чудесы же, от Нея бывающими, всех приводящая хвалебно взывати ко Господу: Аллилуиа.

Икос 3

Имеяй велию ревность по Бозе, духоносный песнописец Святыя Церкве и Божественный славитель ея, сладкий преподобный Иоанн, хвалебными пении до конца жизни своея прославляше Твою к нему дивную милость, Богородительнице, в память же бывшаго чудесе плат, имже усеченная рука его обвернута бе, на главе своей ношаше, икону же Твою многоцелебную, яко наследие богатое, Святей Лавре преподобнаго Саввы Освященнаго по себе остави, да вси вернии зовут к изображенней на Ней Целительнице душ и телес сице: Радуйся, врагов святыя православныя веры крепкая поборнице; Радуйся, проповедников Евангельскаго учения покровительнице. Радуйся, благочестивых христиан защите и похвало; Радуйся, боголюбивых иноков утешение. Радуйся, ведущим брань противу мира, плоти и диавола добрая споспешнице; Радуйся, ревнующим о целомудрии и чистоте изрядная пособнице. Радуйся, Помощнице наша, Троеручною иконою Твоею нам помогающая.

Кондак 4

Буря недоумения смущает ми ум, како возмогу недостойными усты воспети славу Твою, Пречистая Дево, юже во иконе Твоей святей явила еси, даровавши ю нам в помощь и защиту от враг видимых и невидимых. Темже, величая неисчетныя милости Твоя к роду христианскому, исповедую чудеса Твоя и смиренномудренно пою Вседержителю: Аллилуиа.

Икос 4

Слышавше иноцы Святыя Лавры Саввы Освященнаго о великих добродетелях пришедшаго в Лавру на поклонение первосвятителя сербскаго Саввы, по внушению Твоему, Богомати, дароваша ему на благословение святую икону Твою Троеручицу, юже он со благоговением, яко дар многоценен, в страну Сербскую принесе, поучая паству свою звати Тебе: Радуйся, от востока и до запада силу Всемогущества Христова иконою Твоею возвещающая; Радуйся, болезни душевныя и телесныя иконою Твоею скоро врачующая. Радуйся, Сербстей стране икону Твою в залог благоволения даровавшая; Радуйся, чудесы Твоими Православие в ней крепко утвердившая. Радуйся, Симеона Мироточиваго область благодатно посетившая; Радуйся, Саввы первопрестольнаго паству Матерним Покровом Твоим приосенившая. Радуйся, Помощнице наша, Троеручною иконою Твоею нам помогающая.

Кондак 5

Боготечней звезде подобна явися икона Твоя, Богородительнице, по воли Твоей Святей на осля поставленная и отпущенная из Сербии, осляти никимже водиму, принесеся им на Гору Афонскую ко вратом обители Хилендарския, юже яко дар Небесный восприимше иноцы, поставиша в алтари соборныя церкве обители, зовуще во умилении глубоцем благих Подателю Богу: Аллилуиа.

Икос 5

Видевше иноцы хилендарстии Твое к ним благоволение, Преблагословенная Дево, в чудеснем пришествии к ним святыя иконы Твоея Троеручицы явленное, с радостию и любовию Ей поклоняхуся, целующе и песненно возглашающе Ти благохваления сицевая: Радуйся, путеводительнице подвижников благочестия к Горнему Сиону; Радуйся, пустыннолюбивых иноков приводящая к Небесному Иерусалиму. Радуйся, безсловесное осля воли Твоей святей чудесно покорившая; Радуйся, на осли икону Твою благодатную от Сербии на Афон дивно принесшая. Радуйся, пустыню Афона благоуханием святыни исполнившая; Радуйся, Хилендарскую обитель благоволением Твоим облагодатствовавшая. Радуйся, Помощнице наша, Троеручною иконою Твоею нам помогающая.

Кондак 6

Проповедует обитель Хилендарская на Афоне богатство милостей и щедрот Твоих, Богородице Дево, и светло красуется, имущи святую икону Твою Троеручицу во игумена себе, ибо таковая бысть воля Твоя, еже пребывати иконе Твоей тамо на игуменстем месте во храме Божием и в душах братии, от Тебе Единыя благословение на всякое послушание приемлющей и хвалебно зовущей тако благоволившему о них Творцу: Аллилуиа.

Икос 6

Возвестила еси волю Твою, Богомати, иноком хилендарским, разногласием во избрании игумена смущенным, чудесно поставивши святую икону Твою на игуменстем месте во храме Божием и открывши единому от них в видении, яко Сама Ты хощеши пребывати настоятельствующею в обители их иконою Твоею Честною, и да прочее не избирают себе игумена. Они же во умилении Душ и сердец обрадованнии возопиша к Тебе: Радуйся, иноков благоподвизающихся Известная и Всемощная Покровительнице; Радуйся, к Сыну Твоему и Богу теплая о них Предстательнице. Радуйся, жезл игуменский в Хилендарстей обители невидимо приемшая; Радуйся, обитель сию доселе целу и благоустроену сохраняющая. Радуйся, страхом и благоговением сердца братии, благословение от иконы Твоея приемлющих, исполняющая; Радуйся, неблагоговейныя и дерзостныя грозно наказующая. Радуйся, Помощнице наша, Троеручною иконою Твоею нам помогающая.

Кондак 7

Хотя соделати не токмо Афон, но и все иныя страны православныя причастными благодати великих чудес, иконою Твоею Троеручною изливаемых и бываемых, Пречистая Владычице, тую во всех градех, весех, церквах и обителех иноческих распространила и дивными чудесы прославила еси. Темже вся верная чада святую икону Твою Троеручицу любовию чествуют и на ней вкупе с Тобою изображенному Христу усердно зовут: Аллилуиа.

Икос 7

Дивно являеши, Преблагословенная Дево, милости верным людем и святою иконою Твоею Троеручицею преславныя чудеса содеваеши силою Благодати Христовы: слепыя просвещаеши, разслабленныя укрепляеши, недужныя врачуеши и всем прибегающим к целебному Твоему образу скорую помощь Твою присно являеши, подвизающи звати к Тебе: Радуйся, Святую Гору Афонскую в жребий Себе избравшая; Радуйся, и вся страны православныя покровом милости Твоея осенившая. Радуйся, Хилендарския обители Настоятельнице неизменная; Радуйся, многих мест и пустынь сокровище исцелений неоскудное. Радуйся, на Афоне, в России, Сербии и иных странах иконою Твоею преславно чудодействующая; Радуйся, любящия и чтущия Тя от всяких бед избавляющая. Радуйся, Помощнице наша, Троеручною иконою Твоею нам помогающая.

Кондак 8

Странно есть видети иноки хилендарския, к иконе Твоей яко к игумену приходящия и от Нея благословения на послушания своя приемлющия. Но, о Всеблагая, якоже приемлеши их милостивно и благословляеши, тако и нас недостойных не лиши Матерняго Твоего милосердия и попечения, приими благоутробно молитвы наша пред святою иконою Твоею возносимыя, осени нас благословением Твоим благодатным, избави от всяких бед и скорбей и научи богоугодно пети Триединому Богу: Аллилуиа.

Икос 8

Весь мир преисполнен, яко звездами Богосветлыми, чудотворными иконами Твоими, Богородице Дево, в нихже яко Денница Лучезарная, икона Твоя Троеручица предивными чудесы благодатно сияет и согревает хладныя сердца наша знаменьми Твоего к нам милостиваго призрения. Сего ради чествуем Пречистаго Лика Твоего святое изображение и Тебе пред ним вопием: Радуйся, Богообрадованная и Пренепорочная Приснодево; Радуйся, Едина Чистая и Благословенная в Женах. Радуйся, Нетленная и Неискусобрачная Агнца и Пастыря Мати; Радуйся, прекрасная и светоносная палато святых Святейшаго Слова. Радуйся, крине белоснежный и благовонный девства и чистоты; Радуйся Царице и Владычице Небесе и земли. Радуйся, Помощнице наша, Троеручною иконою Твоею нам помогающая.

Кондак 9

Всяк возраст верных благопользуется Твоим Матерним попечением, Всеблагая Владычице. Младенцы милосердно окормляеши, отроки невидимо руководствуеши, мужи во благочестии утверждаеши, старцы в немощех укрепляеши, всем же вся благая и душеполезная даруеши всесильным ходатайством Твоим у Престола Пресвятыя Троицы, Ейже благодарно поем: Аллилуиа.

Икос 9

Ветии человечестии не могут достойно восхвалити Тя, Богородице, Честнейшую Херувим и Славнейшую Серафим, рождшую Единаго от Троицы Христа Жизнодавца. Мы же, любовию к Тебе воодушевленнии, смиренномудренно дерзаем приносити Тебе песни таковыя: Радуйся, Державная Заступнице рода христианскаго; Радуйся, Благосердая Мати всех скорбящих и обремененных. Радуйся, кротким сиянием Твоим мрак грехов и страстей наших разгоняющая; Радуйся, на стези покаяния нас премудро наставляющая. Радуйся, в грозный час смерти всем нам крепкая Защитнице; Радуйся, добраго ответа нам пред Судиею Праведным усердная Ходатаице. Радуйся, Помощнице наша, Троеручною иконою Твоею нам помогающая.

Кондак 10

Спасения залог даровася нам святая и всечестная икона Твоя, Богородительнице Дево, ибо, якоже древле прорекла еси Божественному евангелисту Луце, с нею и доныне сила Твоя благодатно пребывает, чудесы преславными веру в нас утверждает, недужныя безмездно врачует и на путь спасения души наша приводит, да зовем прославльшему имя Твое во Вселенней Царю Небесе и земли: Аллилуиа.

Икос 10

Стена еси девам и ликом иноческим, Богоневестная Дево, всем усердно к Тебе прибегающим, икону же Твою святую благоговейно чествующим, ибо сию дарова нам благих Податель Господь в помощь и врачевство недугом душевным и телесным и сим внушает пети Тебе: Радуйся, добрая Младопитательнице дев и безматерних сирот; Радуйся, иноков и инокинь благоскорбящих Предводительнице к наградам Небесным. Радуйся, в узах и темнице седящих посещающая утешением благодатным; Радуйся, благословение домов и супружеств благочестивых. Радуйся, юных наставнице целомудрия и воздержания. Радуйся, старцев приводящая к благому житию и мирней кончине. Радуйся, Помощнице наша, Троеручною иконою Твоею нам помогающая.

Кондак 11

Пение молебное наше, Тебе пред Пречистым образом Твоим с верою и любовию возносимое, милостивно услыши, Госпоже Всемилостивая, и сохрани нас от тлетворных учений неверия и суеверия, ими же наветуется в нас святоотеческая православная вера, избави нас от лукавых совращений, сохрани нас и Отечество наше от всяких крамол и от всяких нестроений и злых развращений врагами веры и Отечества нашего воздвизаемых, и сподоби в любви и единомыслии со всеми верными чадами Святыя Христовы Церкве Богоприятно пети Создателю нашему: Аллилуиа.

Икос 11

Светоприемлемая свеща икона Твоя святая, Богородице Дево, мир весь сиянием чудес просвещает, сердца же наша любовию воспламеняет к Тебе, Пречистей и Преблагословенней Матери Сладчайшаго Господа нашего Иисуса Христа, даровавшаго нам Тебе в покров и защиту противу полчищ сатанинских, иже боятся и трепещут самаго имене Твоего, ведающе силу Твою, юже величаем и Тебе зовем: Радуйся, враги наша видимыя и невидимыя премудро запинающая; Радуйся, хулителей святыя православныя веры невидимо карающая. Радуйся, духов злобы от нас державно отгоняющая; Радуйся, преовладети им над нами не попускающая. Радуйся, любовию к Богу и ближним нас воодушевляющая; Радуйся, вся благая прошения наша скоро исполняющая. Радуйся, Помощнице наша, Троеручною иконою Твоею нам помогающая.

Кондак 12

Благодать свыше даровася святей иконе Твоей Троеручице, Владычице Преблагая: скорбящия утешати, болящия исцеляти, слепыя просвещати, разслабленныя укрепляти, верныя во благочестии утверждати, неверныя к познанию истины приводити, знаменьми и чудесы от нея бываемыми, яже воистину превосходят разумение человеческое и токмо верою постигаются, приводяща верныя души к немолчному славословию Творца, Богокрасною песнию: Аллилуиа.

Икос 12

Поем чудеса Твоя, благодатная Богородительнице, не таим щедрот Твоих, исповедуем благодеяния Твоя, прославляем неисчетную милость Твою к роду христианскому, юже велят вси концы земли, ибо от востока до запада хвально имя Твое святое, благословляемое от всех родов и в молитвах призываемое во всех странах. Тебе убо, сице прославленней и превознесенной Сыном Твоим и Богом, и мы хвалебно вопием: Радуйся, тихое пристанище плавающих в пучине житейскаго моря; Радуйся, треволнение страстей умиротворяющая Своим сердобольным участием. Радуйся, во уныние и отчаяние впадших подъемлющая надеждою спасения; Радуйся, сомнениями в вере колеблющихся вразумляющая знаменьми и чудесы. Радуйся, в обителех иноческих подвизающимся богоугодно подательнице блаженнаго упокоения; Радуйся, и в мире благочестно живущия не лишающая Твоего заступления. Радуйся, Помощнице наша, Троеручною иконою Твоею нам помогающая.

Кондак 13

О Всепетая Мати Сладчайшаго Искупителя нашего Господа Иисуса Христа! Вонми гласу молебному, Тебе пред святою иконою Твоею нами смиренно возносимому, и Матернею молитвою Твоею к рождшемуся от Тебе Святых Святейшему Слову от всякия избави напасти и вечныя муки всех имя Твое молитвенно призывающих и о Тебе благодарно зовущих Богу: Аллилуиа.

(Этот кондак читается трижды, затем икос 1 и кондак 1) 

Молитвы к Пресвятой Богородице перед Ея иконой, именуемой “Троеручица”

Молитва первая

Пресвятая и Преблагословенная Дево Богородице Марие! Припадаем и поклоняемся Ти пред святою иконою Твоею, воспоминая преславное чудо Твое исцелением усеченныя десницы преподобнаго Иоанна Дамаскина от иконы сея явленное, егоже знамение доныне видимо есть на ней во образе третия руки, к изображению Твоему приложенныя. Молимся Ти и просим Тя, Всеблагую и Всещедрую рода нашего Заступницу: услыши нас, молящих Ти ся, и, якоже блаженнаго Иоанна, в скорби и болезни к Тебе возопившаго, услышала еси, так и нас не призри, скорбящих и болезнующих ранами страстей многоразличных и к Тебе от души сокрушенныя и смиренныя усердно прибегающих. Ты зриши, Госпоже Всемилостивая, немощи наша, озлобление наше, нужду, потребу нашу в Твоей помощи и заступлении, яко отвсюду врагами окружени есмы и несть помогающаго, ниже заступающаго, аще не Ты умилосердишися о нас, Владычице. Ей, молим Ти ся, вонми гласу болезненному нашему и помози нам святоотеческую православную веру до конца дней наших непорочно сохранити, во всех заповедех Господних неуклонно ходити, покаяние истинное о гресех наших всегда Богу приносити и сподобитися мирныя христианския кончины и добраго ответа на Страшнем Суде Сына Твоего и Бога нашего, Егоже умоли за нас Матернею молитвою Твоею, да не осудит нас по беззаконием нашим, но да помилует нас по велицей и неизреченной милости Своей. О Всеблагая! Услыши нас и не лиши нас помощи Твоея державныя, да, Тобою спасение получивше, воспоем и прославим Тя на земли живых и рождшагося от Тебе Искупителя нашего Господа Иисуса Христа, Емуже подобает слава и держава, честь и поклонение, купно со Отцем и Святым Духом всегда, ныне и присно, и во веки веков. Аминь.

Молитва вторая

О Пресвятая Госпоже Владычице Богородице, велие чудо святому Иоанну Дамаскину явившая, яко веру истинную и надежду несумненную показавшему! Услыши нас, грешных раб Твоих (имена), пред чудотворною Твоею иконою усердно молящихся и просящих Твоея помощи: не отрини моления сего многих ради прегрешений наших, но, яко Мати милосердия и щедрот, избави нас от болезней, скорбей и печалей, прости содеянныя нами грехи, исполни радости и веселия всех чтущих святую икону Твою, да радостно воспоем и любовию прославим имя Твое, яко Ты еси от всех родов избранная, благословенная во веки веков. Аминь.

Тропарь Пресвятой Богородице перед Ея иконой, именуемой “Троеручица”

Тропарь, глас 4

Днесь всемирная радость возсия нам велия, даровася святей горе Афонстей цельбоносная Твоя, Владычице Богородице, икона, со изображением тричисленно и нераздельно пречистых рук Твоих, в прославление Святыя Троицы: созываеши бо верных и молящихся Тебе о сем познати, яко двема имаши Сына и Господа держати, третию же яви на прибежище и покров чтущим Тя от всяких напастей и бед избавляти, да вси, притекающии к Тебе верою, приемлют от всех зол свобождение, от врагов защищение. Сего ради и мы вкупе со Афоном вопием: радуйся, Благодатная, Господь с Тобою.

Тропарь, глас 4

Днесь светло красуется царствующий град Москва, имеющи в себе, о Всемилостивейшая, всея твари Честнейшая, Заступнице наша Дево Богородице, честный образ Твой, имже подсолнечныя концы земли удивляеши и мир мирови даруеши, во образ бо Святыя Троицы являеши трие руце: двема убо Сына Своего, Христа Бога нашего, носиши, третиею от напастей и бед верно к Тебе прибегающих избавляеши, и от потопления изымаеши, и всем полезная даруеши, и преподобному Михаилу Малеонскую гору показа, и всех всегда милуеши, честною ризою Своею покрываеши жительство сие и вся грады и страны наша, да зовем Ти: радуйся, Обрадованная.

Тропарь, глас 4

Яко звезда светозаряющая, из Сербии на Афон чудесно прииде всечестная икона Твоя Троеручица, юже обитель Хиландарская благоговейно восприемши, яко Божественный дар свыше, прославляет Тя, Владычицу, и умильно вопиет: не остави милость Твою от нас, но пребуди с нами во веки.

Величание

Величаем Тя, Пренепорочная Дево, и чтим чудеса образа святаго Твоего, трех пречистых рук Твоих явление в славу Божества, в Троице Бога нашего.

 

Тупичевская икона Божией Матери

(память 15 августа и в День Святого Духа по старому стилю)

Находилась в Тупичевском Свято-Духовом монастыре Могилевской губернии, близ города Мстиславля. Иногда ее еще называют «Семигородной».

 

Тучная гораИкона Пресвятой Богородицы, именуемая «Тучная Гора»

(память 24 марта по старому стилю)

История чудотворной иконы Божией Матери «Тучная Гора» теряется в начале XVII века. Именно тогда тверской мастер Косьма Волчанинов получил эту икону в благодарность за труды от настоятеля какого-то тверского монастыря.

По прошествии многих лет, один из его внуков снес ее, в виду ветхости, на чердак. И тут начались в доме нестроения. Невестка непутевого внука доведенная мужем до отчаяния решила наложить на себя руки. Она уже шла вешаться, как перед ней возник неизвестный монах и сказал: «Что ты задумала, безумная? Вернись, помолись иконе Божией Матери «Тучная Гора» и жизнь твоя будет спокойной». В тот же день икона была найдена, а приходской священник отслужил перед ней всенощную. С тех пор жизнь в доме шла спокойная и благочестивая. Дважды в год в доме Волчаниновых, а спустя 150 лет в доме Коняевых, которым досталась эта икона по наследству, служилось всенощное бдение. От иконы происходили чудесные исцеления и потому количество приходящих к ней стало становиться все больше. Наконец, при перестройке церкви Смоленской Божией Матери, было решено соорудить придел во имя иконы «Тучная Гора», где в алтарной части и хранилась чудотворная икона. Судьба ее после 1917 года неизвестна.

Чтимый список чудотворной иконы Божией Матери «Тучная Гора» находится в алтаре Вознесенского собора г. Твери.

Внешний вид иконы поражает изяществом пропорций и форм. Разворот головы Пречистой Девы таинственен и целомудрен. Что-то сказочное, средневековое в этом по-своему грациозном, почти лебедином изгибе шеи. Богородица обращенная внешне к пятикупольному русскому храму, стоящему на камне в ее ладони, внутренне обращена к молящемуся перед иконой человеку. Это божественный парадокс православной иконы, когда фигуры выполняют не сюжетные, а церковные функции. Когда изображение не показывает, а соучаствует в твоей молитве. Христос на левой руке Богоматери, благословляет стоящий на ладони храм.

Для справки отметим, что название «Тучная Гора» связано с пророчеством из книги пророка Даниила. Царю Вавилонии Навуходоносору приснился сон. Он собрал мудрецов и потребовал, чтобы те сами угадали содержание сна и дали его толкование. Среди «приглашенных» был пророк Даниил, из пленных иудеев. С Божией помощью он выполнил задание. А приснился царю ставший «притчей во языцех» колосс на глиняных ногах. Голова у него была золотая, тело из серебра, железа и пр. металлов, а ноги глиняные. И была гора, от которой «без рук», т. е. нерукотворно отвалился камень и обрушил колосс. Даниил говорит, что колосс — это современный им мир, золотая голова — Вавилон, который переживает период расцвета. Но Господь созиждет иное царство, которое упразднит все царства, и царство Божие не одолеет никто. Камень — это Христос ( вспомните «камень, его же небрегоша зиждущий, сей стал во главу угла»,). Церковь, видит в горе, которая стала после отпадения камня огромной, тучной, прообраз Богородицы, из которой «без рук» родился Христос. Наряду с именем «Тучная», Божию Матерь часто именуют Гора «Несекомая», никто не отсекал от нее того Камня.

 

Икона Пресвятой Богородицы, именуемая «Умиление» Смоленская

(память 19 марта по старому стилю) 

Была явлена в 1103 году в г. Смоленске. На этой чудотворной иконе Пресвятая Богородица изображается с младенцем Иисусом, на Которого Она с умилением взирает.

 

УмилениеИкона Пресвятой Богородицы, именуемая “Умиление” Серафимо-Дивеевская

(память 28 июля по старому стилю)

Икона Божией Матери “Умиление”, Серафимо-Дивеевская, находилась до революции в храме во имя Живо-начальной Троицы Свято-Троицкого Серафимо-Дивеевского монастыря. Богоматерь на этой иконе изображена в полурост, с крестообразно сложенными на груди руками, без Богомладенца; икона была написана на полотне, натянутом на кипарисную доску. Перед этой иконой молился и скончался преподобный Серафим, Саровский чудотворец. С великим благоговением и почтением относились к иконе и сестры Дивеевской обители после смерти старца Серафима. Сведения о явлении иконы, месте и времени ее написания не уточнены. 

Акафист Пресвятой Богородице в честь Ея иконы, именуемой “Умиление”(Серафимо-Дивеевская)

Кондак 1

Избранная от всех родов Заступнице вселенныя, похвальный глас Твоих рабов приемши, Всеблаженная, избави нас от всяких бед, да пред иконою Твоею и мы архангельский привет поем усердною душею: Радуйся, всем радостем Ты еси радость, Всеблаженная.

Икос 1

Архангел Божий Гавриил, началовождь небесных сил, предста Тебе, Отроковице, совет превечный открывая и еже “Радуйся” вещая: “Ты Мати будеши, Владычице”. Тому последующе верно, дерзаем вси нелицемерно воспета радостный сей глас Тебе, молящейся о нас: Радуйся, рождшая Жизнь всем утроба; радуйся, грешнаго мира спасение. Радуйся, Сын Твой воскресе от гроба; радуйся, Евиных слез избавление. Радуйся, древняго змия поправшая; радуйся, узы греха растерзавшая. Радуйся, радость женам несказанная; радуйся, Божия милости дверь. Радуйся, ангелов песнь непрестанная; радуйся, Богу избранная Дщерь. Радуйся, твари всея ожидание; радуйся, грешником всем упование. Радуйся, всем радостем Ты еси радость, Всеблаженная.

Кондак 2

Видяще образ Твой сей Умиление, токи целебныя всем источающий, тепле к нему притекаем смиреннии, в нуждах и скорбех спасения чающе. Ты же Христа умоли, яко Мати, всяко прошение нам даровати, яко да присно Тому воспоим песнь благодарну пред образом сим: Аллилуиа.

Икос 2

Разум небесный стяжа Серафим, тяжким недугом лежа одержим; Тя бо моляше болезнь исцелити. Ты же, Благая, пришедши во сне, кротце предстала ему в тишине, отроку жизнь обещавши продлити. Темже, от смерти Тобою спасенный, сладце воспе Серафим умиленный: Радуйся, высшая неба небес; радуйся, Мати Господня святая. Радуйся, рождшая бездну чудес, радуйся, стамно щедрот всезлатая. Радуйся, Ты бо нам милость являеши; радуйся, всяку болезнь исцеляеши. Радуйся, душ и телес врачевство; радуйся, падших благое возстание. Радуйся, горних умов торжество; радуйся, грешников к небу воззвание. Радуйся, Бога за нас умоляеши; радуйся, вражию сеть сокрушаеши. Радуйся, всем радостем Ты еси радость, Всеблаженная.

Кондак 3

Силою Вышняго дивно храним, в силу от силы в душе преспеваше в юности чистей святый Серафим. В храм Пресвятыя усердно хождаше и, умиленно молитву творя, сердцем хвалу во псалмех восписуя, Бога всещедраго благодаря, присно пояше Ему: Аллилуиа.

Икос 3

Имея Тя спутницу верную в жизни, остави избранник Твой юный отчизну, в обитель Саровскую путь направляя. Слагая бо в сердце Твоя словеса, отечество мняше свое небеса, пустынных живот на земли ублажая. И, слышав: “От нашего рода есть сей”, Тебе воспеваше, надежде своей: Радуйся, веры звездо путеводная; радуйся, Кормчия жизни моей. Радуйся, спутнице, к Богу доходная; радуйся, крове от бури страстей. Радуйся, к Богу бо нас управляеши; радуйся, душу спасти вразумляеши. Радуйся, правды стезе незаблудная; радуйся, мосте, горе возводяй. Радуйся, нищим Помощнице чудная; радуйся, венче, сердца веселяй. Радуйся, в Царствие нас призываеши; радуйся, двери рая отверзаеши. Радуйся, всем радостем Ты еси радость, Всеблаженная.

Кондак 4

Бури житейския скоро спасает Божия Мати вдовицу блаженную, жребий вручити ей Свой обещает, землю возделати благословенную. Темже, Пречистыя воли послушна, в путь неизвестный отходит вдовица, претерпевающи вся благодушно, дондеже в жребий святый водворится, Девы глагола в терпении ждущи, Богу же Сыну прилежно поющи: Аллилуиа.

Икос 4

Слыша вдовица глагол долгожданный, в тонцем дремании ей провещанный: “Зде есть в Дивееве место Мое, зде есть Мой жребий четвертый избранный, зде ты положиши кости твоя, девам пристанище прежде создавши”. Темже вдовица, от ложа воставши, Матери Света за радость святую светло поет похвалу таковую: Радуйся, света обитель блаженная; радуйся, Богом избранный удел. Радуйся, скиние Бога священная; радуйся, добрых сокровище дел. Радуйся, милости море безбрежное; радуйся, душ тишино безмятежная. Радуйся, вдов к чистоте окормление; радуйся, девства сосуде драгий. Радуйся, в старости сил укрепление; радуйся, в юности жезле благий. Радуйся, Дево Марие нетленная; радуйся, Господом благословенная. Радуйся, всем радостем Ты еси радость, Всеблаженная.

Кондак 5

Божией Матери гласу внимающи храм Ея имени вдова созидает; малое стадо сирот собирающи во благочестии тех возращает. Тако в Дивееве Божие семя в добрую землю вложися во время, плод же в терпении свой принесе, яко да мы от плода днесь вкушающе, Матерь Благую Творца небесе благодарим, о Ней песнь воспевающе: Аллилуиа.

Икос 5

Видивше первоначальница мати, яко обитель начат возрастати Девы Марии словес в исполнение, малое стадо свое поручает старцем Саровским и мудро вверяет паствы духовное все окормление. И, преспевающи в жизни своей, благо дарящи источник чудес Деву Марию за помощь с небес, песни слагает похвальныя Ей: Радуйся, тихая наша отрадо; радуйся, имя Тебе — Умиление. Радуйся, Мати словеснаго стада; радуйся, места сего прославление. Радуйся, нам бо покров простираеши; радуйся, нас ко Христу собираеши. Радуйся, девам Ты светлый чертог; радуйся, сирых от бед ограждаеши. Радуйся, Тя бо послушает Бог; радуйся, плачущих всех утешение. Радуйся, немощи наша терпящая; радуйся, нас во благих богатящая. Радуйся, всем радостем Ты еси радость, Всеблаженная.

Кондак 6

Бысть проповедница милости всех в своем житии Александра честная, Божие Имя всегда во устех, в сердце и мысли молитва святая. Слезныя токи Тебе, приношаше, Тя, Живоносный Источниче, чтущи, труд же дневный неустанно творяще, духом горяще и Богу поюще: Аллилуиа.

Икос 6

Возсиявающи свет благодати в дивном Дивееве, Божия Мати Свой омофор простирает над ним, козни врага и наветы людския, немощи духа и страсти плотския, нужды обычныя людем земным, — вся утоляет Царица благая, скоро Своим сиротам помогает. Темже, поюще Тоя чудеса, радостно рцем Ей сия словеса: Радуйся, свете спасения благостный; радуйся, чистых сердец красото. Радуйся, совести мире, всем сладостный; радуйся, духа любве широто. Радуйся, цветниче благоухающий; радуйся, жезле, враги устрашающий. Радуйся, в немощи помощь всесильная; радуйся, в скорби утехо с небес. Радуйся, в скудости пище обильная; радуйся, вышшая всяких словес. Радуйся, Божий бо гнев утоляеши; радуйся, милость на нас призываеши. Радуйся, всем радостем Ты еси радость, Всеблаженная.

Кондак 7

Хотящи оставити мир сей растленный, блаженная вкупе сирот собирает и Матери Бога удел, ей врученный, Пахомия старца блюсти умоляет; Пречистыя образ на перси приемлет и в руце Владычицы дух предает. Исполненный скорби Пахомий ей внемлет и песнь ей надгробную сице поет: Аллилуиа.

Икос 7

Новый Дивееву ангел-хранитель, жребия Девы и дев устроитель, послан Пречистою бысть Серафим. Купно с прехвальным Петром, с Иоанном, в келии Дева предста несказанно, светлая, с мучениц ликом святым, благоухающи миром небесным. “Дев ты Моих не остави”, — вещает; помощь ему по вся дни обещает, он же приносит Ей дар свой словесный: Радуйся, славо пророков прекрасная; радуйся, крине удолий рая. Радуйся, мучениц песнь велегласная; радуйся, стершая слезы моя. Радуйся, грешных молитв не забывшая; радуйся, сирых Твоих посетившая. Радуйся, наша пред Сыном Споручнице; радуйся, с Богом принесшая мир. Радуйся, душ Жениховых Обручнице; радуйся, двернице званным на пир. Радуйся, тайны от века явление; радуйся, Дево, Тебе мое пение. Радуйся, всем радостем Ты еси радость, Всеблаженная.

Кондак 8

Странных видений причастник блаженный, благостный старец отец Серафим к сердцу приемлет завет незабвенный Девы Марии и, Ею водим, девам обитель особую строит; меру соборному храму дает, место святое канавкой обводит, паству Пречистыя верно пасет, правило жизни и чин полагает, Богу неленостно пети внушает: Аллилуиа.

Икос 8

Всецелым умом ся Христу сраспиная, блаженства рая на земли предвкушая, пояше святый, яко благ тех виновней, Марии, родившей нам Спасшаго нас, архангельский Той, еже “Радуйся”, глас прилежно всегда с простотою сыновней. Тому подражая, Мариин удел доныне обходит свой древний предел, хвалу Богородице Деве поя, да радости будет причастник Тоя: Радуйся, о Богородице Дево; радуйся, рождшая Спаса Христа. Радуйся, Бога вместившая в чрево; радуйся, плод Твой — нам Путь живота. Радуйся, радостей вечных виновная; радуйся, славо и радость церковная. Радуйся, девственниц чистых венчание; радуйся, иноков Щедрая Мати. Радуйся, матерей всех величание; радуйся, доме, исполнь благодати. Радуйся, стрелы во дни угашающи; радуйся, страхи в нощи прогоняющи. Радуйся, всем радостем Ты еси радость, Всеблаженная.

Кондак 9

Всяких сил ангельских, Дево, превысшую, хвалят немолчно Тя наша сердца, светлостей солнечных истинно чистшую, Тя величает вся тварь без конца. Ты же Ходатаица за нас буди к Сыну и Богу в день страшный суда; грешных молений тогда не забуди, пети сподоби нас Богу всегда: Аллилуиа.

Икос 9

Витий многогласных не может язык воспети достойно Твой сладостный лик, о Дево и Мати Владыки небес. Даров Твоих чудных и сил умножение сердца исполняет росы умиления, дает очесем всех источники слез. Твой образ святый ее свещею горящею всегда веселяше взор старца молящаго, егда на колена склонився пред ним, усердно хваляше Тя пением сим: Радуйся, всех безнадежных надеждо; радуйся, сердцу росо умиления. Радуйся, правды лишенных одеждо; радуйся, всем нам источник спасения. Радуйся, демонский лик низлагаеши; радуйся, грозно бесам запрещаеши. Радуйся, духом унылых возстание; радуйся, палице спящим во зле. Радуйся, стропотных душ наказание; радуйся, вся бо возможна Тебе. Радуйся, в горьких работах всем сладость; радуйся, Мати, скорбящим всем радость. Радуйся, всем радостем Ты еси радость, Всеблаженная.

Кондак 10

Спасительно постными сеяв слезами, ждет в радости старец от Девы вещание: “Ты скоро, любимиче, будеши с нами”. И духом покоен, в живом уповании, отход свой от мира предуготовляет. Устав свой молитвенный и наставления хранити сирот своих он поучает: от днесь вам Благая едина хранение; вы многия пестуны имате, чада, отец же не будет разве мене, на гробе моем ищите отрады, и в нуждах и в скорбех идите ко мне; и верую, даст вам Господь утешение, да присно восходит от вас Ему пение: Аллилуиа

Икос 10

Стена еси девам, Пречистая Дево, от вражиих козней, от нужды и гнева, Тебе бо вручи нас святый Серафим. И в час испытания дух наш смятенный к Тебе мы возносим в молитве смиренней: о буди помощница сирым Твоим; да весело хвалим Тя, присноблаженную, всемирную славу, хвалу неизменную: Радуйся, верных Твоих утверждение; радуйся, крепкая сирых стено. Радуйся, Церкве святыя хваление; радуйся, горним умом глубино. Радуйся, цвете наш неувядаемый; радуйся, граде, Царя прославляемый. Радуйся, лествице, к Богу возведшая; радуйся, облаче легкий Христов. Радуйся, росо руно произведшее; радуйся, всем Ты готовый покров. Радуйся, наша надеждо известная; радуйся, дев похвало неневестная. Радуйся, всем радостем Ты еси радость, Всеблаженная.

Кондак 11

Пение всякое днесь побеждается множеством благодеяний Твоих; милость Твоя на весь мир простирается, славо небесных и радость земных. Гласа бо Матери богоприятнаго Сын Твой послушает, Дево, всегда. Радость всем радостем Ты, Благодатная, — звати мы не умолчим никогда. Тако бо зваше Тебе преподобный, Богу поя, наш предстатель загробный: Аллилуиа.

Икос 11

Света открыся чертог вожделенный старцу, в молитве к Тебе восхищенну, Дево, пред образом сим Умиления. В руце пречистеи душу святую Ты восприяла еси — во иную жизнь безконечную в райских селениях. Плакаху чада, отца их лишенная, новым же знанием умиленная милости к старцу Твоей, растворяюще слезы надгробныя песнею красною, Тя величаху хвалою согласно, Матерь едину Тебе разсмотряюще: Радуйся, темныя власти стенание; радуйся, праведных душ торжество. Радуйся, вратников ада рыдание; радуйся, Тя бо поет естество. Радуйся, князя мытарств низложившая; радуйся, демонов гордость смирившая. Радуйся, имя, святым вожделенное; радуйся, в смертный помощниче час. Радуйся, радость нам неизреченная; радуйся, в час той услыши наш глас. Радуйся, наших сердец умиление; радуйся, Бога умилостивление. Радуйся, всем радостем Ты еси радость, Всеблаженная.

Кондак 12

Благодатный залог в ограждение, чадом дивеевским старец остави образ Пречистыя сей Умиления. Сам же пресветло ликуя во славе, Матерь Небесную молит усердно сирых его соблюсти милосердно, да не воздремлют уныния сном, но да, елеем свещу напояюще, внидут в чертог со своим Женихом, вечную ангелов песнь воспевающе: Аллилуиа.

Икос 12

Поем днесъ Твою Богородице, славу и милость ко грешным, на бесы державу; вси празднуем светло Твоя чудеса. Безмерно Тя всю освятив, непорочная, Бог людем постави Тя в крепость всемощную: Тебе бо внимают Того ушеса. Тобою спасаеми вси ежечасно, приносим Ти песнь таковую согласно: Радуйся, жизни сокровище вечныя; радуйся, правды ковчеже святый. Радуйся, людем хвало безконечная, радуйся, свещниче веры златый. Радуйся, Божие благоволение; радуйся, всех человеков спасение. Радуйся, мученик всех дерзновение; радуйся, песнь преподобных Твоих. Радуйся, праведных жен украшение; радуйся, краю желаний благих. Радуйся, церкве хоругвь пречестная; радуйся, грешным нам Мати благая. Радуйся, всем радостем Ты еси радость, Всеблаженная.

Кондак 13

О Мати всепетая, всем во спасение даждь, Всеблагая, сердец умиление. Да, Божиим страхом всегда ограждаемы, избегнем губительных сетей борца, и тако Твоими мольбами спасаеми, во веки восхвалим благаго Творца: Аллилуиа.

(Этот кондак читается трижды, затем икос 1 и кондак 1) 

Молитва к Пресвятой Богородице перед Ея иконой, именуемой “Умиление”(Серафимо-Дивеевская)

Приими, всеблагомощная, Пречистая Госпоже, Владычице Богородительнице, сия честныя дары, Тебе единей прикладныя, от нас, недостойных рабов Твоих: от всех родов избранная, всех тварей небесных и земных высшая явльшаяся, понеже бо Тебе ради бысть Господь Сил с нами, и Тобою Сына Божия познахом и сподобихомся святаго Тела Его и пречистыя Крове Его; темже блаженна еси в родех родов, Богоблаженная, херувимов светлейши и серафимов честнейши сущая. И ныне, всепетая Пресвятая Богородице, не престай молящися о нас, недостойных рабех Твоих, еже избавитися нам от всякаго совета лукаваго и всякаго обстояния и сохранитися нам неврежденным от всякаго ядовитаго прилога диавольскаго; но даже до конца молитвами Твоими неосужденных нас соблюди, яко да Твоим заступлением и помощию спасаеми, славу, хвалу, благодарение и поклонение за вся в Троице Единому Богу и всех Создателю возсылаем, ныне и присно, и во веки веков. Аминъ.

Тропарь Пресвятой Богородице перед Ея иконой, именуемой “Умиление”

Тропарь, глас 4

К Богородице со умилением припадем, вси грехми обремененнии, чудотворную Ея икону Умиление облобызающе и вопиюще со слезами: Владычице, приими моление недостойных раб Твоих и подаждь нам, просящим, велию Твою милость.

 

УрюпинскаяУрюпинская икона Пресвятой Богородицы

(память 8 июня по старому стилю)

Была явлена 8 июня 1827 г. Она была обретена стоящей на дереве, растущем на нагорной стороне Урюпинского юрта. Взявшая ее к себе женщина после молитвы перед ней исцелилась от более, чем 24-летнего недуга: на ногах у нее были язвы.

Впоследствии икона прославилась многочисленными чудотворениями и находилась в Покровском храме станицы Урюпинской, Хоперского уезда в Области войска Донского.

 

Успение Пресвятой БогородицыУспение Пресвятой Богородицы

(память 15 августа по старому стилю)

Удивительна была жизнь Пресвятой Девы, дивно и Ее Успение. В час кончины, о котором Богоматери за три дня возвестил архангел Гавриил и передал Ей сияющую райскую ветвь, необыкновенный свет осиял комнату Богородицы. Сам Иисус Христос, окруженный ангелами, явился и принял Ее пречистую душу. Тело Ее было похоронено в Гефсиманском саду. При погребении совершилось множество чудес. Иудейские священники пытались разогнать святое шествие, один из них — Афоний, подбежал и схватился за одр, чтобы опрокинуть его. Но невидимый ангел отрубил ему обе руки. Пораженный этим чудом, Афоний раскаялся и св. Петр исцелил его.

Через несколько дней прибыл другой апостол — Фома. Сжалившись над ним, хотели дать ему возможность попрощаться с Пресвятой Богородицей. Отвалили камень от могильной пещеры, но нашли там только погребальные пелены… После трапезы и молитвы в тот же день они увидели Божию Матерь в сиянии Небесной славы: “Радуйтесь! Я с вами во все дни, и всегда буду вашею Молитвенницею перед Богом!..”

Праздник Успения Божией Матери — один из наиболее чтимых в Русской Православной Церкви.

Акафист Успению Пресвятой Богородице

Кондак 1

Избранной от всех родов Божией Матери и Царице, восходящей от земли к Небеси, благоговейная пения о пречестнем Твоем Успении приносим раби Твои, Богородице. Ты же, яко имущая победу над смертию, от всяких нас смертоносных бед свободи, да зовем Ти: Радуйся, Обрадованная, во Успении Твоем нас не оставляющая.

Икос 1

Ангел предстатель послан бысть рещи Богородице ко премирным Ея возшествие и приити предъявление к Ней Сыну Ея и Богу, светло о Ней блистаяся и стоя, зовый таковая: Радуйся, прерадованная Мати Царева; Радуйся, Небесная Царице, Мати Бога и Господа Небесе и земли. Радуйся, предпочтенная превеличеством пришествия к Тебе Сына Твоего и Бога; Радуйся, возвеличенная извещением Твоего к Сыну отшествия. Радуйся, от всех родов Богом избранная; Радуйся, святое вместилище Слова Божия. Радуйся, пророческаго проречения исполнение; Радуйся, Апостолом пречестный венче. Радуйся, святителем украшение и священником доброто; Радуйся, правителем удобрение и державо. Радуйся, Богомудрых иноков возведение к Горнему Царствию; Радуйся, отверзающая райския двери христианскому роду, присно Тя блажещему. Радуйся, Обрадованная, во Успении Твоем нас не оставляющая.

Кондак 2

Видяще Апостолов лик, всесильным мановением от конец земли на облацех представших ко Пречестному Твоему, Пренепорочная. Успению, священноначальницы: Дионисий — небесный таинник, Иерофей дивный и Тимофей с Боголепною честию священства пояху Богу: Аллилуиа.

Икос 2

Разумная вся тварь, старейшая чиноначалия ангельская приидоша со своим Царем, Иже во Своя живоначальнейшия руце душу Матере Своея прият; теплый же верою Петр со слезами многая к Ней изрече, зовый: Радуйся, ко премирным, Мати Творца миру, восходящая; Радуйся, к пренебесным, пространнейшая небес, вземлющаяся. Радуйся, четверочастное стихий освятившая Твоим восхождением; Радуйся, Небесных возвеселившая Твоим прехождением. Радуйся, во Иерусалим Горний прекрасный приятая; Радуйся, в нерукотворенныя храмы прерадостно вшедшая. Радуйся, Херувимов и Серафимов Царице; Радуйся, Архангелов Владычице. Радуйся, прибежище верных и избавление; Радуйся, достоянию Твоему помощь и защищение. Радуйся, о всем мире христианстем к Богу Ходатаице; Радуйся, благ всяческих Всеблагая Подательнице. Радуйся, Обрадованная, во Успении Твоем нас не оставляющая.

Кондак 3

Сила Вышняго восхити от Индии Фому, за некое изволение Божие не прилучшуся ему в пречестное успение Богоматере, и предпостави живоприемному Ея гробу, иже, Преставльшуюся приник видети, уразуме вознесенную на Небеса с телом и, веровав, о сем возопи: Аллилуиа.

Икос 3

Имея в себе помышление ученик, яко Божиим смотрением бе ему не обрестися ко провождению Богоматере с прочими вкупе, обрадован быв о безсмертнем Ея Успении, сия вопияше к Ней: Радуйся, восприемлемая от земли дланьма Сына Твоего; Радуйся, ко превышним возшедшая наслаждатися славы Его. Радуйся, провождаемая от всех чиноначалий ангельских в Горняя; Радуйся, подъемлемая Херувимы в Небесная и поднебесная. Радуйся, в Небесных вратех от старейших Сил велелепно песньми возносимая; Радуйся, от всех Небесных граждан окружаемая и блажимая. Радуйся, Небо земное, к Горнему селению возвышенное; Радуйся, Престоле Господень, от земли вознесенный в Царствие Небесное. Радуйся, предстательство наше и крепкое заступление; Радуйся, грешником Споручнице во спасение. Радуйся, Христианом Царице и по Бозе Надеждо Небеснаго Царствия; Радуйся, Мати Живота и по Господе нам упование жизни вечныя. Радуйся, Обрадованная, во Успении Твоем нас не оставляющая.

Кондак 4

Бурю внутрь имея Аффоний помышлений неверных и зря Богоносными Апостолы Богоматере Пречестное Тело всечестне ко гробу несенное, ко опровержению устремися; внезапу же, егда со ослеплением очию руце его отъяте ко одру прилеплене висясте, верою Матерь Божию исповедаше, вопия Богу: Аллилуиа.

Икос 4

Слышавше таинницы и самовидцы Слова Ангелов, поющих превышними песньми при погребении Богоприятнаго тела Божия Матере, и честь подати хотяще Богоугодную, потщашася согласно пети, глаголюще: Радуйся, благовестие приемшая о прошествии Твоем в Горнее Царствие; Радуйся, от благовестившаго Гавриила приемшая радостнаго рая вравие. Радуйся, пречестное херувимское множество просветившая; Радуйся, преславное серафимское естество возрадовавшая.Радуйся, от патриархов прообразованная; Радуйся, от пророков предвозвещенная. Радуйся, злую дерзость Аффониеву скоро отметившая; Радуйся, исцеление томужде подавшая. Радуйся, обратившая в веру Аффониево неверие; Радуйся, верное того приемшая исповедание. Радуйся, возводящая к Небеси любовь и веру к Тебе имущих; Радуйся, спасающая верою имя Твое призывающих. Радуйся, Обрадованная, во Успении Твоем нас не оставляющая.

Кондак 5

Боготечныя звезды, Апостоли святии, в поднебесней разсеяннии ради Евангелия, восхищени быша на облацех, по широте воздушней, ко погребению Матере Господни, Юже пеньми и песньми провождающе, с Невещественными взываху: Аллилуиа.

Икос 5

Видевше Боговидцы своего Владыку, в руце Матере Своея душу приемша, и Господа Того разумевше, потщашася священнословия песньми благословне воспети Ю: Радуйся, Царице, над всеми Царствующаго носившая; Радуйся, и Сама рукама Его Сыновнима носимая. Радуйся, скиптре царский в Христовой деснице; Радуйся, в руце Ноя ветвь голубицы. Радуйся, жезле Ааронов, прозябший нетление; Радуйся, крине неувядаемый, процветший безсмертие. Радуйся, Богоотца Давида цевнице Богодохновенная; Радуйся, пророчествия его возставшая слово, псалтирю и гусли прекрасныя. Радуйся, одушевленный святыни Господни кивоте; Радуйся, в покой Господень воскресший наш животе. Радуйся, скиние, от Херувимов осеняемая; Радуйся, Святая святых, от Серафимов глаголемая. Радуйся, Обрадованная, во Успении Твоем нас не оставляющая.

Кондак 6

Проповедницы Богоноснии Апостоли, по отшествии ко премирным Божия Матере во общем селении обычныя трапезы бывше и предложение части хлеба во Имя Господне возносяще, внезапу свыше Богородицу Царицу, пришедшую со светоносными Ангелы, зряху и, мир тем от Сына и Бога подавшую слышавше, возгласиша о сем: Аллилуиа.

Икос 6

Возсия нам Солнце правды, Христос Бог от Твоих пречистых ложесн, волею и благоразумием проповедания чрез Апостолы мир просвети и Тя, Богоматерь, от рода и в род прослави. Темже и мы вси ублажаем Тя, вопиюще Ти: Радуйся, Присноблаженная от всех родов во веки; Радуйся, благоутробная и Милостивая на человеки. Радуйся, ученическому лику обещание исполнившая; Радуйся, присещением Твоим от Сына Твоего и Бога мир тому подавшая. Радуйся, всежелательное святых сладкое зрение; Радуйся, преподобных матерей и дев святых всевеселящее радование. Радуйся, преходящая райское селение праведных; Радуйся, посещающая всех во славе небесней сущих. Радуйся, начало человеческаго спасения; Радуйся, исполнение всех благих желания. Радуйся, по Бозе, Царе царствующих, Богородице Царице; Радуйся, по Господе господствующих, Владыце нашем, Госпоже и Владычице. Радуйся, Обрадованная, во Успении Твоем нас не оставляющая.

Кондак 7

Хотящих всех с верою входити в храм Твой святый, Богородице, присно спасаеши и славящих Тя от всяких напастей и бед свобождаеши; темже и благоверным людем, присноблажащим Тя, победы на сопротивныя даруй и вся ко спасению прошения нам подавай, о сем молящимся Тебе и поющим Богу: Аллилуиа.

Икос 7

Новую показа тварь, явлься нам, всех Творец Господь Тобою, Богородице. Ты же сродное промышление о нас к Нему имущи, честне почитающих пречестное Твое Успение, приими сицевая Тебе вопиющих: Радуйся, Мати Богу, избранная от земных; Радуйся, превышшая земных и Небесных. Радуйся, Херувимов и Серафимов горе превозшедшая; Радуйся, лик ученический облаком ко погребению Ти доле совокупльшая. Радуйся, Фому по погребении Твоем силою Божиею предпоставившая изряднее; Радуйся, чрез него уверившая Твое на Небо с плотию преселение. Радуйся, красотою всех добродетелей украшенная; Радуйся, краснейшему паче сынов человеческих Сынови Своему сопричтенная. Радуйся, яко финикс, плотию воскресшею процветшая; Радуйся, яко кедр в Ливане небесном, умножившаяся. Радуйся, древо живота, насажденное посреде рая превышняго; Радуйся, ковчеже мысленный возвышенный в Горняя от потопа смертнаго. Радуйся, Обрадованная, во Успении Твоем нас не оставляющая.

Кондак 8

Странно в превышних ведуще Тя, Избранная, яко солнце, Владычице, внутрь пренебесных недомыслимых красот и неизреченных доброт, умильно к Сыну и Богу, дланьма Его держиму, возшедшую и прерадостно преклоньшуюся живоначальней Его деснице, о сем непрестанно вопием: Аллилуиа.

Икос 8

Вся бывши горе, к Небесным взята и, земных не оставляющи, Богомати, рукама Сыновнима носима, в незаходимая вниде, во оный град всесветящий и прекрасный, Иерусалим вышний, Херувимы обстоима со всеми Небесными силами, идеже слышит поющих сия: Радуйся, Еяже пресвятая душа в вышнем всесветлом Сионе вселяется; Радуйся, Еяже и нетленное тело таможде с душею купно прославляется. Радуйся, вшедшая в престольный град Самаго Вседержителя; Радуйся, вознесшаяся в прекрасный рай Вышняго Насадителя. Радуйся, пренесенная во град, основанный от каменей всесветяших; Радуйся, введенная во ограду, обстоимую вои сил превышних. Радуйся, превышше Небес во благолепие Божие взятая; Радуйся, паче всех невещественных умов почтенная. Радуйся, приносящая к Сыну Своему и Богу моление верных; Радуйся, и Сама непрестанно у Престола Сына Твоего и Бога молящаяся о всех. Радуйся, Предстательнице к Богу, мир спасающая; Радуйся, Заступнице, роду христианскому от Бога дарованная. Радуйся, Обрадованная, во Успении Твоем нас не оставляющая.

Кондак 9

Всякое естество ангельское превозносит Тя, Богородице, человечестии же роди вси Матерь Тя Божию славим и почитаем пречестное Твое Успение, Царице: Тебе бо ради земнии Небесным совокупляются, согласно поюще Богу: Аллилуиа.

Икос 9

Ветийства Боговещанньгх пророческих речений ныне зрим о Тебе сбывшаяся, Богородице, яко воистину Бога плотию родила еси нам. Темже таинству словесе Божия верующе, вопием: Радуйся, закона и пророков главизно совершенная; Радуйся, звездо Иаковля, Валаамом пророкованная. Радуйся, одре Царя Великаго, вещанный Соломоном; Радуйся, руно, орошенное Иисусом, образованное Гедеоном. Радуйся, Неопалимая Купино, законоположником предзримая; Радуйся, горо святая, мужем желания усмотренная. Радуйся, лествице небесная, Иаковом предвидимая; Радуйся, двере непроходимая, Иезекиилем предзримая. Радуйся, солнце селения Христова, псалмопевцем предъявленное; Радуйся, таинство, многообразне пророки пронареченное. Радуйся, пророческих глагол всех, предреченных о Тебе, конец принесшая; Радуйся, Вышняго смотрения вся за спасение мира совершившая. Радуйся, Обрадованная, во Успении Твоем нас не оставляющая.

Кондак 10

Спасти хотя мир, Иже всех Господь от земнаго Тя рода избра в Матерь Себе и, нас ради быв человек, взыде, отнюдуже сниде, к Небеси от земли, и Тебе с Собою возведе ко пребыванию во славе вечней и соцарствованию с Собою, конца не имущему, Темже, яко Бог, слышит от всех: Аллилуиа.

Икос 10

Стена еси верным, Богородице Дево, и заступление всем, к Тебе прибегающим, ибо Небесе и земли Творец, от Тебе плотию прошед, Пречистая, духом и телом в Небесная Тя пресели, ко ближайшему предстательству о всех, ихже приглашати научи: Радуйся, граде Царя Великаго верху горы Небесныя; Радуйся, стено и покрове, не крыющийся от нашего притекания. Радуйся, верным на враги пособствующая; Радуйся, нашествия агарянская побеждающая. Радуйся, веры благочестивыя недвижимое сохранение; Радуйся, еретичествующих полков разорение. Радуйся, радость и умирение миру сущая; Радуйся, всегубительнаго ада поправшая. Радуйся, воинствующих на плоть целомудрием изрядное венчание; Радуйся, мученических подвигов всечестное прославление. Радуйся, преподобных трудом Ходатаице блаженнаго упокоения; Радуйся, иноком благоскорбящим Подательнице вечнаго радования. Радуйся, Обрадованная, во Успении Твоем нас не оставляющая.

Кондак 11

Пение всякое Богодухновенных песней не довлеет от нас ко похвале всечестнаго Успения Твоего, Всехвальная Владычице, Царице Богородице, но усердно Тебе приносим, яко Матери Царя всех, смиренное моление наше, с Небесными чинми поюще Единому достойно прославляющему Тя Богу: Аллилуиа.

Икос 11

Светоприемная свеща истиннаго Света сущим нам на земли явльшися, души просвещаеши и чтущих Твое всечестное преставление к разуму Божественному наставляеши, да поем Ти сицевая: Радуйся, свеще неугасимая огня невещественнаго; Радуйся, заре незаходимая Света невечерняго. Радуйся, луно, от Солнца правды облиставаемая; Радуйся, светлосте, во тьме святящая. Радуйся, светильниче, на свещнице превышнем поставленный; Радуйся, источниче жизни, из гроба во свет изведенный. Радуйся, Мати Света умнаго, благочестивых души просвещающаго; Радуйся, Мати всех Бога, озлобленных души утешающаго. Радуйся, уповающим на Тя живота конец непостыдный дарующая; Радуйся, достояние Божиим и Своим рабом на Суде Сына Твоего одесную Его устрояющая. Радуйся, Преблаженная, яко Тобою блажени есмы и мы, иже Помощницу Тя имамы; Радуйся, Преблагословенная в род и род, яко Господь с Тобою, и Тобою с нами. Радуйся, Обрадованная, во Успении Твоем нас не оставляющая.

Кондак 12

Благодать высокопрестольныя славы, на небесех дарованную Богоматери, почтенной седением одесную Сына Ея и Бога видяще горнии умы, подъяша Ю Престоли и Силы, окружиша Начала и Власти, припадоша страшнии Херувими, Серафими и Господства, со Архангелы и Ангелы вопиюще: Аллилуиа.

Икос 12

Поюще всечестное Твое Успение, восхваляем вси ко пренебесным возсшествие Твое, Царице Богомати. Ты же освяти, прослави и спаси всех, любовию поющих Тебе: Радуйся, очистившая землю пречистыми ног Твоих стопами; Радуйся, освятившая воздух восхождением Твоим к Небеси. Радуйся, на Небесный круг возступившая; Радуйся, вся доброты неизреченныя зрящая. Радуйся, во славе приседящая престолу Сына Твоего и Бога; Радуйся, с Сыном и Богом вечно царствующая. Радуйся, красото в деснице Господней, украшающая блажащих Тя всех Небесных; Радуйся, обрадованная надеянием на Тя всех земных. Радуйся, облеченная в солнце, сияющая благодатию и славою всей вселенней; Радуйся, обещавшая сохраняти и спасати призывающих Тя всех в поднебесней. Радуйся, от христианских родов Мати Божия почитаемая и Богородица именуемая; Радуйся, от восток солнца до запад преславно и православно от всех благочестивых славимая. Радуйся, Обрадованная, во Успении Твоем нас не оставляющая.

Кондак 13

О Всепетая Мати Безсмертнаго Царя Небесе и земли, Христа Бога нашего, живущая и по смерти, нынешняя приношения о всечестном Твоем Успении от нас приемши, в жизни сей и в смертнем успении нашем от всякия напасти, бед и муки избави и Небеснаго Царствия нас, Царице, сподоби, о Тебе вопиющих: Аллилуиа.

(Этот кондак читается трижды, затем икос 1 и кондак 1) 

Молитва на Успение Пресвятой Богородицы

О Пресвятая Богородице Дево, Владычице, вышшая Ангел и Архангел и всея твари Честнейшая, ангельское великое удивление, пророческая высокая проповедь, апостольская преславная похвало, святителей изрядное украшение, мучеников крепкое утверждение, иноков спасительное наставление, постников неизнемогающее воздержание, девствующих чистото и славо, матерей тихое веселие, младенцев мудросте и наказание, вдовиц и сирых Кормительнице, нагих одеяние, болящих здравие, пленников избавление, по морю плавающих тишино, обуреваемых небурное пристанище, блуждающих нетрудная Наставнице, путешествующих легкое прохождение, труждающихся благое покоище, в бедах сущих скорая Заступнице, обидимых Покрове и прибежище, ненадеющихся надеяние, требующих Помощнице, печальных присное утешение, ненавидимых любовное смирение, грешников спасение и к Богу присвоение, правоверных всех твердое ограждение, непобедимое поможение и заступление! Тобою нам, Владычице, Невидимый видим бысть, и Тебе мольбу приносим, Госпоже, грешнии раби Твои: О Премилостивая и Пречудная Света умнаго Царице, рождшая Царя Христа, Бога нашего, Живодавца всех, от небесных славимая и от земных хвалимая, ангельский уме, светозарная звездо, святых Пресвятейшая, Владычице всех тварей, Боголепная Девице, Нескверная Невесто, палато Духа Пресвятаго, огненный Престоле Невидимаго Царя, небесный кивоте, носило Слова Божия, огнеобразная колеснице, покоище Живаго Бога, неизреченное составление плоти Христовы, гнездо Орла Небеснаго, Горлице Богогласная, Голубице кроткая, тихая и незлобивая, Мати чадолюбивая, милостей бездно, развергающая тучу гнева Божия, неизмеримая глубино, неизреченная тайно, несведомое чудо, не рук отворенная Церкве Единаго Царя всех век, благоуханное кадило, честная багрянице, Боготканная порфиро, душевный раю, живоноснаго сада отрасле, цвете прекрасный, процветший нам небесное веселие, грозде спасения нашего, чаше Царя Небеснаго, в нейже растворися от Духа Святаго вино неисчерпаемыя благодати, Ходатаице закона, зачало истинныя веры Христовы непоколебимый столпе, мечу ярости Божия на богопротивных, бесов устрашение, во бранех побеждение, христиан всех неложная Хранительнице и мира всего известное спасение! О Всемилостивая Госпоже, Дево Владычице, Богородице, услыши нас, молящихся Тебе, и яви милость Твою на людей Твоих, моли Сына Своего избавитися нам от всякаго зла и сохрани обитель нашу и всяку обитель, и град, и страну верных, и люди, благочестно прибегающия и призывающия имя Твое святое, от всякия напасти, губительства, глада, труса, потопа, огня, меча, нашествия иноплеменников и междоусобныя о ран и, от всякия болезни и всякаго обстояния, да ни ранами, ни прещением, ни мором, ни всяким праведным гневом Божиим умалятся раби Твои. Но соблюдай и спасай милостию Своею, Госпоже, за ны молящися, и полезное благорастворение воздуха во времени плоднаго приношения нам даруй. Облегчи, возстави и помилуй, Премилостивая Владычице, Богородице препетая, во всякой беде и нужде сущия. Помяни рабы Твоя и не презри слез и воздыхания с нашего, и обнови нас благостию Своея милости, да со благодарением утешаемся, обретше Тя Помощницу. Умилосердися, Госпоже Пречистая, на немощныя люди Твоя, Надеждо наша. Разсеянныя собери, заблудшия на путь правый настави, отпадшия от благочестивыя отеческия веры паки возврати, старость поддержи, юныя вразуми, младенцы воспитай и прослави славящия Тя, изряднее же — Церковь Сына Твоего соблюди и сохрани в долготу дний. О Милостивая и Премилостивая Царице Небесе и земли, Богородице Приснодево! Ходатайством Твоим помилуй страну нашу и воинство ея и вся православныя христианы, сохраняющи их под кровом милости Твоея, ризою Твоею честною защити и моли из Тебе воплошагося без семене Христа, Бога нашего, да препояшет ны свыше силою на вся видимыя и невидимыя враги наша. Спаси же и помилуй, Госпоже, Великаго Господина и Отца нашего Алексия, Святейшего Патриарха Московского и всея Руси, преосвященныя митрополиты, архиепископы и епископы православныя, иереи же и диаконы и весь причет церковный, и весь монашеский чин, и вся правоверныя люди, поклоняющияся и молящияся пред честною Твоею иконою. Призри на всех нас призрением милостивнаго Твоего заступления, воздвигни нас из глубины греховныя и просвети очи сердечныя ко зрению спасения, милостива нам буди зде и на Страшнем Суде Сына Твоего о нас умоли, преставльшияся во благочестии от жития сего рабы Твоя в вечней жизни со Ангелы и Архангелы и со всеми святыми причти, да одесную Сына Твоего Бога предстанут, и молитвою Твоею сподоби вся православныя христианы со Христом жити и радости ангельския в Небесных селениих наслаждатися. Ты бо еси, Госпоже, слава Небесных и упование земных, Ты наша Надежда и Заступница всех притекающих к Тебе и Твоея святыя помощи просящих. Ты Молебница наша теплая к Сыну Твоему и Богу нашему. Твоя Матерняя молитва много может на умоление Владыки, и Твоим предстательством ко Престолу благодати Пресвятых и Животворящих Его Тайн приступати дерзаем, аще и недостойнии. Темже всечестный образ Твой и рукою Твоею держимаго Вседержителя видяще на иконе, радуемся, грешнии, со умилением припадающе, и любовию сей целуем, чающе, Госпоже, Твоими святыми Богоприятными молитвами дойти Небесныя безконечныя жизни и непостыдно стати в день судный одесную Сына Твоего и Бога нашего, славяще Его купно со Безначальным Отцем и Пресвятым, Благим, Животворящим и Единосущным Духом, во веки веков. Аминь.

Тропарь Успению Пресвятой Богородицы 

Тропарь, глас 1

В рождестве девство сохранила еси, во успении мира не оставила еси, Богородице, преставилася еси к животу, Мати сущи Живота, и молитвами Твоими избавляеши от смерти души наша.

Кондак, глас 2

В молитвах неусыпающую Богородицу и в предстательствах непреложное упование гроб и  умерщвление не удержаста: якоже бо Живота Матерь к животу престави во утробу Вселивыйся приснодевственную. 

Величание

Величаем Тя, Пренепорочная Мати Христа Бога нашего, и всеславное славим Успение Твое. 

Задостойник, глас 1

Ангели, Успение Пречистыя видевше, удивишася, како Дева восходит от земли на Небо. Побеждаются естества уставы в Тебе, Дево Чистая, девствует бо рождество и Живот предобручает смерть; по рождестве Дева и по смерти жива, спасаеши присно, Богородице, наследие Твое.

 

Устюженская-Смоленская икона Божией Матери

(память 28 июля по старому стилю)

Находилась в Успенском соборе Великого Устюга, Вологодской губернии.

Эта икона была прислана туда ростовскими князьями Дмитрием и Константином Борисовичами. В старинной Устюжской летописи о ней имеется следующее сказание. 28 августа 1398 г. буйные новгородцы, в количестве нескольких тысяч, приплыли к Устюгу. Ограбив город, они не пощадили и его святыни, забрав с собой и богато украшенный образ «Одигитрии». Когда икона была перенесена в насад (судно), то, несмотря на все усилия, он не мог сдвинуться с места. Один из новгородцев дерзнул связать икону-«пленницу» полотенцем, и тогда отплыли от берега. За такое кощунство нечестивцы были наказаны: дорогой они были поражены кто слепотой, кто корчами и ломотою. Вразумившись и раскаявшись, новгородцы через год (28 августа 1399 г.) вернули икону и все похищенное.

Чудотворный образ прославился многочисленными исцелениями.

 

Устюжская (Благовещение) икона Пресвятой Богородицы

(память 8 июля по старому стилю)

Празднество чудотворной иконе установлено в воспоминание чуда, бывшего в Устюге от иконы Благовещения Пресвятой Богородицы в 1290 году. Св. Прокопий, Христа ради юродивый, подвизавшийся в Великом Устюге, объявил однажды всенародно, что Бог за грехи людей хочет наказать их и что город страшно погибнет. Прокопий умолял их прибегнуть к покаянию и просить Бога о помиловании. Ответом на призыв к покаянию были насмешки. Дни и ночи Прокопий плакал и рыдал неутешно, оставаясь на паперти церковной молиться непрестанно за всех.

Чрез неделю после проповеди Прокопия о близости наказания, в воскресенье, в полдень, явилось на небосклоне черное облако; приближаясь к городу, оно росло и наконец легло над ним черною тучею. Тьма сделалась необычайною, так что люди не узнавали друг друга; раздавались страшные удары грома, беспрерывная молния, прорезывавшая густую тьму, освещала ужас и оцепенение всякого создания; земля колебалась от ударов, воздух сделался удушлив. Увидев грозящую гибель, народ вспомнил о проповеди Прокопия; тогда все бросились в храмы и особенно в соборную церковь к иконе Божией Матери, пред которою Прокопий не переставал проливать слезы, умоляя Ее, да ходатайствует пред Сыном Своим за людей согрешивших! И весь народ, воздев руки, со слезами вопиял ко Господу и с воплем покаяния просил заступления Божией Матери, да отвратится гнев, праведно на него движимый. Рыдания раскаивающихся мужей и жен, стоны невинных детей, моления дряхлых старцев — смешались с обильными слезами угодника Божия Прокопия, и вдруг из иконы Богородицы, как из источника, потекло миро — и в таком количестве, что им наполнили церковные сосуды. Вслед за сим стала ощущаться перемена в воздухе; страшная туча с громом и молниями отошла от города верст на 20 и там над пустынным местом разразилась, как дождем, раскаленными камнями; лес был поломан ими и сожжен, но ни один человек, ни одно животное не погибло от праведного гнева Божия, отвращенного от людей заступлением Богоматери.

С тех пор народ начал с полною верою прибегать к иконе Заступницы рода христианского; миром, истекшим от иконы, мазались всякого рода недужные и получали исцеление.

Около 1567 года, при царе Иоанне Васильевиче Грозном и митрополите Филиппе Втором чудотворная икона Благовещения Богородицы, пред которою молился св. Прокопий, принесена была в Москву и поставлена в Успенском соборе. На месте же этой иконы в Устюге поставлена в 1747 году новонаписанная с нее. В 1812 г. неприятели, бывшие в Москве, лишили Устюжскую икону богатого оклада, но устюжане, благоговеющие и поныне пред чудотворною иконою своей Заступницы, заменили его новым в 1817 году.

На сей иконе Благовещения Предвечный Младенец изображен в персях Приснодевы, воплотившимся в минуту благовествования.

 

Утоли-моя-печалиИкона Пресвятой Богородицы, именуемая “Утоли моя печали”

(память 25 января по старому стилю) 

Самый древний и известный из списков иконы “Утоли моя печали” был принесен казаками в Москву в 1640 году, в царствование Михаила Феодоровича (1613-1645 гг.).

Предание сохранило нам память о первом прославлении этой иконы, бывшем во второй половине семнадцатого столетия. Чудодейственная сила иконы Богородицы “Утоли моя печали” открылась при следующих обстоятельствах.

Одна женщина знатного происхождения долгое время страдала расслаблением рук и ног. Помощь врачей была здесь бессильна. В сонном видении ей было велено ехать в Москву и молиться перед образом Божией Матери с надписью “Утоли моя печали”. При этом ей была показана и сама икона. В указанном храме женщина не нашла этого образа и обратилась за помощью к священнику, который достал по этому случаю с колокольни все находящиеся там ветхие иконы. На одной из них действительно оказалась надпись “Утоли моя печали”. Лишь образ поднесли к женщине, та воскликнула:

— Она! Она!

После молебна больная почувствовала в себе столько силы, что без посторонней помощи встала на ноги и сама вышла из церкви.

Это чудо совершилось 25 января (по старому стилю). С тех пор было установлено в этот день праздновать память иконы “Утоли моя печали”.

Акафист Пресвятой Богородице перед Ея иконой, именуемой “Утоли моя печали”

Кондак 1

Взбранное нам и дивное избавление даровася, Твой образ честный, Преблагословенная Дево Владычице Богородице, яко избавльшеся от злых явлением его и к нему взирающе, восписуем Ти благодарственная раби Твои, Богородице, но яко имущая державу непобедимую, от всяких нас бед свободи, да зовем Ти: Радуйся, Радосте наша, избави нас от всякаго зла и утоли наша печали.

Икос 1

Ангел множество, и вся Небесная Воинства славят Тебе, Царицу всех Богородицу, Ты же исполнила еси радости души наша милостивым явлением: нам образа Твоего святаго, Богоизбранная Дево Владычице. К нему же кланяющеся, Тебе умиленная моления возсылаем, милосердому Твоему к нам заступлению со страхом зовущи таковая: Радуйся, Ты Отца Безначальнаго благословение; Радуйся, Ты Сына Превечнаго жилище. Радуйся, Ты Духа Святаго пребывание; Радуйся, яко Тебе славят многоочитии Херувими. Радуйся, яко Тебе похвальная приносят шестокрилатии Серафими; Радуйся, яко Тебе вся Небесная Воинства величают. Радуйся, яко Тебе вся колена земная Матерь Божию исповедуют; Радуйся, яко Тобою вся вселенная веселия исполняется. Радуйся, яко Тобою вся болезни наша исцеляются; Радуйся, Твоими бо молитвами печали наша утоляются. Радуйся, Твоими бо ходатайствы вся прошения наша исполняются; Радуйся, яко Тебе и Сыну Твоему в Твоей честней иконе благодарно поклоняемся. Радуйся, Радосте наша, избави нас от всякаго зла и утоли наша печали.

Кондак 2

Видят Тя, Богоизбранная Отроковице, вся Небесныя Силы предстоящу всегда Престолу Славы Небеснаго Царя и за христианы к Сыну и Богу молящуюся, Небесная Царице; мы же, грешнии, на земли зряще Твою святую икону и к ней припадающе, Тебе радостно поклоняемся, зовуще: Аллилуиа.

Икос 2

Разум подаждь нам, Всеусердная Предстательнице наша, Небесная Царице, из уст бо нас скверных, како мощно пети Твоему имени? Яко благих еси нам Ходатаица, сильна еси вспомоществовати во всякой нами требуемой помощи, да Тебе со умилением зовем сице: Радуйся, молитвы о нас к Сыну и Богу во утешение приносящая; Радуйся, Твоими молитвами очи наша от вечнаго рыдания избавляющая. Радуйся, Твоими Матерними молитвами Сына и Бога на милость к нам приклоняющая; Радуйся, Твоими молитвами праведный на нас гнев Божий утоляющая. Радуйся, Твоими ходатайствы грехи наша прощающая; Радуйся, Твоею помощию страсти наша истребляющая. Радуйся, Твоим предстательством временная наша скорби разрушающая; Радуйся, Ты во всяких бедах и нуждах нам помогающая. Радуйся, Тя славящих всегда прославляющая; радуйся, Твоею радостию печали наша утоляющая. Радуйся, непрестанное нам веселие подавающая; Радуйся, Ты нам райския двери отверзающая. Радуйся, Радосте наша, избави нас от всякаго зла и утоли наша печали.

Кондак 3

Сила Вышняго осени Тя к скорому и теплому заступлению верно притекающих к Тебе и честному Твоему образу поклоняющихся, единен бо токмо Тебе, Нетленней и Пречистей Богоматери, дадеся дар всякое благое наше прошение исполняти, и едина Ты можеши нам помощи, елико хощеши. Тем всяк возраст славословит Сына Твоего и Бога нашего, зовый: Аллилуиа.

Икос 3

Имущи богатство милосердия неоскудное, всем концем земным простираеши руку помощи и подаеши болящим исцеление, страждущим ослабу, слепым прозрение и всем вся по своей их потребе исполняеши. Мы же Тебе благодарно сице поем: Радуйся, едина Мати, милосердие нам являющая; Радуйся, милости сокровище многоценное нам открывающая. Радуйся, безчисленныя щедроты всем подавающая; Радуйся, слово премудрости просящим дарующая. Радуйся, преспеяние разума юным подавающая; Радуйся, раны наша греховныя истребляющая. Радуйся, праведных в райских селениих насаждающая; Радуйся, отчаянным будущих благ Надеждо и Укрепление. Радуйся, всех падших скоро к благодати возставляющая; Радуйся, всем во всякой требуемой от Тебе помощи помогающая. Радуйся, Радосте наша, избави нас от всякаго зла и утоли наша печали.

Кондак 4

Бурею многих бед одержимым нам всегда помогаеши, Небесная Царице, с верою прибегающим к Тебе и поклоняющимся цельбоносней Твоей иконе, ейже первописанней иногда рекла еси: “С сим образом благодать Моя и сила”. И мы истинно веруем, яко послушаеши прошения призывающих имя святое Твое и Сыну Твоему зовущих: Аллилуиа.

Икос 4

Слыша Господь Твоя на Небеси о нас ходатайства, Избранная Палато Духа Святаго, исполняет Твоя прошения, мы же грешнии на земли, видевше святую Твою икону, яко светозарное солнце нам светящуюся, Тебе яко Божией Матери дерзаем глаголати: Радуйся, Солнце Мысленное нам являющая; Радуйся, светом немерцающим нас просвещающая. Радуйся, умерщвленных нас грехами оживляющая; Радуйся, неплодным матерем ложесна разрешающая. Радуйся, нечаянно находящих на нас злых врагов скоро прогоняющая; Радуйся, желаемых благ всегда нас наслаждающая. Радуйся, скоро в бедах и в печалех нас утешающая; Радуйся, верою Имя Твое призывающих от нечаянныя смерти спасающая. Радуйся, на Тя уповающим безконечный живот дарующая; Радуйся, веру и любовь к Тебе имущих к Небеси возводящая. Радуйся, Предстательство наше крепкое; Радуйся, во всяких обстоятельствах нас защищающая. Радуйся, Радосте наша, избави нас от всякаго зла и утоли наша печали.

Кондак 5

Боготечную звезду, честную Твою икону Ты нам показала еси, Владычице мира, к нейже мы зряще и верою сердечною молящеся, Тебе, Богородице, глаголем: “Ты еси нам щит непобедимый и стена необоримая, вопиющим Ти: Аллилуиа”.

Икос 5

Видеша Силы Небесныя на руку Твоею Создавшаго Своима рукама человеки и Владыку разумевающе Его: мы же грешнии на земли зряще изображенную Тебе Пречистую Матерь Его, любезно Свои руце к нам простирающую, к Тебе умильно зовем: Радуйся, на руку Твоею Огнь Божественный неопально держащая, Имже грехи наша попаляются; Радуйся, на руку Твоею Света Неприкосновеннаго носившая, Имже души наша просвещаются. Радуйся, врагов наших видимых и невидимых побеждающая; Радуйся, любовь и милосердие к нам являющая. Радуйся, руце Твои в поручение о нас к Богу приносящая; Радуйся, вход в Царствие Небесное нам отверзающая. Радуйся, Твоею помощию нас защищающая; Радуйся, Твоим ходатайством грехи наша прощающая. Радуйся, Твоим молением печали наша утоляющая; Радуйся, яко Твоим предстательством всяких благ наслаждаемся. Радуйся, яко Тобою вся во благих желания наша исполняются. Радуйся, Радосте наша, избави нас от всякаго зла и утоли наша печали.

Кондак 6

Проповедницы Богоноснии Апостоли, по Вознесении Господни, при освящении храма Твоего невидимою рукою изображенный шаровными подобии на стене обретше образ Твой, Владычице, рожденному от Тебе Богу воспеша: Аллилуиа.

Икос 6

Возсияла еси премудростию от Истиннаго Солнца Правды, Богоизб-ранная Отроковице, и, лучи истиннаго Богоразумия испущающи, теми освещаеши всех верою исповедающих Тя истинную Матерь Божию быти, вопиющих сице: Радуйся, всех на Небеси славою Твоею просвещающая; Радуйся, начало человеческого спасения устрояющая. Радуйся, ковчеже жизни нашея, от потопа смертнаго нас сохраняющий; Радуйся, в райских селениих жити нам дарующая. Радуйся, Предстательница наша к Богу, мир спасающая; Радуйся, в бедах сущих скоро заступающая. Радуйся, всякия болезни человеческия, телесныя и душевныя, исцеляющая; Радуйся, немым и косноязычным словеса отверзающая. Радуйся, всякаго блага просящим у Тебе Подательнице; Радуйся, учение благодати всем источающая. Радуйся, тем всякий чин и возраст довольно услаждающая; Радуйся, всех благия желания исполняющая. Радуйся, Радосте наша, избави нас от всякаго зла и утоли наша печали.

Кондак 7

Хотя долготерпеливый Всевидец Господь явити Своего человеколюбия и щедрот бездну, избра Тебе Себе в Матерь, милости неисчерпаемый Источниче, да аще кто праведным судом Божиим осуждения достоин. Твоим всемощным ходатайством сохранен будет и Сыну Твоему и Богу нашему велегласно зовет: Аллилуиа.

Икос 7

Дивна показал еси дела Твоя в Пречистей Матери Твоей, Господи, и дивну даровал еси нам Ея икону, паче лучей солнечных просвещающую людей, яко самую зрящих Богородицу, и верою сердечною от души любовию вопиющих таковая: Радуйся, икону Твою на земли яко облак всем распростирающая; Радуйся, тою паче надеяния милосердое к нам заступление являющая. Радуйся, Твоею иконою источники чудес всюду источающая; Радуйся, явлением Твоея иконы вся люди просвещающая. Радуйся, тою новое знамение благодати в Церкви являющая; Радуйся, яко, на икону Твою взирающе, Самой Тебе, истинней Богородице, поклоняемся. Радуйся, иконою Твоею, яко столпом огненным, мрак греха отгоняющая; Радуйся, тою печали наша утоляющая. Радуйся, Церковь освятившая тоя явлением; Радуйся, яко мы грешнии сохраняемся Твоим заступлением. Радуйся, вретище скорби нашея растерзающая; Радуйся, вечною радостию нас одевающая. Радуйся, Радосте наша, избави нас от всякаго зла и утоли наша печали.

Кондак 8

Странну и преславну в Церкви явльшуюся, святую Твою икону Ангели воспеша, апостоли прославиша, лик святителей поклонишася, мы же грешнии, припадающе, ожидаем Твоея великия и богатыя милости, с веселием вопиюще: Аллилуиа.

Икос 8

Всеми вышними и нижними владычествуяй Господь, видев Тя Матерь Свою всегда предстоящу Ему и со умилением Ему приносящу моление о нас грешных, обеща исполнити вся прошения Твоя. Мы же грешнии, надеяся на Твоя Матерния о нас молитвы, благодарственная Тебе приносим сице: Радуйся, с Сыном Твоим и Богом вечно царствующая; Радуйся, Ему же всегда о нас моления приносящая. Радуйся, всех к Тебе прибегающих, Твоею милостию покрывающая; Радуйся, всех Радосте, печали наша утоляющая. Радуйся, примирение наше с Богом соделавшая; Радуйся, Бога и человека соединившая. Радуйся, спасение человеческое устроившая; Радуйся, прародительнаго греха клятву разрушившая. Радуйся, смертное наше естество безсмертием просветившая; Радуйся, жестокость сердца нашего умилившая. Радуйся, отчаянных к Богу возводящая; Радуйся, сосуды смертная, на нас уготованная, сокрушившая. Радуйся, Радосте наша, избави нас от всякаго зла и утоли наша печали.

Кондак 9

Все естество ангельское похвальныя песни приносит Тебе, Божией Матери и Заступнице всех припадающих Тебе и просящих Твоея помощи, яко твердым и крепким Твоим предстательством праведных веселиши, грешных заступаеши и от бед избавляеши, и печали утоляеши, и молишися о всех верою зовущих: Аллилуиа.

Икос 9

Ветия многовещанныя, яко рыбы безгласныя, недоумеют хвалити славный, Владычице, иконы Твоея праздник, ниже от скверных устен наших приносимыя Ти похвалы достойны, обаче, неисчетныя благодеяния, иконою Твоею нам являемыя, видевше, душею и сердцем радующеся, Тебе глаголем: Радуйся, от глада нас Хлебом Жизни питающая; Радуйся, от губительства смертнаго безсмертием нас соблюдающая. Радуйся, от труса греховнаго нас сохраняющая; Радуйся, от потопа смертнаго рукою Твоею крепкою нас избавляющая. Радуйся, от огня росою молитв Твоих нас восхищающая; Радуйся, от бед сильным Твоим предстательством нас защищающая. Радуйся, от меча силою Твоею нас охраняющая; Радуйся, от нашествия иноплеменник нас спасающая. Радуйся, от междоусобныя брани истинным миром нас ограждающая; Радуйся, от смертоносныя раны прибегающих к Тебе исцеляющая. Радуйся, от належащаго праведнаго прещения Божия Твоим молением нас свобождающая; Радуйся, от всякия нас язвы Твоим честным ходатайством изъимающая. Радуйся, Радосте наша, избави нас от всякаго зла и утоли наша печали.

Кондак 10

Спасти хотя род человеческий от прелести вражия, Человеколюбец Господь Тебе Матерь Свою дарова земным на помощь, глаголя: “Сынове человечестии, се Мати Моя Покров и Прибежище вам да будет, печальным Утешение, скорбящим Радование, обидимым Заступница, да всех из глубины греховныя воздвигнет, вопиющих: Аллилуиа.

Икос 10

“Царю Небесный, — тако молит за ны всегда Небесная Царица, — приими всякаго человека, славящаго Тя и призывающаго Имя Твое, идеже бывает память Святому Имени Твоему, и прославляющих Мя Имене Твоего ради, и не отрини их от лица Твоего, но благоволи в них и приими от них всякое моление, и всех от бед избави”. Мы же грешнии, надеющеся на Твоя Матерния сильным Твоим предстательством нас защищающая. Радуйся, от меча силою Твоею нас охраняющая; Радуйся, от нашествия иноплеменник нас спасающая. Радуйся, от междоусобныя брани истинным миром нас ограждающая; Радуйся, от смертоносныя раны прибегающих к Тебе исцеляющая. Радуйся, от належащаго праведнаго прещения Божия Твоим молением нас свобождающая; Радуйся, от всякия нас язвы Твоим честным ходатайством изъимающая. Радуйся, Радосте наша, избави нас от всякаго зла и утоли наша печали.

Кондак 11

Пение всеумиленное приими от нас, Небесная Царице, и молитву, приносимую Тебе, Дево Богородице, услыши: к Тебе бо в напастех, скорбех и печалех прибегаем и пред Тобою в бедах наших слезы проливаем, и молим: “Утоли наша печали, и приими сию жертву Твоих рабов, зовущих: Аллилуиа”.

Икос 11

Светоприемная свеща истиннаго Света сущих на земли явльшися, души просвещаеши чтущих Твоея иконы явление и к разуму Божественному наставляеши поющих Ти сицевая: Радуйся, свеще неугасимая Огня невещественнаго, нас просвещающая; Радуйся, заре незаходимаго Света Божественнаго, нас озаряющая. Радуйся, Солнце правды, нас облистающее; Радуйся, Источник жизни райския нам источающая. Радуйся, Мати Света Истиннаго, благочестивых души просвещающая; Радуйся, Мати всех Бога, озлобленных всех души утешающая. Радуйся, Тя на помощь призывающих и имя Твое славящих спасающая; Радуйся, уповающим на Тя живота непостыдный конец дарующая. Радуйся, всем родом, Тя Матерь Божию почитающим и Богородицу именующим, непрестанно помогающая; Радуйся, осенением святыя Твоея иконы злых духов мечтания от нас прогоняющая. Радуйся, во внезапных на нас находящих скорбех и печалех скоро нас утешающая; Радуйся, всему миру радость дарующая. Радуйся, Радосте наша, избави нас от всякаго зла и утоли наша печали.

Кондак 12

Благодать Божественную испроси нам у Небеснаго Владыки Сына Твоего и Бога и простри нам руку помощи, и молитвами Твоими утоли наша печали, покрый нас кровом крилу Твоею, отжени от нас всякаго врага и супостата, умири нашу жизнь, да не погибнем люте, но приими нас в вечныя кровы, Покровительнице наша, да радующеся Тебе зовем: Аллилуиа.

Икос 12

Поюще Тя, державную Помощницу, хвалим Тя и, молящеся Тебе со умилением, веруем и исповедуем, яко испросиши благая временная и вечная воспевающим Ти: Радуйся, молитвами Твоими весь мир спасающая; Радуйся, всю вселенную ходатайством Твоим заступающая. Радуйся, православным на варвары победы подавающая; Радуйся, нашествия на христианы иноплеменных побеждающая. Радуйся, в вере благочестивыя сохраняющая; Радуйся, непочитающих иконы Твоя Святыя яко прах от лица земли развевающая. Радуйся, поклоняющимся иконе Твоей и Тя на помощь призывающим, и в печалех бедствующим скоро помогающая; Радуйся, нас грешных ко спасению и восприятию благ вечных наставляющая. Радуйся, безконечнаго царствия у Сына Твоего и Бога нашего всем нам испрошающая; Радуйся, верным безконечную жизнь дарующая. Радуйся, всем во всякой потребе вся полезная и благая подавающая. Радуйся, Радосте наша, избави нас от всякаго зла и утоли наша печали.

Кондак 13

О Всепетая Мати, Небесная Царице и Владычице, Дево Богородице, рождшая всех святых Святейшее Слово, нынешнее приемши приношение, утоли наша печали и избави нас от всяких напастей, бед, скорбей и вечнаго осуждения и грядущаго изми мучения, и сподоби нас рабов Твоих в вечных райских селениях водворитися, зовущих: Аллилуиа.

(Этот кондак читается трижды, затем икос 1 и кондак 1) 

Молитвы к Пресвятой Богородице перед Ея иконой, именуемой “Утоли моя печали”

Молитва первая святого Ефрема Сирина

Дева, Владычица, Богородица, паче естества и слова родившая Единородное Божие Слово, Творца и Владыку всей видимой и невидимой твари, Единаго от Троицы Бога, Бога и Человека, соделавшаяся обителию Божества, вместилищем всякой святыни и благодати, в котором, по благоволению Бога и Отца, при содействии Святаго Духа, телесно обитала Полнота Божества, несравненно превознесенная боголепным достоинством и преимуществующая пред всякою тварию, Слава и Утешение, и неизреченное веселие Ангелов, царственный венец апостолов и пророков, преестественное и чудное мужество мучеников, Поборница в подвигах и Подательница победы, уготовляющая подвижникам венцы и воздаяния вечныя и боголепныя, превысшая всякой чести, честь и слава преподобных, непогрешительная Путеуказательница и Наставница безмолвия, дверь откровений и духовных таин, Источник Света, врата вечной жизни, неистощимая река милосердия, неисчерпаемое море всех боголепных дарований и чудес. Тебя просим и Тебя умоляем, сострадательнейшую Матерь человеколюбивого Владыки, будь милостива к нам, смиренным и недостойным рабам Твоим, воззри благосердно на пленение и смирение наше, уврачуй сокрушения душ и тел наших, рассей видимых и невидимых врагов, будь для нас, недостойных, пред лицем врагов наших крепким столпом, бранным оружием, сильным ополчением, Воеводою и непреоборимою Поборницею, покажи ныне на нас древния и чудныя милости Твоя, да познают беззаконные враги наши, что Сын Твой и Бог един есть Царь и Владыка, что Ты воистину Богородица, родившая по плоти истинного Бога, что все Тебе возможно, и чего ни восхощешь, Владычице, имеешь силу все сие совершить на Небе и на земле, и на всякое прошение даровать что кому полезно: больным здравие, сущим на мори тишину и доброе кораблеплавание. Путешествующим спутешествуй и охраняй их, пленных спасай от горького рабства, утешай печальных, облегчай нищету и всякое другое телесное злострадание: всех свобождай от душевных недугов и страстей, невидимыми Твоими предстательствами и внушениями, дабы, хорошо и непреткновенно совершив путь сей временной жизни, улучили мы чрез Тебя и оные вечные блага в Царстве Небесном. Верных, почтенных страшным именем Единородного Сына Твоего, уповающих на Твое предстательство и на милость Твою и во всем имеющих Тебя своею Ходатаицею и Поборницею, укрепляй невидимо против окружающих врагов, разсей облако уныния, облегающее души их, избави их от душевного утруждения и подай им светлое благодушие и радость, возстановив мир и безмятежие в сердцах их. Спаси молитвами Твоими, Владычице, сию Тебе преимущественно посвященную паству, весь город и страну, от голода, землетрясения, потопления, огня, меча, нашествия иноплеменников, междоусобной брани, и всякий праведно подвигшийся на нас гнев обрати, по благоволению и благодати Единородного Сына и Бога Твоего, Емуже подобает всякая слава, честь и поклонение, со Безначальным Его Отцем, с совечным и животворящим Его Духом, ныне и всегда, и во веки веков! Аминь.

Молитва вторая

Надеждо всех концев земли и рабам Твоим (имена), Ты, Пречистая Дево, Госпоже Богородице, утешение наше! Не гнушайся нac, грешных, на Твою бо милость уповаем. Угаси в нас пламень греховный и покаянием ороси изсохшая сердца наша, очисти ум наш от греховных помыслов; приими воздыхание от души и сердца мольбу Ти приносящих. Буди о нас Ходатаица к Сыну Твоему и Богу, и укроти ярость Его праведную Матерними Твоими молитвами. Душевныя и телесныя язвы исцели, Госпоже Богородице, утоли болезни душ и телес, утиши бурю злых нападений вражеских; отъими бремя грехов наших и не остави нас до конца погибнути. Ты бо еси возведение человеческому роду, в печали скорая Помощница. Мати истинная Христа Бога нашего, помогай нам, грешным рабам Твоим всегда, и ныне и присно и во веки веков. Аминь.

Тропарь Пресвятой Богородице перед Ея иконой, именуемой “Утоли моя печали”

Тропарь, глас 5

Утоли болезни многовоздыхающия души моея, Утолившая всяку слезу от лица земли: Ты бо человеком болезни отгоняеши и грешных скорби разрушаеши, Тебе бо вси стяжахом надежду и утверждение, Пресвятая Мати Дево.

Кондак, глас 6

Предстательство христиан непостыдное, ходатайство ко Творцу непреложное, не презри грешных молений гласы, но предвари, яко Благая, на помощь нас, верно зовущих Ти: ускори на молитву, и потщися на умоление, предстательствующи присно, Богородице, чтущих Тя.

 

ФеодоровскаяИкона Пресвятой Богородицы, именуемая “Феодоровской”

(память 14 марта и 16 августа по старому стилю)

По преданию, Феодоровская икона написана святым евангелистом Лукой. Первоначально она была обретена святым князем Георгием Всеволодо-вичем в часовне близ Городца (впоследствии — Нижегородской губернии). При нашествии Батыя Городец вместе с другими городами был опустошен и сожжен, жители же его перед тем бежали, а икону не успели взять с собой. Но в 1239 году она сама явилась костромскому князю Василию Георгиевичу в лесу, на сосновом дереве, во время охоты. Оказалось, что икона из Городца скрылась, и жители Костромы видели, как перед явлением ее князю нес ее по городу человек в богатой воинской одежде, очень похожий на святого великомученика Феодора Стратилата, как изображается он на иконах. Чудесное видение благочестивых граждан Костромы, а также соборный храм во имя великомученика Феодора Стратилата, в котором икона поставлена, дали повод наименовать обретенную князем икону Богоматери Феодоровской.

На месте явления иконы, на берегу реки Запрудни, основан Запрудненский монастырь во имя Нерукотворенного Образа Господня.

В прежнее время туда ежегодно 16 августа совершается крестный ход в память явления чудотворной иконы.

В 1239 году икона была принесена во Владимир, в Успенский собор. Затем она стала моленным образом святого благоверного князя Александра Невского и находилась при нем во всех походах. После его смерти в 1262 году младший брат князя Василий вернул чудотворный образ в Кострому.

В 1272 году к Костроме подступили татары, и городу угрожало полное разорение. Выступив против татар, князь взял с собой икону Феодоровскую, и враги, пораженные необыкновенным от святой иконы сиянием, пожигавшим подобно огню полчища их, обратились в бегство.

Феодоровская икона Божией Матери для нас особенно достопамятна тем, что в присутствии ее в 1613 году Марфа Ивановна Романова благословила юного сына своего Михаила Феодоровича на Российский престол, потрясенный самозванцами и поляками. Известно, что он не решала дать свое согласие, и архиепископ Феодорит, взяв в руки икону, сказал ему и его матери: “Если не склоняетесь на милость ради нас, по крайней мере, ради чудотворного образа Царицы всех и Богоматери, не преслушайтесь и сотворите повеленное вам от Бога. Ибо воистину от Бога вы избраны. Не прогневайте всех Владыку и Бога”.

При виде лика Богоматери, Марфа Ивановна была глубоко тронута: поверглась ниц перед иконой и долго молилась, потом подвела сына к иконе, благословила его и сказала: “Тебе, Владычице, поручаю сына моего! Да будет Твоя святая воля над ним”.

Избранный царь немедленно был возведен на престол. Это происходило в 1613 году, 14 марта, и потому в этот день поставлено праздновать Феодоровской иконе Богоматери.

В Москве в церкви Рождества Богородицы, что “на сенях”, в Кремлевском дворце находилась весьма чтимая икона Феодоровская — список с подлинной чудотворной иконы, находящейся в Успенском костромском монастыре, принесенный в Москву из Костромы матерью царя Михаила Феодоровича Марфой Ивановной.

В Сызранском Вознесенском монастыре известна была явленная Феодоровская икона Богоматери. Эта святая икона явилась в 1713 году пастухам при верховье источника, находящегося ниже пригорода Кашпира Сызранского уезда, Симбирской губернии. Икона с крестным ходом сначала перенесена была в Кашпир, а потом, по желанию жителей Сызрани, в их город, в монастырский храм.

Кроме того, известны и другие свято чтимые списки с чудотворной Феодоровской иконы Богоматери, из которых особенно известны в следующих местах: в Нижнем Новгороде в церкви святого митрополита Алексия; в Феодоровском монастыре Балахнинского уезда, Нижегородской губернии; в Казани в Троицкой Церкви, поставлена там Гермогеном, святителем Казанским; в Моршанске, Тамбовской губернии, в церкви во имя Феодоровской иконы Богоматери; в Ярославле в храме во имя Феодоровской иконы Богоматери, созданном во 2-й половине XVII века, а также во многих других местах.

В Москве, кроме списка в Рождественской придворной церкви, находился еще и другой, очень древний и точный, список с Костромской иконы Богоматери — в храме, посвященном Ее имени на Малой Алексеевской улице (что в Рогожской), выстроенном по усердию прихожан в 1748 году.

Акафист Пресвятой Богородице перед Ея иконой, именуемой “Феодоровская”

Кондак 1

Взбранной Воеводе, Пренепорочней Деве Богородице, Заступнице нашей и предстательству христиан непостыдному, явлением чудныя иконы Своея радование подавшей земле Российстей и вся верныя чада Церкве просветившей, благодарение усердно приносим Ти, Богородице, и припадающе пречудному образу Твоему умильно глаголем: спаси, Госпоже, и помилуй рабы Твоя зовущия: радуйся, Мати Божия, Предстательнице и Заступнице наша усердная.

Икос 1

Ангел Гавриил от Бога послан бысть во град Назарет ко Пречистей Деве Марии, и вшед к Ней рече: радуйся, Благодатная, Господь с Тобою, благословенна Ты в женах. Ангельскому гласу подражающе, и мы, грешнии, радости благодарения в сердцы своем исполнени, пред явленным образом Твоим благохваления наша возносити к Тебе дерзаем, Пресвятая Богородице. Радуйся, отрасле от корене Давидова благословенная; радуйся, обетом родителей в жертву Богу принесенная. Радуйся, святых праведных Иоакима и Анны Дщи Богоданная; радуйся, триех лет во храм Божий введенная и тамо воспитанная. Радуйся, тамо смирением и чистотою всех удивившая; радуйся, тамо Ангельския беседы сподобльшаяся. Радуйся, Дево, о зачатии Бога Слова благовестие во смирении приемщая; радуйся, избранная Отроковице, к зачатию Бога Слова силою свыше осененная. Радуйся, тайну воплощения Сына Божия, от веков в Бозе сокровенную, открывшая; радуйся, Агнице, рождшая Агнца Христа, вземшаго грехи мира. Радуйся, Тобою бо избавляемся мук адовых; радуйся, Тобою бо сподобляемся Вечныя Жизни. Радуйся, Мати Божия, Предстательнице и Заступнице наша усердная.

Кондак 2

Видя икону Твою, Пресвятая Дево, на древе стоящу, князь благочестивый костромский ужасом многим содрогашеся недоумея, что бысть видение сие. Хотящу же ему прияти ю и от сего свыше удержану ему бывшу, не можаше: уведев, яко чудно есть иконы тоя явление, воззва к Богу Аллилуиа.

Икос 2

Разумом желая разумети князь благочестивый пришествие пречудного Твоего образа во град Кострому, Богородице, душею радования преисполненною себе предаде водительству Божию, и преклонь колена, со страхом вопияше Тебе: Радуйся, Дево, явльшая образ Свой чудно; радуйся, Благословенная, в явлении образа Своего милосердие нам являющая. Радуйся, о всех чтущих Сына Твоего промышляющая; радуйся, всем просящим у Тебе дары, в меру веры, ко спасению подающая. Радуйся, путь истины заблуждшим показующая; радуйся, к Горнему миру чудесы твоими ум наш возводящая. Радуйся, смущения помышлений сумнительных удаляющая; радуйся, славящих Тя всегда прославляющая. Радуйся, чистотою Твоею чистоте нас научающая; Радуйся, чистотою Твоею нечистоту нашу обличающая. Радуйся, моления наша приемлющая; радуйся, рыданий и слез неотметающая. Радуйся, Мати Божия, Предстательнице и Заступнице наша усердная.

Кондак 3

Силу Божию благочестивый князь познав в восхождении образа чуднаго Твоего, Богомати, в явлении же видев милосердие Твое ко всем, спасение хотящим получити, рече: Аллилуиа.

Икос 3

Имев помысл стяжати даруемое Небесное сокровище, Лик Твой светлый, Богомати, второе простре державный руку к образу низшедшему: узрев же паки его восхождение, скоро пойде во град и поведа о бывших ему Освященному Собору, да пришедше и видяще иконы Твоея явление возопиют с ним вернии: Радуйся, Царице Небесе и земли; радуйся, Престоле Царя царствующих. Радуйся, Пренепорочная Дево; радуйся. Мати Непреступнаго Света. Радуйся, Честнейшая Херувим; радуйся, Славнейшая без сравнения Серафим. Радуйся, Небесными Силами величаемая; радуйся, от всех земнородных ублажаемая. Радуйся, неизреченное веселие Ангелов; радуйся венче царственный всех пророков и апостолов. Радуйся, православия Христовы Церкве ограждение; радуйся, всех суемудрых учений и ересей низложение. Радуйся, Мати Божия, Предстательнице и Заступнице наша усердная.

Кондак 4

Бурю внутрь имея помышлений недоуменных, Освященный Собор со псалмы и песньми духовными абие притече видети образ Твой Неискусобрачная. Узрев же его на древе дивно стояща и благолепно красотою сияюща, рече: Аллилуиа.

Икос 4

Слышаша людие честныя иконы Твоея, Богоотроковице, пришествие, и ко оной текше покланяхуся, аки Самей Тебе сущей, и со умилением и слезами вопияху к Тебе: радуйся, Дево, благословенная. в женах, во чреве Твоем Носителя всяческих носившая; радуйся, рождением Сына Твоего спасение миру всему явльшая. Радуйся, человеки с Богом соединившая; радуйся, Превышшая Небес, избавльшая нас от клятвы. Радуйся, нас к Вечней Жизни руководящая; радуйся, Владычице мира. Радуйся, Божие к смертным благоволение; радуйся, смертных к Богу дерзновение. Радуйся, благих во благости соблюдающая; радуйся, лукавых на путь благий обращающая. Радуйся, под сень крова Твоего прибегающих милующая; радуйся, уповающим на Тя вся потребная к животу и благочестию дарующая. Радуйся, Мати Божия, Предстательнице и Заступнице наша усердная.

Кондак 5

Яко Боготечную звезду узреша людие икону Твою, Безневестная Дево, и яко многосветлый светильник поставиша ю во святем соборнем храме, радующеся и вопиюще Богу: Аллилуиа.

Икос 5

Видевше жителие града Городца образ Твой, Владычице, во храме града Костромы стоящий, и на руку Твоею держима Богомладенца Иисуса, скорбию одержими беша: зане отшествие его бысть из града их. Мы же, обрадовани благоволением Твоим ко граду нашему, приносим Ти дары, и с любовию лобызающе Твой святый образ, вопием Ти: Радуйся, Звездо, Солнце Правды нам явльшая; радуйся, возлюбившая сию страну. Радуйся, обретение Тебе ищущих; радуйся, радостию неизреченною верных сердца исполняющая. Радуйся, сокровище благодати неистощимое; радуйся, милости приснотекущий источниче. Радуйся, от тяжких бед спасающая; радуйся, от смерто-носныя язвы избавляющая. Радуйся, всего мира Ходатаице; радуйся, всех недугующих Целительнице. Радуйся, красото несравненная; радуйся, доброто несказанная. Радуйся, Мати Божия, Предстательнице и Заступнице наша усердная.

Кондак 6

Проповедницы богоноснии быша видевшии образ Твой, Богородице. Возвращся бо кийждо во страну свою, возвещаше о пришествии его и чудесех от него бываемых, воспевая Богу: Аллилуиа.

Икос 6

Возсиявша благодать от чуднаго образа Твоего, Чистая, веру немощствующих утверди, верных же возвесели сердца любовию. Сего ради радующеся вопием Ти: Радуйся, Пресвятая Дево, светом Небесныя истины нас озаряющая; радуйся, мглу греховную от нас отгоняющая. Радуйся, чудесы Твоими к Боговедению нас приводящая; радуйся, всех кающихся грешник ко благочестию подвизающая. Радуйся, всех притекающих к Тебе крепкое заступление; радуйся, немощствующих умом утверждение. Радуйся, изнемогающих в вере возставляющая; радуйся, тихое пристанище в море житейстем обуреваемым. Радуйся, злыя советы сынов погибельных открывающая; радуйся, вознесенную гордыню врагов отечества нашего смиряющая. Радуйся, православных царей Державо; радуйся, всех христиан Похвало. Радуйся, Мати Божия, Предстательнице и Заступнице наша усердная.

Кондак 7

Хотя прославити Сын Твой, Богородице, святую икону Твою во граде Костроме, повеле ю в день Успения Твоего святому великомученику Феодору Стратилату носити по граду сему, да вси видяще чудо сие благодарным сердцем возопиют Ему: Аллилуиа.

Икос 7

Чудо новое яви нам Господь мольбами Твоими, Богородице, егда сгоревшу храму, в немже бе поставлен святый образ Твой, сохрани его в пепле невредима от огня, и тако мневших сгоревша его печаль в радость преложи. Мы же, чудо сие ведяще, воспеваем Ти таковая: Радуйся, Купино Неопалимая; радуйся, огненный Столпе, сущия во тьме наставляяй. Радуйся, Животе, Духом позлащенный, невместимаго Бога вместивший; радуйся, кадильнице златая, яко фимиам благоуханный, молитвы Твоя за ны к Богу Сыну присно возносящая. Радуйся, Жезле Ааронов к явлению в мир Сына Твоего прозябший; радуйся, Руно Гедеоново, благодатию Божиею во спасение наше орошенное. Радуйся, Горо несекомая, от Неяже отсечеся краеугольный Камень Христос; радуйся, Храме одушевленный, в немже вселися Божество телесне. Радуйся, девства охранение; радуйся, супружества благословение. Радуйся, паче всех Господа возлюбившая; радуйся, паче всех от Него превознесенная. Радуйся, Мати Божия, Предстательнице и Заступнице наша усердная.

Кондак 8

Странное чудо видевше, на воздусе икону Богоматери стоящу, аки руками Ангельскими держиму, егда второе сгоре храм, в немже стоявше явленная сия икона, отвержемся, людие, мира сего, ум на Небеса преложше: сего бо ради и дадеся нам чудная икона Богородицы, да взирающе на ню горняя мудрствуем, а не земная, вопиюще к Богу: Аллилуиа.

Икос 8

В Вышних пребывающи Селениих, и нижних не разлучилася еси, Богородице, чудесы Твоими всех просвещающи приходящих к Тебе верою: сего ради и слышиши от нас сия: Радуйся, Мати Христа Бога нашего, на Небеси пребывающая; радуйся, на земли нас не оставляющая. Радуйся, ради величества Твоего на Небеси Ангелы окруженная; радуйся, ради славы Твоея на земли от человек прославляемая. Радуйся, Тебе бо служат вся Небесныя Силы; радуйся, Тебе бо, по Бозе, хваление возносят Херувими и Серафими. Радуйся, лице Божие выну на Небеси созерцающая; радуйся, пред престолом Сына Твоего Матерния руце Твои за ны молящися простирающая. Радуйся, нас сущих на земли от всякаго зла омофором Твоим покрывающая; радуйся, верных от всяких душепагубных дел удаляющая. Радуйся, рождением Сына Божия двери Царства Христова нам отверзшая; радуйся, надеждою прияти небесных благ верных души услаждающая. Радуйся, Мати Божия, Предстательнице и Заступнице наша усердная.

Кондак 9

Всякое естество Ангельское превозносит Тя, Дево, великия ради любве Твоея к роду христианскому: незрима бо и неприступна, яко Мати Бога от земли к Небеси возшедшая, Пречистым Твоим образом зриму и приступну Себе являеши всем воспевающим Сыну Твоему: Аллилуиа.

Икос 9

Ветия многовещанныя, яко рыбы безгласны зрим о Тебе, Богородице: недоумевают бо глаголати о славных чудесех, от явления Твоея иконы бываемых. Мы же онем дивящеся благодарно вопием Ти: Радуйся, слепых прозрение; радуйся, хромых хождение. Радуйся, от темных и лукавых духов исцеляющая; радуйся, лучами от Твоего Пречистого образа изшедшими врагов земли нашея отгнавшая. Радуйся, больным видение Твое даровавшая; радуйся, молящимся явленней иконе Твоей исцеление подающая. Радуйся, расслабленных от одра болезни воздвигающая; радуйся, немым разрешающая уста. Радуйся, от плена вражия возвращающая; радуйся, лютыя плоти страсти утоляющая. Радуйся, души верных неизреченным милосердием Твоим умиляющая; радуйся, неизглаголанным Твоим человеколюбием унывающих ободряющая. Радуйся, Мати Божия, Предстательнице и Заступнице наша усердная.

Кондак 10

Соблюсти хотящи в чистоте домостроительство Церкве Православныя, Чистая, и утвердити скипетр державы Российские чудною иконою твоею вложила еси в сердце благовернаго государя Михаила Феодоровича прияти венец царский земли Российския, да вси видящии видят, яко Вышний владеет царством, и емуже хощет дает е, и возопиют Ему: Аллилуиа.

Икос 10

Стена еси необоримая, Богородице Дево, всем к Тебе прибегающим: никтоже бо притекайя к Тебе тощь отходит. Сего ради ущедряеми милостию Твоею, во умилении души возглашаем Тебе: Радуйся, твердая стено, от враг видимых и невидимых охраняющая; радуйся, крепкая защите упование на тя возложившим. Радуйся, познания истины чистое зерцало; радуйся, сохранения веры крепкое забрало. Радуйся, грады и страны христианския предстательством Твоим от врагов спасающая; радуйся, царем благоверным поборающая. Радуйся, мир в градех селящая; радуйся, благонравным благопоспешающая. Радуйся, силою молитв Твоих злыя помыслы в ничтоже обращающая; радуйся, силы врагов ближняго сокрушающая. Радуйся, юности наставление; радуйся, старости поддержание. Радуйся, Мати Божия, Предстательнице и Заступнице наша усердная.

Кондак 11

Пение всякое побеждается спростретися тщащееся множеству многих щедрот Твоих: равночисленныя бо песку морскому песни аще приносим Ти, Богородице Дево, ничтоже совершаем достойно, яже даровала еси нам вопиющим к Богу: Аллилуиа.

Икос 11

Светоприемную свещу, древле явльшуюся, зрим во святей иконе Твоей, Богородице Дево, егда град наш защитила еси от разорения врагов земли нашея лучами, от святая твоея иконы исходящими. Сего ради с верою припадающе к ней и с любовию лобызающе ю, вопием Ти: Радуйся, Мати, Превечнаго Света Христа, учением Его души просвещающая; радуйся, благодатию Божиею неверующих к вере в Бога приводящая. Радуйся, путешествующим спутешествующая; радуйся, нуждно плавающих Кормчая. Радуйся, от всякия скорби, гнева и нужды спасающая; радуйся, от глада, губительства, труса и огня сохраняющая. Радуйся, избавляющая от иноплеменных; радуйся, охраняющая от междоусобныя брани. Радуйся, в святей иконе Твоей яко солнце в костромских пределах возсиявшая; радуйся, зде отрасль царственную возвеличившая. Радуйся, Тобою бо утверждаются царства; радуйся, Тобою бо венчаются царие. Радуйся, Мати Божия, Предстательнице и Заступнице наша усердная.

Кондак 12

Благодать приявшая от Бога Сына Твоего, Дево Богородице, и ту древле излиявшая на всех прибегающих к образу Твоему, не лиши ныне и нас богатыя Твоея милости, даруй нам покаяние о гресех, да чистым сердцем и устны взываем к возлюбленному Сыну Твоему и Богу нашему: Аллилуиа.

Икос 12

Поюще Твоя милости и чудеса, хвалим Тя вси, Богородице, и яко древлий Израиль к Кивоту Завета притекаем ко образу лица Твоего, и из глубины души вопием: воздвигни руце Твоя к Сыну Твоему, да подаст нам вся благая и спасительная с верою и любовию вопиющим Ти: Радуйся, утешение наше в скорбех; радуйся, утоление печалей наших. Радуйся, радосте наша бесконечная; радуйся, светлосте и отрадо сердечная. Радуйся, надеждо наша крепкая; радуйся, сирым приятелище. Радуйся, странным прибежище; радуйся, обидимым покровительнице. Радуйся, оклеветаемых оправдание; радуйся, благих защищение. Радуйся, тела моего врачевание; радуйся, души моея спасение. Радуйся, Мати Божия, Предстательнице и Заступнице наша усердная.

Кондак 13

О Премилосердая Заступнице наша, великия ради милости Твоея даровавшая отечеству и граду нашему чудотворную икону Твою во освящение, утешение и ограждение наше, нынешнее приемши славословие, от всякаго злаго обстояния избави нас, рабы Твоя, даруя нам здравие и спасение, на враги победу и одоление, и всех нас вечных мук свободи, устнами, душею же и сердцем вопиющих: Аллилуиа.

(Этот кондак читается трижды, затем икос 1 и кондак 1) 

Молитвы к Пресвятой Богородице перед Ея иконой, именуемой “Феодоровская”

Молитва первая

О, Пресвятая Владычице Богородице и Приснодево, Марие, единая надеждо нам грешным! К Тебе прибегаем и Тебе молим, яко велие имаши дерзновение пред рождшимся от Тебе по плоти Господем Богом и Спасителем нашим Иисусом Христом. Не презри слез наших, не возгнушайся воздыханий наших, не отрини скорби нашея, не посрами упования нашего на Тя, но Матерними молении Твоими умоли Господа Бога, да сподобит нас грешных и недостойных свободитися от грехов и страстей душевных и телесных, умрети миру и жити Ему единому по вся дни живота нашего. О Пресвятая Владычице Богородице, путешествующим спутешествуй и ограждай и охраняй оныя, избави плененных от пленения, свободи страждущих от бед, утеши сущих в печали, скорбех и напастех, облегчи нищету и всяко злострадание телесное, и даруй всем вся потребная к животу, благочестию и жизни временней. Спаси, Владычице, вся страны и грады и сию страну и сей град, имже сия чудотворная и святая икона Твоя дадеся во утешение и ограждение, избави я от глада, губительства, труса, потопа, огня, меча, нашествия иноплеменных, междоусобныя брани, и отврати всякий гнев на ны праведно движимый. Даруй нам время на покаяние и обращение, избави нас от внезапныя смерти, и во время исхода нашего предстани нам явльшися, Дево Богородице, и избави нас от воздушных мытарств, князей века сего, сподоби на Страшнем Судищи Христовем стати одесную, и соделай нас наследники вечных благ, да славим вовеки великолепое имя Сына Твоего и Бога нашего со Безначальным Его Отцем и Святым и Благим и Животворящим Его Духом, ныне и присно и во веки веков. Аминь.

Молитва вторая

О Премилосердая Госпоже, Царице Богородице, приими смиренное моление наше, и не отрини нас, Заступление и Прибежище наше, и не возгнушайся нас, недостойных, но яко Милосердая, не престани молящи, Егоже родила еси, да дарует нам прощение многих согрешений наших, да спасет нас имиже весть судьбами. Помилуй нас, Владычице, помилуй нас, несть бо нам спасения от дел. Темже верно вопием Ти: помилуй рабы Твоя, и неплодное сердце наше покажи плодоносно благих дел. Призри на нас недостойных. Ты бо упование и покров наш, жизнь и свет сердцу нашему. Яко Невечерний Свет от чрева Твоего воздвигшая, озари душу нашу, Чистая, и отжени всяку мглу сердца нашего. Даруй нам умиление, покаяние и сокрушение сердечное. Сподоби нас по вся дни живота нашего творити волю Сына Твоего и Бога нашего и во всем благоугождати Ему единому. О Богомати, не престани молящи Рождшагося от Тебе за вся притекающия с верою к сему чудотворному образу Твоему и подавай им скорую помощь и утешение в скорбех, и напастех, и злостраданиих, избави их от клеветы и злобы человеческия, от враг видимых и невидимых, и всякия нужды и печали. Спаси отечество наше, град сей и вся грады и страны от всяких бед и нужд, и сотвори милостива нам быти Бога нашего, отврати всякий гнев Его на ны движимый и избави ны от належащаго и праведнаго Его прещения. О Боголюбивая Владычице, Ангелов украшение, мучеников славо и всех святых радосте, с ними моли Господа, да сподобит нас в покаянии скончати живота нашего течение. В смерти же час, Пресвятая Дево, избави нас от власти бесовския и осуждения, и ответа, и страшнаго испытания, и мытарств горьких, и огня вечнаго, да, сподобльшеся славнаго Царствия Божия, величаем Тя и славим воплощшагося от Тебе Христа Бога нашего, Емуже слава со Отцем и Святым Духом, ныне и присно и во веки веков. Аминь.

Молитва третья

К кому воззову, Владычице; к кому прибегну в печали моей; к кому привнесу слезы и воздыхания моя, аще не к Тебе, Царице Небесе и земли. Кто исторгнет мя из тины грехов и беззаконий, аще не Ты, о Мати Живота, Заступнице и Прибежище рода человеческаго. Услыши стенание мое, утеши мя и помилуй в горести моей, защити в бедах и напастех, избави от озлоблении и скорбей и всяких недугов и болезней, от враг видимых и невидимых, умири вражду стужающих мне, да избавлен буду от клеветы и злобы человеческим; такождь от своея ми плоти гнусных обычаев свободи мя. Укрый мя под сению милости Твоя, да обрящу покой и радость и от грехов очищение. Твоему Матернему заступлению себе вручаю: буди мне Мати и Надежда, Покров и Помощь и Заступление, радость и утешение и скорая во всем Помощница. О, чудная Владычице! Всяк притекаяй к Тебе, без Твоея всесильныя помощи не отходит: сего ради и аз недостойный к Тебе прибегаю, да избавлен буду от внезапныя и лютыя смерти, скрежета зубнаго и вечнаго мучения. Небесное же Царствие получити сподоблюся и Тебе во умилении сердца реку: радуйся, Мати Божия, Предстательнице и Заступнице наша усердная, во веки веков. Аминь.

Тропарь Пресвятой Богородице перед Ея иконой, именуемой “Феодоровская”

Тропарь, глас 4

Присшествием честныя твоея иконы, Богоотроковице, обрадованный днесь богохранимый град Кострома, якоже древний Израиль к кивоту завета, притекает к изображению лица Твоего и воплотившагося от Тебе Бога нашего, да Твоим матерним к Нему предстательством присно ходатайствуеши всем, под сень крова Твоего прибегающим, мир и велию милость.

Тропарь, глас 4

Днесь светло красуется преименитый град Кострома и вся Русская страна, созывающи к веселию вся боголюбивыя народы христианския, на преславное торжество Божия Матере, пришествия ради чудотворнаго Ея и многоцелебнаго образа, днесь бо явися нам пресветлое великое солнце, приидите, вси Богоизбраннии людие, новый Израиль, ко источнику цельбоносному, источает бо нам неоскудныя милости Пресвятая Богородица и избавляет вся грады и страны христианския невредимы от всех навет вражиих. Но, о Всемилостивая Госпоже, Дево Богородице, Владычице, спаси страну нашу, и архиереи, и вся люди Твоего достояния от всех бед по велицей Твоей милости, да зовем Ти: радуйся, Дево, Христианом похвало.

 

Феодотьевская икона Божией Матери

(память 2 июля по старому стилю)

Находилась в Успенском соборном храме в г. Рязани. Эта икона явилась в 1487 г. в пределах рязанских, в пустом месте, называемом Старое, близ села Феодотьева, поэтому и названа Феодотьевской. В 1611 г. по повелению великого князя рязанского и по благословению архиерея икона была перенесена в г. Рязань и поставлена с подобающей честью в Успенском соборе. Затем по воле Феодорита, архиепископа Рязанского, был снят с чудотворной иконы список и послан в село Феодотьево.

Празднование чудотворной иконе установлено в память избавления Рязани от нашествия в 1668 г. запорожских черкесов помощью и заступлением Пресвятой Богородицы.

 

ХолмскаяХолмская икона Божией Матери

(память 8 сентября по старому стилю)

В городе Холме находилась чудотворная икона Божией Матери. По преданию, записанному епископом Иаковом Сушею, чудотворная Холмская икона, написанная св. евангелистом Лукою, привезена вместе с другими иконами из Константинополя св. равноапостольным князем Владимиром после принятия им св. крещения. Икона изображена на трех вместе соединенных кипарисных досках. Величина ее — 1 аршин 4 вершка длины и около 1 аршина ширины. В древние времена икону украшала драгоценная риза из литого золота с эмалью византийской работы; но эта риза во время нападения на Холм полчищ Бурундая в 1261 году была снята татарами с повреждением в некоторых местах живописи, а самая икона была заброшена ими.

Только спустя сто лет после разрушения Холма татарами икона была открыта под известковым щебнем и торжественно установлена в обновленном соборе. С переходом холмского православного епископа Дионисия Збируйского в 1596 г. в унию Холмский собор и находившаяся в нем чудотворная икона оказались в руках униатов.

В 1650 году униаты возвратили холмскую кафедру православному епископу Дионисию Балабану, в силу Зборовского договора, заключенного поляками с Богданом Хмельницким, но чудотворную икону скрыли, и лишь после долгих поисков православные нашли свою святыню запрятанною в подземелье. В 1651 году возгорелась война между поляками и казаками. Король Ян-Казимир, по наущению Якова Суши, взял икону в поход, по окончании которого икона была отвезена в Варшаву, где и осталась в часовне королевского дворца до 1652 г. Приписав счастливое окончание войны с казаками нахождению чудотворной иконы среди польских войск, Ян-Казимир восстановил Холмскую униатскую кафедру и передал униатам икону, которая торжественно была ввезена в Холм 29 апреля 1652 г. и поставлена в соборном храме. Между тем у поляков снова возникла война с казаками, которые при м. Батоге наголову разбили поляков.

Тогда король вытребовал на место битвы Холмскую икону, но русская святыня не оказала помощи полякам, и король, потерпев поражение под Жванцем, возвратил икону в Холм.

Во время господства унии принимались различные меры к латинизации русской святыни. При перестройке Холмского собора униаты устранили православный иконостас и установили святую икону в алтаре над главным престолом по католическому образцу, а в 1765 году икона была коронована, по католическому обычаю, двумя золотыми коронами, присланными римским папою; на лицевой стороне престола, при котором находилась икона, укреплена была серебряная доска с барельефами и латинскими надписями, объясняющими победу поляков над казаками. С возрождением Холмского края в духе православия и русской народности в Холмском соборе были произведены переделки, причем чудотворная икона торжественно установлена в иконостасе вверху царских врат со спуском для того, чтобы к иконе верующие могли прикладываться, подобно иконе Успения Божией Матери в соборе Киево-Печерской лавры. Таким образом Холмская святыня снова воссияла в русском православном храме, привлекая к себе бесчисленное множество поклонников.

На Холмской иконе видны две язвы: одна на левом плече от сабли, другая на правой руке от стрелы. Язвы сии были нанесены иконе татарами, но кара Божия тогда же постигла нечестивых: дерзкие ослепли, и лица их обратились к спине. Из описания чудотворений от иконы Богородицы Холмской известно, что, когда татары подступили к Холму, в городе были две русские княжны. Видя невозможность отразить силою оружия многочисленные полчища неприятелей, они прибегли к благодатной силе молитвы и со всеми жителями поверглись пред чудотворною иконою Холмской Богородицы, умоляя Ее заступиться и сохранить от врагов. Взяв икону, они вышли на городскую стену и поставили ее против врагов, как крепкую стену и ограждение. На татар напало помешательство ума; гора, на которой стоял город, показалась им слишком высокою и потому неприступною; потом им казалось, что они подступают к городу, а в действительности они отступали и наконец в беспорядке бежали от него. Чудесным заступлением Божией Матери город был спасен от разорения.

 

Христофоровская («Одигитрия») икона Пресвятой Богородицы 

(память 28 июля по старому стилю)

Сия чудотворная икона находилась в келии преподобного Христофора, который основал монастырь в Вологодской губернии, куда перенес св. икону. Она прославилась чудесами в XVI веке. Ныне монастырь обращен в приходский храм, но и доныне сюда стекается множество богомольцев в девятую пятницу по Пасхе, 28 июля и 8 сентября для поклонения чудотворной иконе.

 

ЦареградскаяИкона Пресвятой Богородицы, именуемая «Цареградской»

(память 25 апреля и 17 сентября по старому стилю)

Чудотворная икона Цареградская явилась в 1071 году. Других сказаний о ней не имеется. Список с нее находится в Елиазаровском монастыре в 25 верстах от Пскова.

В Старорусском соборе Новгородской епархии находится также свято чтимая икона Цареградской Богоматери. Икона мерою в 2 дюйма, выбита на грифельной доске. Предание говорит, что в древние времена два монаха из Царьграда, проездом через Старую Руссу, слушали литургию в соборе и оставили на память сию икону. К ней притекают во множестве с молитвою веры.

 

OLYMPUS DIGITAL CAMERAИкона Пресвятой Богородицы, именуемая «Знамение» Царскосельская

(память 27 ноября по старому стилю) 

Икона находилась в храме Царского Села. Принесена в дар царю Алексею Михайловичу (1645-1676 гг.) Константинопольским патриархом св. Афанасием.

Император Петр I питал к ней особенное благоговение и, по народному преданию, благословил ею свою дочь Елизавету Петровну как наследницу престола. Императрица Елизавета Петровна с глубокой верой чтила эту икону и всегда сохраняла ее при себе.

Много чудес совершилось от этой иконы. Так, в 1820 и 1863 гг. икона спасла царский дворец и другие постройки от пожара.

В 1831 и 1848 гг. заступничеством Царицы Небесной Царское Село было избавлено от эпидемии холеры. По молитве матери перед чудотворной иконой был спасен ее сын во время кораблекрушения.

На иконе изображен лик Богоматери и Предвечного Младенца с двумя Херувимами по обеим сторонам главы Пречистой Девы. По краям св. иконы изображены святитель Николай Чудотворец, апостол Петр, праведные Захария и Елисавета, преподобный Алексий, человек Божий, мученица царица Александра.

 

ЦелительницаИкона Пресвятой Богородицы, именуемая “Целительницей”

(память 18 сентября по старому стилю)

Икона Божией Матери “Целительница” является одной из древнейших (VI век). Другая икона с таким же наименованием прославилась чудесами в XVIII столетии. В книге святителя Димитрия Ростовского “Руно орошенное” содержится следующий рассказ о чудесном знамении Богоматери.

Клирик Наварнинской Церкви Викентий Бульвиненский имел благочестивую привычку при входе и выходе из церкви преклонять колена пред образом Божией Матери и произносить краткую молитву: “Радуйся, благодатная! Господь с Тобою! Блаженно чрево, носившее Христа, и сосцы, питавшие Господа Бога и Спаса нашего!”

Однажды этот благочестивый клирик заболел опасной болезнью: у него начал гнить язык, и боль была настолько сильна, что он терял рассудок. Придя в себя, больной мысленно прочитал свою обыкновенную молитву к Богородице и тотчас у изголовья увидел прекрасного юношу. Это был Ангел-Хранитель. С состраданием взирая на больного, Ангел воззвал к Пресвятой Богородице, вознося Ей молитву об исцелении. Вдруг явилась Сама Матерь Божия и послала знамение Своей неизреченной милости: больной почувствовал себя совершенно здоровым, пошел в церковь и стал на клиросе вместе с поющими.

Акафист Пресвятой Богородице перед Ея иконой, именуемой “Целительница”

Кондак 1

Избранной от всех родов Преcвятей Деве Богородице, явившейся иногда клирику болящу во еже исцелити его от болезни лютыя, похвальныя приносим пения: Ты же Всемилостивая Владычице, яко имущая державу непобедимую, от всяких бед и скорбей и болезней свободи ны зовущия Ти: Радуйся, Благодатная Целительнице, душ и телес наших.

Икос 1

Архангел Гавриил, возвещая Пресвятей Деве Марии безсеменное зачатие от Нея Сына Божия, рече: Радуйся; Благодатная, Господь с Тобою, Благословенна Ты в женах, мы же грешнии гласу Архангелову подражати дерзающе c верою и любовию благоговением вопием пения сицевая: Радуйся, от начала веков во главу нашего спасения предизбранная; радуйся, многообразне от пророков предвозвещенная. Радуйся, Невесто Неневестная, заченшая Сына от Духа Святаго; радуйся, Mати в рождестве и по рождестве пребывшая Дево. Радуйся, одеющего светом яко ризою пеленами повившая, радуйся, млеком питавшая горняго и дольняго благодатию своею питающаго. Радуйся, на руку Твоею носившая Вседержителя; радуйся, о Промыслителе вceя твари попечение имевшая. Радуйся, паче всех от Него превознесенная, радуйся, честнейшая и славнейшая без сравнения всех небесных сил. Радуйся, Благодатная Целительнице, душ и телес наших.

Кондак 2

Видяще Пресвятая Владычица усердные и благоговейные клирика Викентия на всяк день преклоняющаго колена пред честным Твоим образом и Архангельское приветствие Тебе приносящего, приняла еси таковое его благоугождение и даровала еси ему во дни болезни внезапное и дивное со одра восстание. Тем же и мы преклоняем колена душ и телес наших пред Цельбоносным Твоим образом, Госпоже наша Богородице, и поминающе чудное явление болящему клирику, вопием Сыну Твоему и Богу нашему: Аллилуиа.

Икос 2

Разумев чудесное исцеление от тяжкого недуга, клирик Викентий, восста с убогого ложе своего, иде в церковь и тамо песньми хвалебными прослави Тя Целительницу всех болящих, приими убо и от нас Мати Божия сии благохваления: Радуйся, от врат смертных неисцельно болящих к жизни возвращающая; радуйся, сострадания к страждущим преисполненная. Радуйся, пораженных различными недуги чудесно исцеляющая; радуйся, во всяких скорбех и печалех небесную отраду в сердца наша изливающая. Радуйся, любовию к Богу и ближним нас воодушевляющая; радуйся, от растлеваюших душу и тело соблазнов мира сего сохраняющая. Радуйся, скорая услышательница усердно Тебе молящихся; радуйся, источающая великия милости и щедроты любящим Тя. Радуйся, уповающим на Тя вся потребная в животе сем дарующая; радуйся, ублажающих Тя в грозный час смерти не оставляющая. Радуйся, Благодатная Целительнице, душ и телес наших.

Кондак 3

Силою данною от Тебе, Госпоже Царице и Владычице, Святая икона Твоя источает неоскудно исцеления страждущим от недуг многоразличных и несумненною верою к Ней притекающих, Богу же вопиющих: Аллилуиа.

Икос 3

Имущи премногую любовь к роду христианскому и матернее о нем попечение всем просящим у Тебе помощи и заступление, всякое благое прошение скоро исполняеши; сего ради Тебе Всемощней Заступнице и скорой Помощнице нашей приносим похвалы сия: Радуйся, скорбящих утешение; радуйся, безнадежных надеждо. Радуйся, труждающих помощь и укрепление; радуйся, нищих одеяние. Радуйся, алчущих питательнице; радуйся, обидимых и гонимых заступление. Радуйся, обидящих устрашительнице; радуйся, в христианской вере наставнице. Радуйся, взыскание погибших; радуйся, споручнице спасения грешных. Радуйся, от лукавых бесов мощное защищение. Радуйся, Благодатная Целительнице, душ и телес наших.

Кондак 4

Бури страстей и похотей искушений бесовских избави нас, Премилосердная Богородице, укрепи и сохрани в нас до конца жизни нашея веру православную и преданность святей Церкви, да возможем невозбранно пети Господу Богу: Аллилуиа.

Икос 4

Слыша Господь на небеси Твоя о нас моления, Преблагая Владычице, исполняет скоро всякое прошение Твое, ведуще таковое матернее дерзновение к Сыну Твоему Иисусу Христу, вси к Тебе прибегаем и усердно молим Тя, предстательствуй за нас, многогрешных рабов Твоих, пред Всемогущим Создателем нашим, да не погубит нас со беззаконьми нашими, но да подаст нам оставление прегрешений, вопиющих Тебе из глубины души: Радуйся, предстательнице пред Богом мир от бед спасающая; радуйся, Сына Твоего на милость к нам недостойным преклоняющая. Радуйся, от запаления огненнаго росою молитв Твоих избавляющая; радуйся, удары молнии и грома от главы нашея отводящая. Радуйся, юродивую мудрость века сего посрамляющая; радуйся, пути спасения заблудшим показующая. Радуйся, грешным к Богу дерзновение дарующая; радуйся, изнемогающим в напастех, скорбех и искушениях скоро помогающая. Радуйся, в посте и молитве и Богомыслии пребывающим присно спребывающая; радуйся, блага земная, суетная и скоро преходящая презирати нас научающая. Радуйся, к небесным и вечным сокровищам умы и сердца наша возводящая. Радуйся, Благодатная Целительнице, душ и телес наших.

Кондак 5

Свет небесный озари храмину болящего клирика егда предстала еси, Преблагая Владычице, даровати ему исцеление от лютого недуга. О, Пресвятая Госпоже Богородице, просвети помраченных многими грехами души наша и подаждь исцеление болезнующим телесем нашим, да прославляя Твоя милости вопием радостно Богу: Аллилуиа.

Икос 5

Видяще Тя Владычицу Богородицу пред огнезрачным престолом Пресвятыя Троицы стоящу и за христиан молящуюся, небесныя силы и вси святии от века Богу угодившии немолчными славословиями ублажают Тя. Мы же грешнии на земле любовию к Тебе подвизаеми дерзаем воспевати Тебе сице: Радуйся, Матернею любовию весь мир христианский объемлющая; радуйся, всех верных благая Заступнице. Радуйся, изрядная споборнице ведущим брань противу искушений мирских и душевредных; радуйся, от всякия злобы и вражды миром и любовию ограждающая. Радуйся, всех прибегающих под кров Твой приемлющая; радуйся, наставнице целомудрия и воздержания. Радуйся, подвижников благочестия к горнему Иерусалиму Путеводительнице; радуйся, душепагубных ересей и расколов искоренительнице. Радуйся, душеполезных знаний подательница; радуйся, скорая в бедах и печалех утешительница. Радуйся, Молитвенница наша пред Сыном Твоим и Богом. Радуйся, Благодатная Целительнице, душ и телес наших.

Кондак 6

Проповедует святая Православная Церковь множество чудес Твоих великия Твоя милости, Преблагая владычице, яко грады и веси ограждаеши, обители иноческия и жилища благочестивых рабов защищаеши, обидимых заступаеши, и вся благая и душеполезная ниспосылаеши всем прославляющим Тя и поющим Сыну Твоему: Аллилуиа.

Икос 6

Светло красуется зде Госпоже Богородице, чудотворная Твоя икона именуемая “Целительница”, прогоняющи от всех верных тьму искушений и нaпaстей и обильно источая исцеления. Сего ради во умилении зовем Ти: Радуйся, от неисцельных болезней скорое исцеление подаюшая; радуйся, от всяких бед и скорбей избавляющая. Радуйся, греховныя страсти Укрощающая, радуйся, колеблющихся в вере православней укрепляющая. Радуйся, утешение благодатное изливающая в сердца боголюбивыя; радуйся, надеждою небесных благ верных души услаждающая. Радуйся, в добрых делех преуспевати нам помогающая; радуйся, от видимых и невидимых враг нас защищающая. Радуйся, благодатию Твоею падших восставляющая; радуйся, страх Божий в сердца наша вселяющая. Радуйся, вся благая прошения наша скоро исполняющая. Радуйся, Благодатная Целительнице, душ и телес наших.

Кондак 7

Хотящи явити милосердие Твое неизреченное даровала еси нам Преблагая Богородице Дево, чудотворную Твою икону именуемую “Целительницею”, да вси притекающии к Ней с верою от болезней свобождаются и всякаго утешения сподобляются, сего ради вопием о Тебе Богу; Аллилуиа.

Икос 7

Дивна и преславна дела Твоя, Пренепорочная Владычице, всем бо богатым и нищим, здравым и болящим, и с прилежною молитвою пред Цельбоносною иконою притекающим вся благая по коегождо потребе и в меру веры и любве подаеши, темже и мы не таим Твоих благодеяний, но благодарственно прославляя милости Твоя глаголем Ти сице: Радуйся, глухих слышание; радуйся, слепых прозрение. Радуйся, немых глаголание; радуйся, хромых хождение. Радуйся, прокаженных очищение; радуйся, расслабленных укрепление. Радуйся, от злых и лукавых духов свобождение; радуйся, по Бозе наше прибежище и заступление. Радуйся, от нужд, и печалей, и бед непреложное избавление; радуйся, пристрастие к тленному богатству искореняющая. Радуйся, искати богатство нетленное на небеси научающая. Радуйся, Благодатная Целительнице, душ и телес наших.

Кондак 8

Странники и пришельцы в мире сем скорбнем и многомятежнем, вечнаго небеснаго отечества взыскуем и Тебе всемощную Царицу Приснодеву Богородицу смиренно просим, путеводствуй нас по стезям спасительных заповедей Сына Твоего Христа Бога нашего, да избежим сетей невидимаго врага, возможем невозбранно воспевати Вседержителю Богу песнь: Аллилуиа.

Икос 8

Весь мир христианский ублажает Тя Пренепорочную Деву гласы хвалебными всем верным, наипаче же болящим утешительно есть взирати на всечестную икону Твою “Целительница” именуемую. О, Пречудная Госпоже Богородице, приими и наша умиленная благохваления таковая; Радуйся, Радосте наша; Радуйся, доброта несказанная. Радуйся, высото добродетелей; радуйся, глубино смиренномудрия. Радуйся, неистощимый источнице милостей и щедрот, радуйся, благоуханный цвете Девства и чистоты. Радуйся, веры христианския утверждение; радуйся, нечестие обличение. Радуйся, горних сил похвало; радуйся всех праведных славо. Радуйся, Благодатная Целительнице, душ и телес наших.

Кондак 9

Все упование на Тя возлагаем Мати Божия и в cкopбex и болезнех ко святой иконе Твоей с благоговением и верою притекаем, чающе от Нея скоро утешение и исцеление получити. O, Пресвятая Царице Богородице, воззри милостивно на нас смиренных рабов твоих и ускори исполнити вся яже на пользу нам в сей жизни и в будущей. Да прославляя Твое благоутробие воспеваем Творцу Богу: Аллилуиа.

Икос 9

Ветии многовещаннии не возмогут достойно восхваляти Тя, Пречистую Деву Честнейшую Херувим и Славнейшую без сравнения Серафим, безсеменно рождшую Спaca душ наших. Мы же аще и немощнии, обаче любовию к Тебе побеждаеми, отверзаем недостойныя уста своя на похвалу Тебе сицевая: Радуйся, чудес Христовых начало; радуйся, исполнение всех пророчеств. Радуйся, чистотою Ангелов превосшедшая; радуйся, девство и рождество в себе чудно сочетавшая. Радуйся, в обою непорочно и свято себе сохраньшая, радуйся, Мати Сына Божия и Бога Вышняго. Радуйся, падшему человечеству отверзшая вход в Царствие горнее; радуйся, тихое пристанище от бурь плавающих по морю житейскому. Радуйся, Богом дарованная отрадо страждущим; радуйся. сияющая благодатию и славою предивных знаний и чудес. Радуйся, Благодатная Целительнице, душ и телес наших.

Кондак 10

Спасти хотя весь род человеческий от беззаконий и вечныя муки, Человеколюбец Господь Тя Матерь Свою дарова в помощь, покров и защиту верующим в Негo, прославляя таковое милосердие о нас грешных благодарственным сердцем и устны вопием Ему: Аллилуиа.

Икос 10

Стена еси необоримая и заступления крепкое, Богородице Дево, всем с молитвою к Тебе прибегающим. Тем же убо и нас недостойных огради от лютых болезней и от всякаго злаго обстояния и подаждь во всех делех благовременную помощь и укрепление взывающим Ти: Радуйся, Заступнице наша и похвало; paдуйся, хранительнице наша и утверждение. Радуйся, Отрадо наша и дивное о нас попечение; радуйся, известное прибежище наше во всех скорбных обстояниях. Радуйся, младенцев воспитание: радуйся, юных наставнице целомудрия. Радуйся, супругам любовь и согласие подавающая; радуйся, благоговейных старцев к мирной кончине жития приводящая. Радуйся, верных пастырей Святыя Церкви укрепляющая и вразумляющая; радуйся, в иноческом образе подвизающимся ходатаице вечнаго радования. Радуйся, в мире благочестиво живущих неоставляющая Своим заступлением. Радуйся, Благодатная Целительнице, душ и телес наших.

Кондак 11

Пения и мольбы всеумиленныя наши приносимыя пред цельбоносным Твоим образом, приими Приснодево Богородице, и сподоби до конца жизни нашея Единому Богу воспевати: Аллилуиа.

Икос 11

Светозарне сияет чудотворная икона Твоя, Мати Божия, источая верным токи исцелений благодатных, наставляя блуждающим во тьме грехов на светлый путь добродетелей и спасения. Сего ради вопием Ти хвалебныя песни таковая: Радуйся, осенением Твоея иконы силу вражию от всех прогоняющая; радуйся, всем прибегающим в скорбех, нуждах и болезнех скорое утешение и исцеление подавающая. Радуйся, чудо чудес, Одигитрие Владычице, на путь спасения наставляющая, радуйся, мирное устроение обуреваемым напастьми дарующая. Радуйся, чистотою Твоею чистоту жития нас научающая; радуйся, лукавых, гордых и гневливых людей вразумляющая. Радуйся, правую веру и страх Божий в нас вселяющая; радуйся, светом Христова учения тьму неверия прогоняющая. Радуйся, смущение помышлений сумнительных удаляющая; радуйся, всех духовных даров щедрая Подательница. Радуйся, Благодатная Целительнице, душ и телес наших.

Кондак 12

Благодатию и щедротами Твоими, Премилосердная Владычице, не оставляеши христиан православных, даруя скорбящим утешение, обидимым заступление, болящим и всем сущим в бедах многоразличных избавление, сего ради прославляюще Тя благодарственно вопием Богу: Аллилуиа.

Икос 12

Поюще Твоя неизреченныя милости и чудеса являемыя нам недостойным преклоняем колена перед цельбоносным Твоим образом, Богородице Приснодево, молим Тя усердно, подаждь нам мир, тишину и благую кончину и не остави без Твоея помощи и заступления во Втором пришествии Сына Твоего и Бога нашего, всех приносящих Ти со умилением сия похвалы: Радуйся, в уныние и отчаяние впадших, надеждою спасения укрепляющая; радуйся, узы греховныя разрешающая. Радуйся, праведный на нас гнев Божий на милость прелагающая; радуйся, земное житие наше добре устрояющая. Радуйся, от опасных обстояний нас избавляющая; радуйся, в час кончины всем верным скорая Помощнице. Радуйся, чтущих Тя на мытарствах воздушных заступающая; радуйся, любовь к Тебе имущая врата райская отверзающая. Радуйся, прославляющих Тя вечнаго блаженства в Царствии Небесном сподобляющая, радуйся, не чтущих Тя перед всеми посрамляющая. Радуйся, державная скоропомощница наша во дни тяжких испытаний. Радуйся, Благодатная Целительнице, душ и телес наших.

Кондак 13

О Всепетая Мати Сладчайшего Господа нашего Иисуса Христа, милостивно приими сие малое моление наше, избави нас от всякия напасти, болезни и внезапныя смерти и сподоби нас наследниками быти Царствия Небеснаго и со всеми святыми воспевати Сыну Твоему и Богу нашему: Аллилуиа.

(Этот кондак читается трижды, затем икос 1 и кондак 1)

Молитва к Пресвятой Богородице перед Ея иконой, именуемой “Целительница”

Приими, о Всеблагословенная и Всемощная Госпоже Владычице Богородице Дево, сия молитвы, со слезами Тебе приносимыя от нас, недостойных раб Твоих, ко Твоему цельбоносному образу пение возсылающих со умилением, яко Тебе Самой зде сущей и внемлющей молению нашему. По коемуждо бо прошению исполнение твориши, скорби облегчаеши, немощным здравие даруеши, разслабленныя и недужныя исцеляеши, от бесных бесы прогоняеши, обидимыя от бед избавлявши, прокаженныя очищаеши и малыя дети милуеши: еще же, Госпоже Владычице Богородице, от уз и темниц свобождаеши и всякия многоразличныя страсти врачуеши: вся бо суть возможна ходатайством Твоим к Сыну Твоему, Христу Богу нашему. О Всепетая Мати, Пресвятая Богородице! Не престай молитися о нас, недостойных рабех Твоих, славящих Тя и почитающих Тя, и поклоняющихся со умилением Пречистому образу Твоему, и надежду имущих невозвратну и веру несумненну к Тебе, Приснодеве Преславней и Непорочней, ныне и присно и во веки веков Аминь.

Тропарь Пресвятой Богородице перед Ея иконой, именуемой “Целительница”

Тропарь, глас 4

Яко Пресветлая Звездо, просия Божественными чудесы святый Твой образ “Целительнице”, подаждь убо и нам, Богородице Марие, исцеление недугов душевных и телесных, спасение и велию милость.

Тропарь, глас 1

Любовию, Чистая Дево, Твою святую икону почитающим и Божию Тя истинную Матерь прославляющим и верно поклоняющим ти ся Целительница явися, всякое зло и болезни от сих удаляющая, яко Всемогущая.

 

ЧенстоховскаяЧенстоховская икона Божией Матери

(память 6 марта по старому стилю)

По преданию, эта икона написана евангелистом Лукою в Иерусалиме; в Константинополь она перенесена царицею Еленою, когда она ходила в Иерусалим для поклонения святым местам и обрела животворящий Крест Христов и гвозди в 326 году, 6 марта. Из Константинополя в Россию святая икона принесена русским князем Львом, основателем города Львова— Лемберга, и с великою честью препровождена им в свое отечество и поставлена в Бельзском замке под ведением православного духовенства. Здесь она прославилась многими чудотворениями.

Впоследствии, по покорении юго-западной России польскому оружию, чудотворная икона досталась тогдашнему правителю царства Польского Владиславу, князю Опольскому. Татары, вторгнувшись в пределы России, осадили замок Бельз. Владислав приказал вынести святую икону из церкви и поставить на городской стене. Татары, стрелявшие в замок, попали стрелою и в чудотворную икону, из язвины истекла кровь, и видна доныне. В то же время на татар нашла какая-то вредоносная мгла, от которой они и умирали во множестве. Это принудило их оставить осаду зам­ка и возвратиться в свои страны. После этого Владислав в сонном видении услышал голос, повелевавший ему перенести чудотворную икону на Ясную гору Ченстоховскую, которая получила такое название от чудес Богоматери. Владислав соорудил там монастырь и перенес в него св. икону, отдав ее на хранение католическим монахам Паулинского ордена.

Через несколько лет эта обитель подверглась нападению гуситов, которые, лишив ее всех сокровищ, хотели похитить и чудотворную икону. Она была уже вынесена из церкви и поставлена в приготовленный для нее возок, но невидимая сила удерживала лошадей так, что они не могли тронуться с места. Это привело гуситов в ярость, и один из них схватил икону Богоматери, в бешенстве бросил ее на землю, а другой ударил мечом в Ее лик; но дерзкие в то же мгновение испытали на себе кару Божию: первого разорвало на части, а у другого в ту же минуту отсохла рука; некоторые тут же погибли от внезапной смерти, а иные были поражены слепотою.

В 1813 году по взятии Ченстоховской крепости русскими войсками, настоятелем и братиею монастыря поднесен был генералу Сакену верный список с чудотворной иконы. Император Александр I украсил сей список богатою ризою с драгоценными камнями в поставил Ее в Петербургском Казанском соборе в приделе Рождества Пресвятой Богородицы у левого клироса. Пред сею иконою горит неугасаемая лампада.

 

ЧерниговскаяИкона Пресвятой Богородицы, именуемая “Черниговской-Гефсиманской”

(память 1 сентября по старому стилю)

Сия святая икона прославилась в 1860 году в Гефсиманском скиту близ Троице-Сергиевой лавры. Она написана на полотне в прошедшем столетии и изображает верный список с чудотворной иконы Черниговской-Ильинской, но по размерам больше подлинника — в длину 1 арш. 12 верш., а в ширину 1 арш. 5 верш. Гефсиманская икона покрыта серебряною ризою, вызолоченною и эмалированною, с короною, украшенною драгоценными каменьями, бриллиан-товым фермуаром и бриллиантовой звездою. В скит икона поступила в 1842 году, за 17 лет до своего прославления в 1860 году.

Молитва к Пресвятой Богородице перед Ея иконой, именуемой “Черниговская” (Гефсиманская)

О Пресвятая Дево! Мати Христа Бога нашего, Царице Небесе и земли! Вонми многоболезненному воздыханию душ наших, призри с высоты святыя Твоея на нас, с верою и любовию поклоняющихся Пречистому образу Твоему: се бо, грехми погружаеми и скорбьми обуреваеми, взирая на Твой образ, яко живей Ти с нами, приносим смиренныя моления наша, не имамы бо иныя помощи, ни инаго предстательства и утешения, токмо Тебе, о Мати всех скорбящих и обремененных. Помози нам немощным, утоли скорбь нашу, настави на путь правый нас заблудших, уврачуй болезненные сердца наша и спаси безнадежных. Даруй нам прочее время живота нашего в мире и покаянии проводити, подаждь христианскую кончину, и на страшном суде Сына Твоего явися нам милосердная Предстательница, да всегда поем, величаем и славим Тя, Благую Заступницу рода христианского, со всеми угодившими Богу. Аминь.

  Тропарь Пресвятой Богородице перед Ея иконой, именуемой «Черниговская-Гефсиманская»

Тропарь, глас 5

 Пречистая Владычице Богородице, упование всех христиан, понеже инаго упования не имамы разве Тебе, Всенепорочная Владычице моя, Госпоже Богородице, Мати Христа Бога моего. Темже помилуй и избави мя от всех зол моих и умоли Милостиваго Сына Своего и Бога моего, да помилует окаянную душу мою, и да избавит мя от вечныя муки, и сподобит мя Царствия Своего.

 

Икона Пресвятой Богородицы, именуемая «Елецкой-Черниговской»

(память 5 февраля по старому стилю)

Елецкая икона Богоматери найдена стоящею на ели преподобным Антонием Печерским в 1060 году. На месте явления иконы он основал обитель в честь Успения Богородицы. Явленная икона и монастырь названы Елецкими, потому что икона найдена на ели.

Истинность этого сказания подтверждается тем, что в Москве с давних времен встречались иконы, на которых нарисована ель, а между ее зелеными ветвями изображена Божия Матерь, держащая на левой руке сидящего Младенца; эта икона называется Елецкою-Черниговскою. Одну из таких икон, привезенную из Владимира братьями Козелами, купил в Чернигове князь Острожский Константин Константинович в 1571 году и отдал ее в Черниговский Елецкий монастырь. Во время войны чудотворная икона перенесена в Москву. Древняя церковь была разрушена Батыем, но вновь поправлена князьями Московскими.

В 1611 году поляки разграбили город и сожгли монастырь; тогда утратилась и святая икона. Поляки хотели унести в Любеч и колокола монастырские, но не могли. Вместо подлинника стоит список той иконы:, привезенный из Владимира братьями Козелами и пожертвованный князем Острожским в Черниговский монастырь.

 

Черниговская ИльинскаяИкона Пресвятой Богородицы, именуемая “Черниговской-Ильинской”

(память 16 апреля по старому стилю)

В Троицком Ильинском монастыре, близ Чернигова, на Болдиной горе, есть чудотворный образ Божией Матери, именуемый Ильинским-Черниговским, написан в 1658 году монахом Геннадием, который до монашества назывался Григорием Константиновичем Дубенским.

При архиепископе Черниговском Лазаре Барановиче и игумене Ильинского монастыря Зосиме от сей иконы, в знамение милосердия, текли слезы в продолжение восьми дней, с 16 до 24 апреля. Свидетелями такого чуда были почти все жители Чернигова. Вскоре после этого, в том же 1662 году, татары сделали набег на Чернигов и разорили все окрестные селения; но монахи Ильинского монастыря ничего не знали о близкой опасности. Ночью дошло до них это известие; они поспешили в церковь и, усердно, со слезами помолившись Ей, Небесной Заступнице, скрылись в Антониевой пещере. В полночь ворвались татары в монастырь, ограбили церковь, взяли церковную утварь, но чудотворная икона со всеми драгоценными украшениями осталась неприкосновенною: невидимая сила не допустила варваров коснуться святыни; та же невидимая сила не допустила их войти и в пещеру, где скрывались иноки, хотя татары много раз покушались на это, подбегая с зажженными лучинами и обнаженными мечами. Внезапно, испуганные непостижимым видением, они обратились в бегство. Святой Димитрий Ростовский, заключая свою книгу “Руно орошенное”, по исчислении 24 чудес от чудотворной Ильинской иконы, говорит: “Конец книжки, но не чудес Пресвятой Богородицы: кто бо я исчести может?”

Молитва к Пресвятой Богородице перед Ея иконой, именуемой “Черниговская” (Ильинская) 

О, Пресвятая Госпоже, Владычице моя Богородице, небесная Царице, спаси и помилуй мя, грешнаго раба твоего, от напрасным клеветы, от всякия беды и напасти и внезапныя смерти. Помилуй мя в дневных часех, и утренних, и вечерних, и во всякое время сохрани мя: стояща, седяща соблюди, и на всяком пути ходяща, и в нощных часех спяща снабди, покрый и заступи. Защити мя, Владычице Богородице, от всех враг моих, видимых и невидимых, и от всякаго злаго обстояния. На всяком месте и на всякое время буди ми, Мати Преблагая, необоримая стена и крепкое заступление. О, Пресвятая Госпоже Владычице Дево Богородице, приими недостойную молитву мою и сохрани мя от напрасныя смерти, и даруй ми прежде конца покаяние. Пресвятая Богородице, спаси нас. Ты мне хранительница жизни всей явися, Пречистая! Ты мене избави от бесов в час смерти! Ты и по смерти упокой! Под твою милость прибегаем, Богородице Дево, молений наших не презри в скорбех, но от бед избави нас, едина чистая и благословенная. Пресвятая Богородице, спаси нас. Аминь.

 

ЧирскаяИкона Пресвятой Богородицы, именуемая “Чирской” или “Псковской”

(память 16 июля по старому стилю)

Чирская, или Псковская, икона Пресвятой Богородицы первоначально находилась в церкви села Чирска Псковской епархии, а потому называлась Чирскою. В 1420 году 16 сентября во время морового поветрия, бывшего во Пскове, от Чирской иконы Богоматери из обоих глаз истекли слезы. Узнав об этом знамении, псковский князь Федор Александрович послал священнослужителей принести чудотворную икону во Псков. Во сретение иконы совершен был крестный ход при великом стечении народа и участии князя; все с благоговением молились. Псковитяне внесли икону в город и поставили в соборную церковь Святой Троицы. Празднество установлено 16 июля (по ст. стилю) в воспоминание знамения великих чудес, бывших от сей иконы, и прекращения морового поветрия. По перенесении во Псков Чирская икона стала называться Псковскою. В память перенесения иконы во Псков построена была церковь Знаменская в 1470 г. в Старо-Знаменском девичьем монастыре.

Тропарь Пресвятой Богородице перед Ея иконой, именуемой “Чирская” (Псковская)

Тропарь, глас 4

Яко необоримую стену и источник чудес, стяжавше Тя, рабы Твои, Богородице Пречистая, сопротивных ополчения низлагаем. Темже молим Тя: мир граду Твоему даруй и душам нашим велию милость.

 

Шестоковская икона Божией Матери

(память 6 марта по старому стилю)

В Тверской губернии Кашинского уезда находится село Шелтомеж, вблизи которого находятся при реке Сити поля Боженские, орошенные кровью русских, когда великий князь Георгий Всеволодович, защищая родную землю от нашествия татар, положил на брани за веру и Отечество жизнь свою со всем своим православным воинством. И в наше время Сама Царица Небесная покрывает достопамятные окрестности Своим благоволением, знамением которого являются великие чудеса от святой Ее иконы.

По сохранившимся преданиям, эта икона в незапамятные времена явилась в Москве, в доме г. Скрипицына. Одна девица, так называемая простенькая, или блаженная, видела во сне, что у них в трубе печи Пресвятая Богородица, и три раза заявляла о том домашним, но на ее слова никто не обращал внимания до тех пор, пока все увидели на шестке печи, выпавший из трубы, сверток холста, и, когда развернули его, все пришли в благоговейный ужас: пред глазами их явилось прекрасное изображение Пресвятой Богородицы с Предвечным Младенцем, на правой руке у Нее небольшой обжог, ясное доказательство, что Она была в огне и силою Божиею осталась невредимою. Икона была принята как драгоценный дар от самого Господа, и все с благоговением почитали Ее. Домовладелец благолепно устроил Ее и по смерти своей передал своим детям в благословение с наименованием IIIестоковская, потому что она явилась на шестке.

Неизвестно, когда икона перенесена в село Шелтомеж, но по древним актам видно, что владелец этого села секунд-майор Скрипицын просил в 1779 году у Тверского епископа Арсения благословения устроить каменный храм «место деревянного, построенного еще в 1686 году, и что его родовая икона Шестоковской Божией Матери, перешедшая к детям его, была долгое время предметом споров и судебной тяжбы между наследниками. Известно также, что все время эта икона оставалась святынею, от которой изливались великие чудотворения. Пред Нею совершались молебны, и ее носили во многие места Тверской и Ярославской губерний. Но с 1851 года сия икона, замечательная по древности и чудесам, передана в неотъемлемую собственность церкви с. Шелтомежи, где ради чудотворной иконы устроена женская Шестоковская община в 1887 г.

 

Шуйская-СмоленскаяИкона Пресвятой Богородицы, именуемая “Шуйской-Смоленской”

(память 28 июля, 2 ноября по старому стилю и во вторник Светлой седмицы)

Шуйская икона Богородицы находится в соборном храме города Шуи Владимирской губернии. В 1654 и 1655 годах при царе Алексее Михайловиче в России свирепствовала моровая язва, от которой умирали тысячами. Это бедствие постигло и Шую. Не находя никаких средств к своему спасению, жители прибегали к молитвам; все храмы наполнялись молящи-мися; не раз обходили город с крестами и иконами со слезными молениями, да отвратит Господь праведный гнев Свой. Один благочестивый человек предложил жителям одного с ним прихода Воскресенского написать общим усердием икону Смоленской Богородицы Одигитрии и поставить ее в своей приходской церкви. Лучшему в Шуе иконописцу поручено было написать икону в продолжение недели. Всю эту неделю прихожане провели в посте и молитве; в конце недели все исповедовались и причащались святых таин, потом вместе со священником, облаченным в священные ризы, отправились в дом иконописца Иконникова, взяли уже написанную икону и, внеся в свою церковь, поставили на особо устроенном месте. С того времени моровая язва стала прекращаться сперва в Воскресенском приходе, потом и во всем городе. От иконы Богородицы стали умножаться чудеса, и благодарные жители устроили на икону сребро-позлащенный, с короною, венец, и тогда же дар усердия был ознаменован новым знаком благоволения Небесной Заступницы: одержимый долговременным беснованием юноша тут же получил исцеление.

Празднование иконы совершается 28 июля с крестным ходом вокруг города — в память избавления от холеры 1831 года; 2 ноября — в память написания иконы и прекращения морового поветрия; во вторник Пасхи — в память первого чуда от иконы, и еще в первое воскресенье Петрова поста.

Тропарь Пресвятой Богородице перед Ея иконой, именуемой “Шуйская-Смоленская”

Тропарь, глас 4

Яко многоценное сокровище прият град Шуя чудесно написанную икону Твою, Пресвятая Владычице, Дево Богородице, во исцеление лютыя язвы и во утешение православных Тобою дарованную, от неяже источники благодатныя и до ныне обильно изливаются. Пробави, Пречистая, и на будущее время милости Твоя ведушим Тя, храни град Твой и всю Русскую землю и спасай людей, к Тебе с верою и любовию притекающих.

ЭкономиссаИкона Пресвятой Богородицы, именуемая “Экономисса или Игумения горы Афонской”

(память 5 июля по старому стилю) 

Икона Игумении горы Афонской “Экономисса” находится в Лавре св. Афанасия на Афонской горе. Она написана по следующему случаю. Однажды и монастыре был голод, так что все иноки ушли из святой обители, и св. Афанасий сам решился удалиться. Но на дороге вдруг увидел женщину под покрывалом и удивился, говоря себе: откуда здесь взяться женщине, когда вход для женщин сюда невозможен? Однако женщина сама спросила его:

“Куда ты идешь, старец?”.

В свою очередь св. Афанасий спросил у нее:

“Ты кто, и как сюда зашла?”, — а также прибавил: “К чему тебе знать, куда я иду? Ты видишь, что я здешний инок”. — “Если ты инок, — продолжала незнакомка, — ты должен быть простодушным, доверчивым и скромным. Я знаю твое горе и помогу тебе. Но расскажи мне прежде, куда ты идешь?”

Тогда св. Афанасий рассказал все, и женщина возразила: “И этого-то ты не вынес? Ради куска хлеба ты бросаешь обитель? В духе ли это иночества?”

— “Кто же ты?” — спросил Афанасий. “Я та, имени которой ты посвящаешь свою обитель. Я Матерь Господа Твоего”, — отвечала женщина. “Боюсь поверить, — ответил старец, — и бесы принимают светлые образы. Чем докажешь мне?!”

— “Видишь этот камень, — отвечала Богородица, — ударь в него жезлом и тогда узнаешь, Кто говорит с тобою. Знай, что с сего времени, я навсегда остаюсь Домостроительницею (Экономиссою) твоей Лавры”.

Афанасий ударил камень, и из него с шумом потекла вода. Св. Афанасий вернулся в обитель, и нашел, что все кладовые доверху наполнены всем необходимым. Вода же до сих пор истекает из того места, где находился камень, а в Лавре, по воле Царицы Небесной, нет эконома. Скоро в монастыре была написана и сама икона “Экономисса”.

Акафист Пресвятой Богородице пред Ея иконой, именуемой “Экономисса или Игумения горы Афонской”

Кондак 1

Избранной от сложения мира Пресвятей Деве Марии Богородице, воистину плотию рождшей Иисуса Христа Спаса и Бога нашего, яко Владычице вселенныя, зело возлюбившей Христа и взявшей под Свой державный покров их святыя обители, похвальное приносим пение. Ты же, Всечестная наша Мати Игумения, храни и спасай нас от всех врагов видимых и невидимых, да зовем Ти: Радуйся, Пресвятая Богородице Дево, святой горы Афона и всея вселенныя православных обителей Всечестная Игумения!

Икос 1

Ангели плотию суще вси преподобнии отцы и матери, юноши и девы, от века просиявшии во святых и ныне православно шествующий в небесныя селения под сиянием Честнаго и Животворящаго Креста Христова, на земном поприще, во юдоли плача и скорбей, под державным покровительством Матери Христа Бога нашего, Всечестнейшия Игумении православнаго монашескаго жития. Еяже милостивному заступлению радостно взываем сице: Радуйся, Всечестнейшая наша Мати Игумения; Радуйся, надежде нашего спасения. Радуйся, горы Афонския Хранительнице; Радуйся, тамо живущих иноков Спасительнице. Радуйся, веселие и славо Христовых подвижников; Радуйся, отрадо Божественная святых пустынников. Радуйся, яко Тобою вси святии спасаются; Радуйся, яко вся вселенная Тобою украшается. Радуйся, миров бесчисленных о Бозе Владычице; Радуйся, вселения рая небеснаго Руководительнице. Радуйся, благий и славный конец всех святых жития; Радуйся, святая радости Божественныя струя. Радуйся, Пресвятая Богородице Дево, святой горы Афона и всея вселенныя православных обителей Всечестная Игумения!

Кондак 2

Видящи скорбный путь спасения для всех преподобных Своих, Господь наш Иисус Христос благоволи Матери Своей Всечестней Деве Богородице, да прострет Она Свой Божественный покров игуменства над всеми святыми обителями святыя Афонския горы и всея вселенныя православнаго монашеского спасения, да вси спасающиися в преподобии и святости, верою видящи сие, взывают непрестанно Спасителю Богу: Аллилуиа.

 Икос 2

Разум имуще Божественный вси преподобнии отцы и матери, от всея души возлюбиша славу небесную, мир же со всеми его прелестьми возненавидевше и ногама поправше, шествоваху в подвизех святых за Христом в мире жития сего, безбедно руководимыя Своею Приснодевственною небесною Игумениею, Еяже верою зряще в лице Ея икон святых, умильно взывают тако: Радуйся, нашего спасения главизно; Радуйся, радосте наша в сей и в будущей жизни. Радуйся, дивная Строительнице наших святых обителей; Радуйся, Экономиссо милосердая иноческих общежитий. Радуйся, цвете Божественнаго прозябения; Радуйся, радосте всемирнаго воскресения. Радуйся, всех святых Божественное веселие; Радуйся, монашества украшение. Радуйся, Истинная Мати нашего Спасителя; Радуйся, яко плотию родила еси ада Победителя. Радуйся, яко на Афоне духовный сад насадила еси; Радуйся, яко тамо живущих в преподобии в рай руководила еси. Радуйся, Пресвятая Богородице Дево, святыя горы Афона и всея вселенныя православных обителей Всечестная Игумения.

Кондак 3

Сила Вышняго осеняет всех, в преподобии и святости, и в правде живущих, иже возненавидеша суету мира сего и бежаша во святыя монашеский обители, и тамо во образе ангельском вземше на ся благое иго Христово свято подвизающеся, чрез все житие свое взывают непрестанно ко Пресвятой Троице Богу: Аллилуиа.

Икос 3

Имуще пламенное желание спасения, вси соборы преподобных, просиявшии во святых от века, и ныне подвиги спасения совершающий во обителех иноческаго жития, в лаврех, монастырех, скитех, киновиих, келлиих и на всяцем месте всея вселенныя, имея дивный щит спасения — Божественное игуменство Матери Божией, хвалебно Ей песнопоют: Радуйся, Собирательнице наша среди мира греховнаго; Радуйся, Строительнице нашего спасения духовнаго. Радуйся, спасшая весь род Адама падшего; Радуйся, плотию рождшая неизреченно Спаса и Бога нашего. Радуйся, Всечестнейшая Монахине, образе спасающимся; Радуйся, праведная Игумение всех нас, подвизающихся. Радуйся, веры православныя воеводо непобедимая; Радуйся, Божественная крепосте всесильная. Радуйся, Мати Господня и наша Благодатная; Радуйся, для всех святых благоприятная. Радуйся, двере милосердия для кающихся; Радуйся, упование о Бозе подвизающихся. Радуйся, Пресвятая Богородице Дево, святыя горы Афона и всея вселенныя православных обителей всечестная Игумение.

 Кондак 4

Бурю сомнений грехолюбивых оставльше отцы преподобныя и матери, возлюбиша тернистый путь спасения, живуще среди скорбей и лишений, Царствия ради Небеснаго, украсивше своим Богоугодным житием премногия места вселенныя, идеже основаше святыя обители иноческаго спасения, в нихже спасающеся, присно поют Ангельскую песнь Христу Богу нашему: Аллилуиа.

Икос 4

Слышаша святыя глаголы Христова Евангелиа, избранницы небесныя, вся презревше суетная мира сего, в путь святый поидоша, нося благое иго Спаса нашего житием своим, во плоти Ангелом святым уподобишася, имея предивную Игумению надвсеми их святыми обителями по всей вселенней яко звезды небесныя сияющими, к Нейже вопиют всегда: Радуйся, премудрая Игумение монашества православного; Радуйся, спасение народа Богоизбраннаго. Радуйся, столпе девства и океане милосердия; Радуйся, вечная отрадо райскаго веселия. Радуйся, прибежище кающихся грешников; Радуйся, сокровище убогим подвижником. Радуйся, всю вселенную любовию покрывающая; Радуйся, славою Небесною сатану во ад низвергающая. Радуйся, Божественная радосте Ангелов и человеков; Радуйся, яко плач принесла еси демоном во веки. Радуйся, единая надеждо веры православныя; Радуйся, Мати Господня и наша Всеславная. Радуйся, Пресвятая Богородице Дево, святыя горы Афона и всея вселенныя православных обителей Всечестная Игумение.

Кондак 5

Боготечную жизнь праведницы проидоша и Небеснаго Отечества с радостию достигоша, веселятся, о Господе, со Ангелы святыми во вся веки, мы же их собратия, подвизаемся во святых обителех, поюще хвалебныя песни Богу: Аллилуиа.

Икос 5

Видеша избранницы Господни скоропреходящую славу мира сего: богатство непостоянно, счастье скоротечно, скорби же, печали и отчаяние, и всякия злоключения присныя спутницы жизни сея есть, в конце же смерть телесная всем людем неизбежна. Святою же верою вечныя селения созерцаху, возлюбиша тесный и прискорбный путь монашескаго жития, идеже Пресвятая Матерь Самаго Господа игуменствует, руководя спасающимися духовными чадами Ея, хвалебно к Ней взывающими: Радуйся, единое спасение душ наших; Радуйся, райское утешение всех скорбящих. Радуйся, святыя горы Афонския Просветительнице; Радуйся, всея вселенныя Покровительнице. Радуйся, надежное прибежище всем кающимся; Радуйся, тихое пристанище от бед спасающимся. Радуйся, Лавры Печерския Строительнице; Радуйся, Почаевския обители Защитнице. Радуйся, Экономиссо лавры Афанасия Афонскаго; Радуйся, книго Христово Завета Новосионскаго. Радуйся, всех святых во едино собравшая; Радуйся, Христианом православным путь в рай указавшая. Радуйся, Пресвятая Богородице Дево, святыя горы Афона и всея вселенныя православных обителей Всечестная Игумение.

Кондак 6

Проповедницы богатнаго равноангельскаго жития во плотиявишася отцы преподобнии: Антоний Великий, Пахомий, Макарий, Феодосий и прочии преподобныя отцы и матери, ихжежитию сонмы последоваша всех преподобных, наследницы бывше райских обителей со всеми святыми, и мы им ныне подражающе, во Ангельстем чине живуще, воспеваем Спасителю мира хвалебныя гласы: Аллилуиа.

Икос 6

Возсия образ жития равноангельскаго для всех ищущих спасения: вдали от всех сует мирских примером Самаго Христа и Бога нашего и Его Пречистыя Матере Приснодевы Марии Богородицы, Предтечи Господня Иоанна и премногих святых угодников, ихже житию подражают вси преподобнии и под державным водительством Владычицы Вселенныя, Всечестнейшия Игумении Православно-монашеских обителей Марии Богородицы, хвалимой от всех святых предивными похвалами сице: Радуйся, православнаго монашества Мати Игумение; Радуйся, их ангельскаго жития вечное спасение. Радуйся, Благая Наставнице на путь небесныя жизни; Радуйся, Настоятельнице монашеския отчизны. Радуйся, скорая защито сиротствующих; Радуйся, яко подвижником святым венцы всегда готовиши. Радуйся, всех праведников любящая; Радуйся, кающихся грешников милующая. Радуйся, яко Твоя любовь Божией любви уподобляется; Радуйся, яко Тобою всякая тварь о Господе спасается. Радуйся, радосте Божественнаго веселия; Радуйся, мира всего покрове и спасение. Радуйся, Пресвятая Богородице Дево, святыя горы Афона и всея вселенныя православных обителей Всечестная Игумение.

Кондак 7

Хотящу скорбный путь к небеси благоустроити, Господь наш Иисус Христос благоволи Матери Своей, да игуменствует над всеми православными иноческими обительми по всей вселенней сущими, руководя в селения небеснаго рая сонмы избранников, ищущих спасения и поющих Избавителю Богу нашему: Аллилуиа.

Икос 7

Новую жизнь образом Ангельскаго жития показаша отцы преподобнии и матери, зане вся оставльше сладости мира греховнаго и возлюбиша шествовати к Небеси путем Царя Славы Христа Бога нашего, крестными страданьми, и быша мученицы без крови, терпящи вся злая Царствия ради Божия, еже и получиша, и ныне сонмы преподобных шествуют таковым путем, водимыя Материю Божиею, яко Всечестнейшею Игумениею их преподобнаго жития, превозносимую от них хвалами: Радуйся, Мати Господа, Судии Всеправеднаго; Радуйся, во игумениих от века предъизбранная. Радуйся, чистотою телеси тварь превозшедшая; Радуйся, святостию Своея души Небеса украсившая. Радуйся, благовестие Небеснаго Отечества; Радуйся: духовный крине православнаго монашества. Радуйся, усердная Молитвеннице о всех православных; Радуйся, Благая Строительнице для святых избранных. Радуйся, тихое пристанище всем странствующим; Радуйся, покоище блаженной старости. Радуйся, Невесто неневестная; Радуйся, Пресвятая Богородице Дево, святыя горы Афона и всея вселенныя православных обителей всечестная Игумение.

Кондак 8

Странное житие имуще, Христовы избранницы, оставльше телесныя страсти и утехи, возлюбиша путь крестных страданий в пусгынех, на островах, в расселинех скал, в дубравех, со зверьми живуще равноангельно, идеже усгроиша Божиею волею святыя обители, в нихже воспеваху чрез все житие свое херувимски ко Господу: Аллилуиа.

Икос 8

Весь бых Всемогущий Бог во умех и сердцах избранных Своих угодников, но реченному: “Дивен Бог во святых Своих”, прославляя святыя Своя, собираяй из среды мира греховнаго, водворяя во святыя обители, да хвалится ими святое Имя Его, со святыми Ангелы во веки, и Владычица Богородица, Всеблагая Матерь Господня премудро игуменствует, спасая от бед и скорбей смиренно восхваляющих милость Ея: Радуйся, Честнейшая всея твари и всея вселенныя; Радуйся, сладчайшая, яко Божие селение. Радуйся, святой покрове жизни нашея; Радуйся, Божественный источнике сладости сладчайшия. Радуйся, вся наша надежде спасения и покой; Радуйся, по Бозе наше упование в жизни земной. Радуйся, яко воскресе Сын Твой и Господь; Радуйся, яко Он воскресит всякую плоть. Радуйся, Юже воспевают Небесныя Воинства; Радуйся, хвалимая от всех святых по достоинствуРадуйся, великая радосте моего спасения; Радуйся, всего мира Божественное утешение. Радуйся, Пресвятая Богородице Дево, святыя горы Афона и всея вселенныя православных обителей Всечестная Игумение.

Кондак 9

Всякое мудрование земное презревше, святии угодницы яко юроди Христа ради явишася, бегая и странствующи на земли, не имуще нигде телеснаго, еже получиша, и мы им подражаем житием, подвигами и любовию ко Господу, Егоже и восхваляем, Ангельски поюще: Аллилуиа.

Икос 9

Витии премудрости Господней явишася отцы преподобнии: Пахомий Великий, Антоний Великий и Макарий Египетский и всех православных иноков начальницы, просиявши во святых, ибо своим святым житием равноангельским на земли и словесами спасения спасоша премногия сонмы учеников, истинных рабов Христовых, по всей вселенней велением Пресвятыя Троицы под державным игуменством Владычицы Богородицы, Юже от всея души всегда хвалиша тако: Радуйся, Державная Владычице вселенныя; Радуйся, Игумение нашего спасения. Радуйся, Бога Отцов Дщере вселюбезная; Радуйся, Материю Сына Божия быти сподобилася еси за святость и смирение. Радуйся, Бога Духа Святаго прекрасная Палато; Радуйся, на небеси и на земли любовию Всебогатая. Радуйся, инокине Честнейшая Херувимов; Радуйся, яко Матерь Бога Превышшая Серафимов. Радуйся, Апостолов Христовых всемудрое учение. Радуйся, всех святых оправдание; Радуйся, помоще наша в земных страданиях. Радуйся, Пресвятая Богородице Дево, святыя горы Афона и всея вселенныя православных обителей Всечестная Игумение.

Кондак 10

Спасти хотя род человеческий, Господь наш Иисус Христос сошед с небесе во юдоль плача и скорбей и Своими страданьми Божественнаго жития подаде пример для всех святых, желающие достигнути вечнаго покоя, в преподобии и правде хвалящих Его Ангельскими гласы: Аллилуиа.

Икос 10

Стена крепости Божественныя явилася еси, наша Всечестная Мати Игумение, охраняя, спасая, покрывая вся святыя обители иноческия жизни во святей горе Афонстей и по всей вселенней, от зари веры христианския и до дне Страшнаго Суда Христова, спасая Божественною милостию преподобныя Своя, присно хвалящия Ея щедроты сими словесы: Радуйся, Пресвятая Мати Игумение; Радуйся, источниче духовнаго воскресения. Радуйся, всю вселенную покрывающая; Радуйся, святую Церковь Христову увеселяющая. Радуйся, пророческая славо и венче; Радуйся, и моея жизни блаженный конече. Радуйся, краше неба и сладше рая; Радуйся, примере для святаго жития. Радуйся, любящая Свой жребий Афон; Радуйся, украшающая Иерусалим и Сион. Радуйся, Мати Милосердаго Судии; Радуйся, проливающая о мире слезныя струи. Радуйся, Пресвятая Богородице Дево, святыя горы Афона и всея вселенныя православных обителей всечестная Игумение.

Кондак 11

Пение всеумиленное приносят вси святии в небесных селениих райских, со святыми Ангелы хваляще и превозносяще Пресвятую Троицу: “Свят, Свят, Свят”, — вопиют, и мы, православнии иноцы, верою сие зряще, вопием непрестанно к Богу нашему: Аллилуиа.

Икос 11

Светоприимную свещу православнаго жития соборы преподобных приемши, со всеми святыми, просиявшими от века, уже впереди, тако и ныне в путь небесный шествуют, имея Всемогущую о Господе Владычицу Матерь Еммануилову яко Игумению их преподобнаго жития, с радостию вопиют к Ней похвалами сице: Радуйся, подающая нам образ смирения; Радуйся, Собирательнице наша во обители спасения. Радуйся, Игумение святыя Афонския горы; Радуйся, Настоятельнице всех святых монастырей. Радуйся, монахине житием всечестная; Радуйся, во бранех всесильнейшая. Радуйся, живых и мертвых Спасительнице; Радуйся, сиротствующих Мати благодатная. Радуйся, в скорби сущих отрадо приятная; Радуйся, спасение православных христиан. Радуйся, святых щедрот Божественный океане; Радуйся, Пресвятая Богородице Дево, святыя горы Афонския и всея вселенныя православных обителей Всечестная Игумение.

Кондак 12

Благодать подает всегда, Пресладкий Спаситель наш, всем святым рабом Своим, в преподобии и святости подвизающимся на поприще земнаго жития, ибо уже сонмы святых православных Православною Церковию в райских селениих воспевают Пресвятую Троицу со всеми Небесными силами, и мы им подражающе, вопием Дивному во святых Богу: Аллилуиа.

Икос 12

Поюще вся милости Господни и щедроты к нам, недостойным инокам, присно ниспосылаемыя, и всечестное Игуменство над всеми нашими обителями нашея Всеблагодатныя Владычицы Богородицы, радуемся Божественно и веселимся, яко сподобившиися спасение совершати в тех обителех, идеже уже премногия сонмы преподобных подвижников достигоша Небеснаго Царствия, ихже святыми молитвами по милости Божией и под святым Покровом нашея Небесныя Матере Игумении достигнем и мы райских селений за труды спасения похвальная, воспевая сице словеса: Радуйся, Пресвятая Богородице Дево; Радуйся, спасения нашего Помощнице. Радуйся, Игумение за всех Всещедрая; Радуйся, в преподобии Ты еси первая. Радуйся, покровом милости весь мир покрывающая; Радуйся, сирот странных питающая. Радуйся, юным целомудрия Наставнице; Радуйся, о всех людех благая Печальнице. Радуйся, рода праотца Адама веселие; Радуйся, тихое пристанище спасения. Радуйся, Всещедрая наша Мати Игумение; Радуйся, благое начало и конец нашего песнопения. Радуйся, Пресвятая Богородице Дево, святыя горы Афона и всея вселенныя православных обителей Всечестная Игумение.

Кондак 13

О Всепетая наша Мати Игумение, Преславная Владычице Богородице! Приими сия моления наша, от всея души Тебе ныне нами возносимыя и сподоби в чине Ангельстем достигнути Небеснаго Царствия, идеже вси святии, Ангели и человецы, воспевают непрестанными гласы хвалу Пресвятей Троице Богу: Аллилуиа.

(Это кондак читается трижды, затем 1-й икос и 1-й кондак)

Молитва к Пресвятой Богородице перед Ея иконой, именуемой “Экономисса или Игумения горы Афонской”

О Пречестная Владычице Богородице, Всечестная наша Мати Игумение, всех православных обителей иноческаго жития, во святей горе Афонстей и по всей вселенней сущих! Приими смиренныя моления наша и принеси яко Все щедрому Богу нашему, да спасет души наша Своею благодатию. Воззри на ны милосердным Твоим оком и соверши Сама о Господе наше спасение, понеже без милости Спаса нашего и Твоего святаго о нас ходатайства, мы, окаянные, не возможем совершити свое спасение, яко окаляхом житие наше в суетах мирских, ибо время приближается жатвы Христовой в день Страшнаго Суда приспе. Мы же, окаянныя, погибаем в бездне греховной, нерадения ради нашего, по реченному от святых отцев, первоначальников ангельскаго по плоти жития: яко последний монаси нерадением жития своего уподобятся мирским людем, еже и сбыстся днесь, ибо иночество наше плавает житием своим на море житейстем среди великия бури и непогоды: ибо наши святыя обители в прахе пребывают грехов ради наших, Всеправедный Господь наш Иисус Христос, тако благоволи, мы же, недостойнии, не имеем где главы подклонити. О сладчайшая наша Мати Игумение! Собери ны, разсеянное стадо Христово, во едино и спаси всех православных христиан, сподоби райския жизни со Ангелы и всеми святыми во Царствии Христа Бога нашего, Емуже честь и слава со Безначальным Его Отцем и со Пресвятым и Благим и Животворящим Духом во веки веков. Аминь.

Тропарь Пресвятой Богородице перед Ея иконой, именуемой “Экономисса”

Тропарь, глас 4

Предстательство страшное и непостыдное, не презри, Благая, молитв наших, Всепетая Богородице, Милостивая верных Домостроительнице, утверди православных жительство, спаси страну нашу и всех православно живущих в ней защити, зане родила еси Бога, Едина Благословенная.

 

ЮгскаяИкона Пресвятой Богородицы, именуемая «Югской»

(память 28 июля по старому стилю)

Чудотворная икона Югская находится в Югской пустыни на берегу реки Юги. Она явилась в царствование Михаила Федоровича, когда шведы сделали нападение на Россию, разоряли окрестности г. Пскова и грабили всюду дома, церкви и монастыри. В пределах Пскова жил богоугодный старец-схимонах Дорофей в Печерском монастыре; но при нашествии шведов он решился в 1616 году оставить монастырь и возвратиться на свою родину в село Никульское близ г. Мологи. Прежде всего он поспешил утром в церковь помолиться пред Печерскою иконою Пресвятой Богородицы и испросить Ее благословения. По его усердной молитве, он слышал от иконы голос, повелевавший ему взять образ Одигитрии и с ним идти на родину. Голос указывал ему место, где находится этот образ, и обещал ему спокойное пристанище на родине. Старец пошел на указанное место и увидел там образ Одигитрии. Он пал пред ним на землю и долго молился. После молитвы он увидел, что образ просиял, и краски на нем показались ему так свежи, как будто только что были написаны.

Старец пришел к настоятелю, рассказал ему о чудесном образе, о повелении идти с ним на родину и просил у него благословения удалиться из обители. Настоятель не поверил его словам и отказался отпустить его. Старец, сильно опечаленный отказом, прибегнул с молитвою к Пресвятой Богородице и просил Ее помощи. Он молился неотступно в своей келье весь день и всю ночь. Ночью Божия Матерь явилась во сне настоятелю и с гневом сказала ему: «Зачем ты препятствуешь старцу Дорофею идти с Моим образом на родину? Ты противишься Моей воле». Настоятель проснулся и чувствовал ужас. Объявив братии о своем видении, он пошел на то место, где была икона Богородицы Одигитрии, и, взяв ее, отдал старцу Дорофею с благословением идти на родину. Старец отправился на родину, решившись поставить эту икону в своей приходской церкви во имя Всемилостивого Спаса. Он дошел до Мологского стана и до реки Юги и был в семи только верстах от с. Никульского, как вдруг почувствовал такую усталость, что, поставив икону на дерево, сам лег под ним и заснул. Проснувшись, он хотел снять икону с дерева, но никак не мог сдвинуть ее с места. Три раза усиливался он снять ее с дерева — и все тщетно: икона оставалась недвижимою. Наконец услышал он таинственный голос от иконы: «Не трудись напрасно; Я желаю, чтобы здесь, где ты находишься теперь, сооружена была обитель для иноков; в ней да пребудет икона Моя навсегда и с нею благодать Моя и сила». Старец не смел уже снимать иконы с дерева, пока не устроил себе келью, внес в нее икону и поселился сам, проводя дни и ночи в молитвах пред иконою Богородицы. Жители окрестных селений, узнав о пришествии старца и о принесенной им иконе, отовсюду начали приходить на поклонение, привода с собою одержимых различными недугами и болезнями, и все с верою и любовью притекавшие к Богородице получали исцеление.

Старец мирно скончался в 1623 году, и в его келье не осталось жителя. Тогда священники села Никульского взяли оттуда чудотворную икону и перенесли ее в приходскую церковь. На другой день пришли они к утрене и иконы не нашли в церкви. Они отправились в келью старца и увидели кону на прежнем месте и пред нею горящую свечу. Священники опять взяли икону и поставили в свою церковь, а на другой день она скрылась и опять найдена была в пустыни. Тогда священники донесли о том митрополиту Ростовскому Варлааму, который почел нужным донести о том патриарху Филарету. Патриарх с согласия царя Михаила Федоровича отправил митрополиту грамоту с дозволением устроить монастырь на месте, где находилась чудотворная икона. Чрез несколько времени здесь сооружена была деревянная церковь во имя Успения Богородицы и кельи для иноков. Таким образом положено основание обители, которая и доныне носит название Югской Дорофеевой пустыни, прославляемой в народе по находящейся в ней иконе Пресвятой Богородицы Одигитрии.

 

ЯрославскаяЯрославская икона Пресвятой Богородицы

(память 8 июня по старому стилю)

Чудотворная икона принесена в Ярославль в XIII веке святыми благоверными князьями Василием и Константином и находится в Ярославском кафедральном соборе.

 

Ярославская-Казанская икона Пресвятой Богородицы

(память 8 июля по старому стилю)

Один благочестивый человек, по имени Герасим, удостоился в 1588 году 2 июля чудесного видения Богоматери в бытность свою в Казани и после этого захотел приобрести для себя икону Успения Богородицы. Но в сонном видении он слышал голос: «Герасим! В сем городе, в торговом дворе, у одного юноши на левой стороне в его лавке есть икона Моя, тезоименитая городу, — возьми ее у юноши: благодатию Сына Моего и Бога сия икона будет источником чудес. С этою иконою иди в город Романов, скажи жителям, чтобы поставили опять под горою храм во имя Рождества Моего, перенесенный ими на гору, и переименовали его в честь принесенной тобою иконы. Сам оставайся в городе до кончины твоей».

Герасим, по указанию дивного видения, нашел икону, и едва взял ее в руки, как его правая, давно болевшая рука исцелилась. С чудотворною иконою он отправился в Романов и все исполнил по повелению Пресвятой Богородицы. Двадцать один год стояла сия икона в храме. Но в 1604 году город Романов взят был литовцами, и один литвин, Иаков Любский, поручик Стравинского полка, взял из церкви чудотворную икону и увез ее с собою в Ярославль. Жители, узнавши о святыне, предлагали Любскому много денег за святую икону, но он отказался от денег и не отдал иконы. Немного времени спустя он сам принес ее к старейшему гражданину, Василию Лыткину.

Икона с торжеством перенесена была в Дмитриевский храм, находившийся за городом. Во время нового нападения поляков на Ярославль священники перенесли икону внутрь города и поставили ее в церкви Рождества Христова, что на берегу Волги. Вскоре Пресвятая Богородица являлась два раза дьякону Елизару, повелевая в честь Ее иконы воздвигнуть храм. Воеводы Сила Гагарин и Никита Вышеславцев вместе с духовенством, избирая место для сооружения храма в честь Богородицы, нашли удобным построить его в меньшем остроге, у земляного вала, с приступной стороны, близ небольшого болота. Получив благословение от архиепископа Вологодского Иосифа, они соорудили здесь храм в честь Пресвятой Богородицы и перенесли туда Казанскую икону, от которой совершались чудеса. Ярославские жители общим усердием устроили при сем храме женский монастырь, где поселились 72 сестры, перешедшие из разоренной поляками ярославской женской обители.

В 1610 г. жители города Романова, не перестававшие печалиться о лишении чудотворной иконы Богородицы, обратились с просьбою к царю Василию Иоанновичу, чтобы он дозволил им взять из Ярославля свою икону. Получив дозволение, романовцы готовились нести к себе сию святыню, а ярославцы с горестью и слезами провожать Заступницу своего города; но два чуда, совершившиеся в сие время от иконы, — исцеление инокини Анисии, давно уже не владевшей рукою и ногою, и посадского человека Константина, бывшего долгое время в исступлении ума, — дали дерзновение ярославским жителям просить царя, чтобы чудотворная икона оставлена была в их храме. Царь вытребовал подробные сведения о совершившихся событиях и список с грамоты архиепископа Иосифа и по совету с патриархом Гермогеном грамотою, данною от лица патриарха, повелел быть сей иконе в Ярославле с тем, чтобы жители Ярославля сделали точный список с чудотворной иконы и, устроив на ней оклад, подобный находящемуся на чудотворной иконе, отдали его в Романов. Граждане ярославские исполнили все указанное, и в 1611 году марта 2 сей список препровожден был с подобающею честию в Романов и там поставлен на месте, где стояла прежняя икона. Кроме того, чудотворная икона ежегодно носится из Ярославля в Романов.

 

Ярославская-Печерская икона Божией Матери

(память 14 мая по старому стилю)

В Ярославле мещанка Александра Добычкина семнадцать лет страдала весьма жестокою болезнью, сначала внутреннею тоскою, потом ломотою в руках и во всех суставах; мучительная боль исторгала у нее страшные вопли. В 1823 г. видела она во сне некоторый храм с изображением в нем иконы Богоматери. После этого она ходила по церквам, везде искала подобный храм и пришла наконец в Ярославский архиерейский дом.

Здесь под колокольнею увидела она церковь Происхождения честных древ и узнала в ней виденный ею во сне храм. С радостным предчувствием она вошла и, как только увидела написанную на стене икону Божией Матери Печерской, вдруг повержена была на пол с необыкновенными корчами всего тела.

Пришедши в себя, она почувствовала несомненную надежду, что получит исцеление своих мучительных многолетних недугов от иконы Богоматери, явившейся ей во сне, и на другой день опять пришла в сию церковь и, усердно помолившись пред иконою, хотела приложиться к ней, но вдруг почувствовала внутри себя какое-то сильное и непонятное движение и вместе с сим получила совершенное исцеление от болезни. С того времени от сей иконы благодатию Богоматери начали источаться бесчисленные чудеса всем, с верою к ней прибегающим.

 

ЯхромскаяЯхромская икона Пресвятой Богородицы

(память 14 октября по старому стилю)

В мужском Космине монастыре Владимирской епархии, в шестидесяти верстах от города Владимира, на реке Яхроме, или Яхреме, есть чудотворная икона, именуемая Яхромской. Икона сия явилась в 1482 году 14 октября благочестивому отроку Косьме, сопутствовавшему одному больному. Однажды остановились они на пути при потоке Яхремы, и больной, утомленный дорогою, погрузился в крепкий сон. Внезапно Косьма увидел необычайный свет и услышал голос: «Внемли и разумей глаголы жизни, яви житие благоугодное и пожелай радости праведных, да насладишься вечных благ». Косьма увидел, что лучи света исходили от иконы Успения Богородицы, явившейся ему на дереве. Отрок благоговейно взял святую икону и поднес болящему, который немедленно получил исцеление.

Следуя небесному внушению, Косьма тайно удалился от исцеленного, которому уже был не нужен, и пришел в Киев, в Печерскую обитель, где находится подлинник обретенной им иконы. Здесь Косьма принял монашеское пострижение и после многих лет, проведенных в иноческих подвигах, по тайному внушению Божию удалился из Киева, взяв с собою икону, на то место, где она явилась ему. Здесь построил он церковь во имя Успения и, поставив в ней Яхромскую икону, сам поселился при церкви, при которой образовалась обитель Косьмина.

(Пока оценок нет)
Загрузка...